Monday, August 31, 2009
နှလုံးသားကို ခိုးယူခြင်း
ဥပမာက (Ways on how to steal a person's heart) တဲ့..။
ဒီပို့စ်ကို မဖတ်ခင် မေးခွန်းလေးတစ်ခုကို မေးပါမယ်။
ရက်စ်လို့ ဖြေရင် နောက်မေးခွန်းတစ်ခုလည်း မေးပါရစေနော်။ တိတ်တခိုးချစ်သူရှိနေသလား။ ဖွင့်မပြောရဲ ဖြစ်နေသလား။ ဒါဆိုရင် ဆက်ဖော်ပြမယ့် နည်း၅နည်းကို သုံးကြည့်လိုက်ပါ. အဆင်ပြေသွားပါလိမ့်မယ်တဲ့။ ၂ပတ်အတွင်း ထူးခြားစေရမယ်လို့လည်း အာမခံထားပါတယ်။ လိုအပ်နေသော သူငယ်ချင်းလေးများ သုံးကြည့်လိုက်နော်။
၁) ကိုယ့်ကိုယ်ကို သေချာအောင်မေးပါ။ ရည်ရွယ်ရာကို သတ်မှတ်ပါတဲ့.
ကိုယ်တကယ်ချစ်နေသူ၊ ကိုယ့်ရင်ထဲမှ မြတ်နိုးနေသူကို သေသေချာချာ သိအောင်လုပ်ပါ။ ဟိုလိုလို ဒီလိုလို မသေမချာမဖြစ်ပါစေနဲ့။ ဦးတည်ရာသည် တစ်ခုသာဖြစ်ရပါမည်။ လောဘကြီး၍ မရပါ။
၂) နားလည်ပါ။
ကိုယ်ချစ်နေသူဟာ သူမှသူပဲဆိုတာ သေချာသွားပြီဆိုရင် သူ့အကြောင်းကို နားလည်အောင် လုပ်ပါတဲ့.။ သူ ဘာကိုကြိုက်တတ်သလဲ၊ ဘာကို စိတ်ဝင်စားတတ်သလဲ၊ သူ့သူငယ်ချင်း၊ဒါမှမဟုတ် (မင်းတကယ်လို့ သတ္တိရှိရင် ) သူမိသားစု စတာတွေကို တည့်အောင်ပေါင်းပြီး သူ၏စိတ်နေစိတ်ထားကို လေ့လာပါ။ ပြီးရင် နားလည်အောင်လုပ်ပါ။ ကြားစကားမဟုတ်ပဲ ကိုယ်တိုင်လေ့လာပါတဲ့..။
၃) လုပ်ငန်းစပါ။ အရမ်းကို အရေးကြီးပါသည်။ *important*
သူမက ပန်းကြိုက်တတ်ရင် ပန်းပို့ပေးပါ။ ကဗျာကြိုက်တတ်ရင် ကဗျာစပ်ပို့ပါ. (နေ့တိုင်းဆိုပဲ..ပန်းဖိုးနဲ့..အင်း။ ဒါလောက်တော့ ရှာထားပေါ့နော်။ :D )။ ကောင်လေးဆိုလဲ သူ့ကြိုက်တတ်တဲ့ အစားအစာကို ချက်ပြီး ပို့ပေးတာမျိုး)။ သူကသိသိမသိသိ ပေးသာပေးပါ။ စားစားမစားစား ပို့သာပို့ပါ။ ဇွဲတော့ရှိပါတဲ့။ ၂ပတ်တိတိ လုပ်ပါ။ ၂ပတ်ပြည့်ရင်တော့ ရပ်လိုက်ပါတဲ့..။
ဒီနည်းက ဟုတ်ပါ့မလား စိတ်မပူပါနဲ့။ ၂ပတ်အတွင်း သိသာပါလိမ့်မယ်လို့ စာရေးသူက ညွှန်းပါတယ်။ ဘာကြောင့်လဲ ဆိုတော့ စိတ်ပညာမှာ နာမည်ကြီးသီအိုရီတစ်ခုရှိတယ်။ (classical conditioning theory လေ။ ၀ူး ..အခုမှ စိတ်ပညာအကြောင်းဝင်လာတယ်။ ကြော်ငြာကနောက်ဆုံးမှဝင်မယ်နော် :P )
(အဲဒီ သီအိုရီအရ) ပန်းကြိုက်သူဟာ မင်းဆီက နေ့စဉ် ပန်းကိုလက်ခံရယူနေရာက မရတော့တဲ့တနေ့ကျရင် သူ့စိတ်ထဲမှ အနေရအထိုင်ရခက်လာပါတယ်။ (ဘာဖြစ်လို့လဲ ဘယ်သွားနေသလဲ နောက်ကောမလာတော့ဘူးလား ....???? စသည်ဖြင့်) သူနေမထိထိုင်မသာ ဖြစ်လာပါတယ်..။ ဒါဆိုရင် နောက်တဆင့်ကို သင်လှမ်းလို့ရပါပြီ။
၎) ဖွင့်ပြောဖို့ အားထုတ်ပါ။သူဟာ ၂ပတ်အတွင်းမှာ မင်းဘယ်သူဆိုတာ သိပြီးနေရင် (ဒါက ပထမရက်က မင်းအစွမ်းအစပေါ်မူတည်ပါတယ်။) မင်းဆီကို တနည်းနည်းနဲ့ ဆက်သွယ်လာပါလိမ့်မယ်။ သူ့ကို မင်းနဲ့ ပတ်သက်တဲ့ Hint တစ်ခုခုပေးခဲ့ဖို့လိုတာပါ။ (လိပ်စာကဒ်၊ ဆက်သွယ်နိုင်မယ့် ဖုန်းနံပါတ်စသည်..) သူ့ဘက်က တုန်ပြန်လာခဲ့ရင် (သူဘက်က စိတ်ဝင်စားမူကို မင်းတွေမြင်ခံစားမိရင်တော့) မင်းရဲ့ခံစားချက်ကို ရင်ဖွင့်လိုက်ပါတော့။ မိန်းကလေးဆိုရင် စဉ်းစားချိန်နည်းနည်းပေးလိုက်ပါ။ ယောက်ျားလေးဖြစ်ခဲ့ရင်တော့.. (အင်း.. လသာည မသိပါ.. :D )
၅) Backupလုပ်ပါ။
၂ပတ်နေလို့မှ သူက ဘာမှမတုန်ပြန်လာဘူးဆိုရင် စိတ်မပူပါနဲ့။ ဆက်လုပ်စရာ နည်း၂နည်း ရှိပါတယ်။
ပထမနည်းက သူပြန်တုန်ပြန်လာတဲ့အထိ ဇွဲရှိရှိ ဆက်စောင့်ပါ။
(အခြေအနေအရ အောက်ကပုံအတိုင်း အန္တရယ်ကျရောက်နိုင်တဲ့နေရာ (မျက်နှာ၊ ခေါင်း၊ ရင်ဘတ် စသည်လေးတွေ) ကို ကာကွယ်ထားဖို့လည်း လိုကောင်းလိုမယ်ထင်တယ်။
နောက်တနည်းကတော့ တခြားတစ်ယောက်ကို ပြောင်းကြိုက်လိုက်ပါတဲ့..
Good luck everyone!
လသာညပါ..။
ကြော်ငြာ။ ။ (Ivon Pavlov's classical conditioning theory is being applied.)
ဒီtheory ရဲ့ မူရင်းဥပမာက ခွေးတစ်ကောင်နဲ့ ခေါင်းလောင်းသံပါ။ အပြင်ဥပမာနဲ့ ပေးရရင်တော့ ကောင်မလေးတစ်ယောက်ဟာ အနီရောင်ကို သိပ်မကြိုက်တတ်ဘူး။ အနီရောင်အကျီင်္လည်း ၀ယ်မ၀တ်ဘူး။ ဒါပေမဲ့ အနီရောင်အင်္ကျီကို စွဲစွဲလန်းလန်းကြိုက်တဲ့ ကောင်လေးတစ်ယောက်နဲ့ သူရင်းနှီးသွားတဲ့အခါ အနီရောင်အကျီင်္မြင်တိုင်း၊ (ဒီထက်ပိုပြီး) အနီရောင်ကို မြင်တိုင်း ကောင်လေးကို သတိရပြီး သူလိုက်ငေးတတ်လာတယ်။ (စွဲလန်းမူက သိပ်ခိုင်ခံသွားမိရင်) အနီရောင်အကျီင်္ကို သူဝယ်ဝတ်ချင် ၀တ်တော့မှာပါ။ အနီရောင်ဟာ ကောင်လေးကို သတိရစေဖို့ အခြေအနေဖန်တီးရှင်တစ်ခုဖြစ်သွားလို့ပါ။ အဲဒါကို conditioning theory လို့ခေါ်တာပါ။
(Resources: My lecturer, Psychology From Science to Practise book from Pearson and website from Wikipedia.)
Sunday, August 30, 2009
နည်းနည်းလေးတော့ခွင့်ပေးပါ
အခုဒီလိုပုံစံနဲ့ စာရိုက်နေတာဟားဟား ။ တကယ်ဖြစ်နေတာ. မယုံရင် လာတာကြည့်ပေတော့။မနေ့က ဆေးခန်းကို သွားတော့ ဆရာဝန်က ကွန်ပျူတာကြည့်တာကို နားခိုင်းနေတယ်။ ဒါပေမဲ့ ပရော်ဖက်ဆာကလည်း စာတွေဖိပေးနေတယ်။ အဲတော့ ကျောင်းစာကို လုပ်နေရတာဆိုတော့ ဘလောကလည်း ကြည့်ဖြစ်တယ်။ ဘလော့ကို သံဃောဇဉ်ဖြတ်ဖို့က တကယ်တော့ မလွယ်လှဘူး။ အခုလည်း ကြည့်.ခေါင်းမာမာနဲ့ စာရိုက်နေတာသာ ကြည့်တော့.. .။
မနေ့က သူငယ်ချင်း တရားသူကြီးမလေး(အလောင်းလျာ)တစ်ဦးနဲ့ မေးလ်ချက်မိပါတယ်။
တရားသူကြီး: အခုဆိုရင်တနေ့ကို၃ခေါက်လောက်လသာ
ကျေးဇူးတင်ပါတယ် သူငယ်ချင်းရယ်.. ကိုယ့်အပေါ်ထားတဲ့ ခင်မင်မှုအတွက် တို့အရမ်းပဲဝမ်းသာပါတယ်။ ကျန်တဲ့သူငယ်ချင်းလေးများလည်း စီဘောက်နဲ့ မေးလ်မှာ အော်ထားတာတွေ တွေ့ရပါတယ်။
မိုးသီတာ: မအားရင်လဲ ဂျီတော့ကနေ ခေါ်ပေးလေ။.. စာရိုက်ပေးမယ်။.. စာရိုက်ခ.. စာပဲဖတ်ပါရစေ။..
မိုးသီတာ: နော်.. နော်.. နော်... တကယ် စာရိုက်ပေးပါ့မယ်။..
.(လျှောက်ပြောတာ တခါမှလည်း ဂျီတော့ကို တက်မလာဘူးရယ်
နောက်တစ်ယောက်။ သူက ခိုင်လေး.နဲ့ နိုင်ပ.။
klay: လသာညရေတကယ်ရက်စက်တော့မှာလား
klay: မိုးသီတာလိုဒို့လည်းဝိုင်းကူပေးမယ်လေနော်....နော်လို့........ အများပြည်သူအကျိူးငှာပြန်စဉ်းစားပါအုံး။
နိုင်ပ: you can write once a week..or once a month...dou???
နိုင်ပ.. “ စာဆက်ရေးပါ။ မောရင် နားထောင်ဖို့သီချင်းတနေ့တပုဒ်ပို့ပေးပါ့မယ်။”
ချစ်သောရို့စ်..ကလည်း..
ပို့စ်ကို မောက်စ်ဖြတ်ပြေးသလို ဖတ်တတ်တဲ့ လဂွန်းအိမ်ကလည်း..
lagooneain:တပတ်တခါတော့ လုပ်ပေါ့ နည်းနည်းလေးပေါ့ :(
Nyochoကတော့ ဒီလိုအချိန်မှာဆို အမြဲလာပြီး နှုတ်ဆက်တယ်။ အခုလည်း
nyocho: နေမကောင်းရင် တပတ်တစ်ခါရေးပေါ့..။ နော..ဟဲဟဲ ကော်ဖီအ၀တိုက်မယ်လေ
nyocho: ဖြစ်တယ်မို့လား။ c-boxအပေါ်ကသတိပေးစာတမ်းကြီးဖျက်လိုက်တော့နော..။ နောက်တစ်ခါမပြောဘူး ဒီတခါပဲ.
.....ကျေးဇူးအများကြီးတင်ပါတယ်..အားလုံးကို။ ဒါကြောင့် ဒီလိုလုပ်မယ်လေ။ ဒီလပိုင်းကုန်ရင် နည်းနည်း ၂-ပတ်လောက်နားလိုက်ဦးမယ်။ ပြီးမှ ပြန်ရေးမယ်နော်။ အဲလိုမျိုး အဆင်ပြေတယ်မို့လား..။
လသာညအပေါ် သံဃောဇဉ်ထားတဲ့ အတွက် သူငယ်ချင်းတရားသူကြီးမလေးနဲ့တကွ အားလုံးသော (စာဖတ်သူလေးတွေရော၊ ဘလော့ဂါသယ်ရင်းလေးများကိုရော) သူငယ်ချင်းလေးများအားလုံးကို ကျေးဇူးအထူးတင်ပါတယ်။
ချစ်ခင်စွာဖြင့်
လသာညပါ
အနှိုင်းမဲ့ရင်ခွင်
သောကတွေ မောဟတွေနဲ့ ဘ၀စိန်ခေါ်မှုတွေများတဲ့ ဒီလောကထဲမှာ ဆက်လက်ရှင်သန်ရပ်တည်နိုင်ဖို့ ကျွန်မကို ခွန်အားများ ပေးလှည့်ပါ... ။ အဲဒီရင်ခွင် အရမ်းကို လိုအပ်နေပါပြီ....။ အဲဒီရင်ခွင်မှာ ခဏလောက်ပဲ ဖြစ်ဖြစ် ကျွန်မကို မေးစက်ခွင့်ပြုပါ။ ကျွန်မ အိမ်ပြန်လာပါရစေ.....
Friday, August 28, 2009
ပျော်အောင် ဘယ်လိုနေရမလဲ
များများပြုံးပစ်လိုက်-ပြုံးရတာသိပ်ခက်နေရင် ခဲတံလေးကိုယူပြီး ကန့်လန့်ဖြတ်ကိုက်ထားလိုက်။ ဟုတ်ပြီ။ နေ့တိုင်း လုံလုံလောက်လောက်ပြုံးပေးပါမှ ပါးကြောလေးတွေ လျော့ပြီး မင်းဦးနှောက်ပါ အလုပ်လုပ်တာတဲ့။ အတွေးအခေါ်ကောင်းကောင်းလဲ ထွက်သတဲ့။ ပြီးတော့ ပျော်ရွှင်စေတဲ့ ဓါတ်ပစ္စည်းတွေလည်း ထွက်လာသတဲ့..။ မှတ်ထားနော်..။
သီချင်းတွေ ဟစ်ပစ်လိုက်! -သီချင်းဆိုတာကလည်း ပြုံးတာလိုပဲ မင်းရဲ့ခန္ဓာကိုယ်ကို good ဖီလင်တွေ များများဖြစ်စေသတဲ.။ ရတဲ့သီချင်းတာ အော်ပစ်လိုက်နော်။ သီချင်းများ အချိန်မရွေး၊ နေရာမရွေး ဆိုလိုရတာပဲဟာ။ ရေချိုးခန်းပဲဆိုဆို၊ ထမင်းဟင်းချက်ရင်းပဲ ဆိုဆို ဆိုဖြစ်ဖို့ကအဓိက။ ကြောက်ရင်လည်း သီချင်းဆိုရတယ်တဲ့ မှတ်ထားနော်။
အကောင်းမြင်တတ်သူတွေနဲ့ များများစကားပြော၊ များများဆက်ဆံ- မင်းနားမှာ ပျော်ပျော်နေတတ်သူတွေ ရှိနေခြင်းဟာ မင်းကို ပျော်ရွှင်တတ်အောင် သင်တတ်ဖို့ အခွင့်အရေးပဲလေ။ ပျော်တတ်တဲ့သူတွေမှာလည်း စိတ်ညစ်စရာမရှိတာမှ မဟုတ်တာ။ သူတို့က ကြုံသမျှ အခက်အခဲကို ရယ်စရာအသွင်ပြောင်းပြီး လုပ်စရာရှိတာကို ဆက်လုပ်နေကြတာ ဖြစ်လို့ ၊ အလကားနေ လွယ်လွယ်စိတ်ညစ်တတ်သူ၊အဆိုးဘက်ကတွေးသူထက်စာရင် ဘ၀မှာ အောင်မြင်မှုများတယ်တဲ့။
ကဲ..တခါတခါဆို ပြုံးရုံတင်မက အားရပါးရ ရယ်ပစ်လိုက်နော် - ရယ်ခြင်းဟာ ရုပ်ပိုင်းဆိုင်ရာရော၊ စိတ်ပိုင်းဆိုင်ရာရော ခံစားချက်ဆိုးတွေကို ပြေပျောက်စေနိုင်တယ်။ ရယ်စရာ မရှိပါဘူးဗျာလို့ စိတ်မညစ်နဲ့၊ လသာညက တာဝန်ယူတယ်။ ဟော ဒီမှာ ...ရယ်စရာတွေရမယ်၊ ရယ်စရာတွေရမယ်.. (ဈေးသည်ကြီးလုပ်လိုက်ဦးမယ်)။ သွားကြည့်လိုက်နော် အများကြီးရှိတယ်။ လသာညတော့ စိတ်ညစ်ရင် အဲဒီကိုသွားရယ်တာပဲ..:D
ဘာဖြစ်ဖြစ် တက်တက်ကြွကြွသာလုပ် -တက်တက်ကြွကြွလုပ်နေတဲ့ မင်းအသွင်ဟာ အမြင်မှာကို နှစ်လိုဖွယ်ရာ ဖြစ်နေမှာသေချာတယ်။
အတွေးသစ်တွေကို ဖန်တီးလိုက်။ - တီထွင်မှုဆိုတာ တကယ့်ပျော်ရွှင်စေတဲ့ လမ်းသွယ်လေးတစ်ခုပါပဲ။ ကဗျာစပ်မလား၊ ပန်းချီဆွဲမလား၊ စာရေးမလား၊ဟင်းချက်မလား သူများနဲ့မတူ ဆန်းသစ်စွာ စဉ်းစားကြည့်လိုက်၊ ဒါဆို အလိုလို စိတ်ဝင်စားစရာတွေ တွေ့လာမှာ သေချာတယ်။ သူများနဲ့တူနေရင် ပျင်းစရာကြီးလေ..နော.။
ထွေးပွေ့မှုတွေများများလုပ်ပေး -လှိုက်လှဲစွာ ဖက်လှဲတကင်း နေပေးခြင်းဟာ ပျော်ရွှင်မှုကို မျှဝေပေးတဲ့ နည်းလေးတစ်ခုပါပဲ..(ဟေး ဖက်တာလည်း ကြည့်ဖက်နော်။ :P) ကလေးငယ်လေးတွေ အဖို့ဆိုရင် များများထွေးပွေ့ပေးခြင်းဟာ သူ့ရဲ့ စိတ်ပိုင်းဆိုင်ရာ ဖွံဖြိုးတိုးတက်မှုကို အထောက်အပံဖြစ်စေတယ်လေ၊ Hug a lot!
တစ်စုံတစ်ယောက်နဲ့ ပဋိပက္ခတစ်ခုခုနဲ့ ကြုံလာခဲ့ရင် အငြင်းမပွားနဲ့။ အရင်က ပျော်ရွှင်ခဲ့တဲ့အကြောင်းကို ပြန်စဉ်းစားပါ။ နှစ်ဦးနှစ်ဖက်ရဲ့ ပျော်ရွှင်မှုကိုသာ စဉ်းစားလိုက်ပါ။
စိတ်ဓါတ်ကျစရာကြုံတိုင်း လွယ်လွယ်မကျအောင် ထိန်းထား။ ကိုယ်ဘာသာပြန်ပြောလိုက် “ဒါက အသေးအမွှားပါ၊ နောက်ထပ် အခွင့်အရေးကောင်းလာဦးမှာ..လို့။
ကလေးတစ်ယောက်လို နေပစ်လိုက် - ကလေးတွေ တွေးတဲ့ အတွေးလေးတွေကို စဉ်းစားလိုက်။ ကလေးတစ်ယောက်ကြိုးခုန်သလို မင်းလွတ်လပ်စွာ ခုန်လိုက်ပါ။ ကလေးတစ်ယောက် မြက်ခင်းပေါ်လွတ်လပ်စွာ ထိုင်သလို ထိုင်ချလိုက်။ ကိုယ့်ကိုယ်ကို ပြန်ပြော“ ငါအသက်ကြီးလို့ ကစားတာကို ရပ်စရာ အကြောင်းမရှိဘူး၊ ကစားတာရပ်ရင် ငါလူကြီးဖြစ်သွားလိမ့်မယ်။ ဒီတော့ ငါကစားမယ်”။
ကြင်နာပါ - နေ့စဉ် ကြင်နာမှုလေးတွေကို လုပ်ပါ။ (ဟေ့ တစ်ဦးတည်းကို ပြောတာမဟုတ်ဘူး :P) ကိုယ်ကြုံတွေ့သမျှလူတွေ အားလုံးကို ကြင်နာစွာ ဆက်ဆံပါ။ တတ်နိုင်သလောက် အကူအညီပေးပါ။ ဥပမာ.. ရထားစီးရင်း ထိုင်ခုံနေရာဖယ်ပေးတာမျိုး၊
ကျေးဇူးတင်ကြရအောင် - ကျေးဇူးတင်ပါတယ်ဆိုတဲ့စကားလေးကို အမြဲသုံးပေးပါ။ အဲဒါပြောတဲ့ ကာယကံရှင် မင်းဘ၀ကိုရော၊ အပြောခံရသူ တဖက်လူကိုပါ စိတ်ခွန်းအားကို ရစေပါတယ်။
တရားထိုင်ကြမယ်! - မင်းခန္ဓာကိုယ်ကို စိတ်ဖိစီးမှုများလေလေ တရားရှုမှတ်မှုကို များများလုပ်သင့်လေပါ။ နေ့တိုင်း စိတ်ကို လန်းဆန်းသစ်လွင်နေအောင် လေ့ကျင့်လို့ရတယ်တဲ့.။ပျော်ပျော်နေနော်..။
လသာညပါ..။
ကြော်ငြာ။ ။ အခုတလောက ဆိုက်ကိုထဲက stress အကြောင်းဖတ်နေဖြစ်လို့ အလျှင်းသင့်တာနဲ့ သူငယ်ချင်းများကို မျှဝေ ဆရာလုပ်လိုက်ရပါတယ်။ စာတွေ များရင် မဖတ်ချင်ဘူးဆိုတဲ့ ချစ်သူငယ်ချင်းလေးကတော့ ခေါင်းစဉ်လေးတင် ဖတ်.. ဖြစ်တယ် :D
Thursday, August 27, 2009
သူ့စိတ်ချည်း..ပဲ :P
ကဲ.. အားလုံးပျော်ရွှင်ပါစေ
လသာညပါ..
Wednesday, August 26, 2009
အတိတ်က ဇာတ်လမ်း
ရေးရမှာ ဒူးတုန်လို့ နည်းနည်း ရဲဆေးတင်တဲ့အနေနဲ့ ဘီယာ အဲလေ ကော်ဖီကျကျလေးသောက်ဦးမှ.. ကိစ္စတော့ မရှိပါဘူးလေ..။ အတိတ်ဆိုတာ လူတိုင်းကင်းတာမှမဟုတ်တာနော.။ :D
ပြောရရင်..လသာညတို့မြို့မှာ တချိန်က လသာည ဟိုးလေးတကျော်သတင်းကြီးဖူးတယ်။ စာလိုက်ပေးတဲ့ကောင်လေးကို ခဲနဲ့ပေါက်တာ ကောင်လေး နဖူးကွဲသွားလို့လေ.. :P အဲလို နာမည်ကြီးပုံက.။
တကယ်က သူကလွန်တာပါ။ ၈တန်းပဲ ရှိကြသေးတာကို ရည်းစားစာလိုက်ပေးတယ် လေ (><)..။
အရင်ကတဲက လူတွေ့တိုင်း စနောက်နေလွန်းလို့ မုန်းနေတာဆိုတော့ အဲဒီနေ့က ပေါက်ကွဲလွန်းတော့ ခဲနဲ့ပေါက်ချလိုက်တာ.။ တကယ်က စဉ်းစားကြည့်ရင် သူရှောင်ရင်လည်း လွတ်နိုင်ပါတယ်။ ကိုယ်ကလည်း သူရှောင်လိမ့်မယ်လို့ပဲထင်ထားတာ။ ဒါပေမဲ့ သူက ဟီးရိုးလုပ်ပြီး မရှောင်ဘူး။ မှန်ရော သွေးတွေဖြန်းကနဲ ထွက်သွားလေတယ်။
ကျောင်းအုပ်ကြီးရုံးခန်းကို ရောက်မယ်ထင်ထားပေမဲ့ သူကသဘောကောင်းစွာ မတိုင်ခဲ့တဲ့အတွက် မရောက်ခဲ့ပါဘူး။ ဒါတောင် အခွင့်ကြုံတိုင်း အိမ်ရှေ့ကနေ လာလာအော်သွားတယ်။ သွေးမြေကျအောင် ချစ်ရသူပါ..ချစ်ရသူပါ..နဲ့။ တွေ့လား အဲလိုမျိုး စိတ်တိုဖို့ အရမ်းကောင်းတယ်..။
တကယ်ဆို သူခမြာ မိဘနှစ်ပါးလုံးလည်း ကွယ်လွန်သွားခဲ့လို့ သူအစ်ကိုနဲ့ နေနေရတာပါ။ အပေါင်းအသင်းအပေါ်လည်း သဘောအရမ်းကောင်းသူမို့ သူငယ်ချင်းအဖြစ် ခင်ချင်စရာပါ။ ခက်တာက အစအနောက်တအားသန်လွန်းတာပါ။
စာကို သိပ်စိတ်မ၀င်စားဘူး။ စာကြည့်တာကို သိပ်မတွေ့သလောက်ပဲ။ အတန်းထဲမှာ လသာညက အဆင်တစ်ဆိုရင် သူက ဘိတ်ချီးဆင့်ပါ။ တခါတလေ လိုက်လိုက်လျောလျော သူငယ်ချင်းအဖြစ်နဲ့ စာကြည့်ပါလို့ပြောကြည့်တယ်။ သူက “စာမကြည့်ဘူး မင်းပဲကြည့်မယ်”လို့ ပြန်အော်တဲ့သူ..ပါ။ အဲဒါ ဆရာမက “သား..မင်း အဆင့်တစ်ရတဲ့ သမီးလေးကို အတုခိုးနော်”လို့ဆိုရင် သူက“ဟုတ်ကဲ့ ခိုးပါမယ်၊ လိုက်မှာလား”လို့ပြန်ပြောသူပါ။
အဲဒီနောက်မှာလည်း တချိန်လုံးအမြဲရန်ဖြစ်ရတဲ့သူပါပဲ။ ဆယ်တန်းအောင်ပြီး လသာညက ကျောင်းဆက်တက်ပေမဲ့ သူကတော့ သူဘ၀ပေးအရ အလုပ်ဝင်ပါတယ်။
တက္ကသိုယ်ကျောင်းပိတ်လို့ မြို့ပြန်ရောက်ချိန်ဆို သူကို အခမဲ့အကြောင်းကြားမဲ့သူက ဘယ်အချိန်အကြောင်းကြားမှန်း မသိအောင် သူက ကြိုသိနေတတ်တယ်။ အိမ်ရှေ့လမ်းတကြောမှာ သူလမ်းသလားပြီသာမှတ်။ အိမ်နားကလူတွေဆို သူ့မြင်ရင် ရယ်ကြရော..။
ဘာကြောင့်လဲတော့မသိဘူး နှစ်တွေသာကြာသွားတယ်။ သူကိုမြင်ရင် စိတ်တိုတာဟာ မပျောက်ဘူး။
ကျောင်းပိတ်ရက်ကုန်လို့ ရန်ကုန်မပြန်ခင် တရက်ကြီးလည်း သီချင်းအကျယ်ကြီးလာအော်သွားသေးတာ။ “အပျိုကြီးတကယ်လုပ်မှာလား” ဆိုတဲ့သီချင်းကို ။ အဲဒါပြောတာ အဲလိုအော်တတ်တာတွေကို ကြည့်လို့ကိုမရဘူးဆို..။
ဒီလိုနဲ့ တွေ့ရင် စောင်းလိုက်မြောင်းလိုက် ရန်ဖြစ်လိုက်နဲ့ ဆယ်နှစ်ကြာပြီး သကာလ.. လသာညက မာစတာဒုတိယနှစ် ပြီးလို့ အိမ်ကို ပြန်လာပြီးတပတ်အကြာမှာ မင်္ဂလာဆောင်ပါလေရော..။ ဝေး...ဟေး..
..မှားမယ်။ လသာညနဲ့ မဟုတ်ဘူး။ အိမ်နားက ကောင်မလေးနဲ့..ဟားဟား။။။ ဒါတောင် သတင်းလာလွှင့်လိုက်သေးတာ လသာညနဲ့တူလို့ ယူလိုက်တာပါတဲ့ နောက်ဘ၀ကျရင် ဆက်ဆက် ပေါင်းပါရစေတဲ့..လွတ်လွတ်ကျွတ်ကျွတ် သွားစရာရှိတာ သွားတာမဟုတ်ဘူး။ အမျှင်လာတန်းပြနေသေးတယ်။ အော်.. ယောက်ျားလေးများ.....
အဲလိုမျိုးလေးရှိခဲ့ဖူးတယ်လို့.။
“ ကလင်ကလင်”
“ဟလို.. .အင်.. နေကောင်းပါတယ်။ ထမင်းလား ..စားပြီးပြီး။ စိတ်ချ၊ ကော်ဖီလည်း လျှော့ပါတယ်။ ဟုတ်..။ အခုလား ဟိုလေ မနက်ဖြန် seminarရှိလို့ စာဖတ်နေတာ။ စိတ်ချပါဆို၊ ညနက်အောင်မနေဘူးရယ်၊ ခဏနေအိပ်မှာ။ အိုကေ စိတ်ချပါ။ ဟုတ်..ဟုတ်..........ဘိုင်ဘိုင်...။”
အဟီး တော်မှ။ ဒါကအချိန်မှန်လာသော လသာည၏ ချစ်လှစွာသော “လူကြီး”ဆီမှ ဖုန်းဖြစ်ကြောင်းပါ..။ ဒီပို့စ်ကို ဖတ်မိသူအကြောင်းသိ သယ်ရင်းလေးများ သူ့ရှေ့မှာ ယောင်လိုများ မပြောမိစေဖို့ အနှုးအညွှတ်တောင်းပန်တယ်နော်။ ကျန်တာ သဘောထားကြီးပါသော်လည်း ထိုသူနှင့်ပတ်သက်လျှင်တော့ သ၀န်တိုတတ်ပါကြောင်း တောင်းပန်ရင်း တက်ဂ်ပို့စ်ကို အောင်မြင်စွာ အဆုံးသတ်ပါတယ်။
:D လသာည..ပါ။
ထုံးစံအရ ဆက်တက်ဂ်ချင်သော်လည်း ဘယ်လိုလုပ်ရပါ့။။။ အောက်က ဘလော့ဂါသူငယ်ချင်းလေးများ အဆင်ပြေရင် ရေးပေးပါဦးနော်။ နည်းနည်း ကြောက်စရာရှိရင် မရေးလည်း ရတယ်သိလား..နောက်မှ မေးလ်နဲ့တိုးတိုးတိတ်တိတ်ပို့လိုက် ။ :P
ချစ်သောရို့စ်
မိုးသောက်ကြယ်လေး
သူငယ်ချင်းလေး မရွှေပိုး
လဂွန်းအိမ်
ကိုမနောသား
Monday, August 24, 2009
နှစ်သက်ခြင်း နှင့် မနှစ်သက်ခြင်း
ကိုယ်အရမ်းကြိုက်နေတဲ့ အစားအစာ တစ်ခုကို တခါတခါ သိပ်မကြိုက်တော့သလို ခံစားရတတ်တယ်။ လှတယ်လို ကိုယ်ယူဆနေကျ ကိုယ်သိပ်ကြိုက်တဲ့ ရုပ်ရှင်မင်းသား၊ရုပ်ရှင်မင်းသမီးကို ကြည့်မရဘူးဖြစ်လာတတ်တယ်။
ကိုယ်သိပ်ခင်နေတဲ့ သူငယ်ချင်းတစ်ယောက်ယောက်ကိုတောင် (ကိုယ်သိပ်ချစ်ပါတယ်ဆိုတဲ့ ကိုယ်ချစ်သူကိုတောင်မှ) အလကားနေရင်း တခါတခါ ကြည့်မရဘူးတဲ့။
ဖြစ်ဖူးကြလား။ ပုံမှန်အားဖြင့်ဆိုရင် ဖြစ်တတ်တယ်ဆိုပဲ..။ (မညာနဲ့နော်.။ မဖြစ်ဘူးတဲ့လူက ပုံမှန် မဟုတ်တဲ့လူဖြစ်သွားလိမ့်မယ်။ :P လသာည၏ မှတ်ချက်ဖြစ်ပါသည်။)
အဲဒါ ဘာကြောင့်လဲ? တကယ်တော့ ကိုယ်က အဲဒီအရာကို အရမ်းကြိုက်နေလို့ ပါ.။
စိတ်ပညာရှင်အချို့ က နှစ်သက်ခြင်း၊မနှစ်သက်ခြင်းအကြောင်း စစ်တမ်းတွေ ကောက်ယူကြတယ်။ ရလာဒ်ကို ဂရပ်ဆွဲကြည့်တဲ့ အခါ အောက်ကပုံအတိုင်း တွေ့ရတယ်။ (ဒါက ဂျပန်က ပရော်ဖက်ဆာ မစ္စတာ မိုရိ၏ သုတေသန တွေ့ရှိချက်ဖြစ်ပါတယ်။ လသာညရဲ့ ဆရာ့စာရွက်က ကူးထားတာ)
တစ်စုံတစ်ယောက်(သို့) တစ်စုံတစ်ခုကို အရမ်းကြိုက်သွားတဲ့ အခါ (ဥပမာ.မြင်မြင်ချင်း ချက်ချင်းအရှိန်အဟုန်နှင့် ချစ်မိသူပဲ ဖြစ်ဖြစ်၊ တဖြည်းဖြည်းချင်းကြိုက်သွားတာပဲ ဖြစ်ဖြစ် နောက်ဆုံး အရမ်းကြိုက်၊အရမ်းချစ်သွားတဲ့ အချိန်က) စပြီး ဆွဲတဲ့ ဂရပ်အဖြစ်မြင်ကြည့်ပါ။
အရမ်းကြိုက်ပြီးသွားရင် အရှိန်နှင့် ဆက်ပြီးသွားတယ်။ ဒါပေမဲ့ တစ်နေရာ အရောက်မှာ ရပ်တန့်သွားတယ်။ ရပ်တန်ရုံတောင်မကဘူး၊ နှစ်သက်မှုအတိုင်းအတာ လျော့သွားတယ်။ အရပ်စကားနှင့် ပြောရရင် ငြီးငွေသွားတယ်လို့ ပြောလို့ရတယ်။
ပြီးတော့ အချိန်အတိုင်းအတာတစ်ခုကို ရောက်ရင် နှစ်သက်မှုအတိုင်းအတာက ပြန်တက်လာတယ်။ ထိုအချိန်အတိုင်းအတာကြားကာလ က ဘယ်လောက်ကြာနိုင်သလဲဆိုတာ တစ်ဦးနှင့်တစ်ဦးမတူပေမဲ့ ပုံမှန်အားဖြင့် ထိုကြားကာလ က လူတိုင်းမှာ ရှိပါတယ်။ (ပုံမှန်မဟုတ်တဲ့ လူတွေကိုတော့ မဆိုလိုပါ..)
အခြေအနေပေါ်မူတည်ပြီးတော့လည်း ကြားကာလက တစ်ဦးနဲ့တစ်ဦးမတူနိုင်ဘူး၊ တစ်ရက်ဖြစ်ချင်လည်း ဖြစ်မယ်။ တစ်လဖြစ်ချင်လည်း ဖြစ်မယ်။ တစ်နှစ် ဒါမှမဟုတ် ဆယ်နှစ်လည်း ဖြစ်ချင်ဖြစ်နိုင်သေးတာတဲ့. :D
ဒါကြောင့် တစ်ယောက်ယောက်က “မင်းကိုချစ်တဲ့ အချစ်က ဘယ်တော့မှ မပြောင်းလဲဘူး”လို့ အပြောခံရတဲ့အခါ ဒီဂရပ်လေးကို သတိရလိုက်ပါ။
ဒါမှမဟုတ် “ နင့်ကို မချစ်တော့ဘူး”လို့ အပြောခံရရင်လည်း စိတ်မလျော့လိုက်နဲ့ဦး၊ ဒီဂရပ်လေးကို သတိရလိုက်ပါ။ သူက ကိုယ်ကို ပြန်ချစ်လာနိုင်သေးတယ်။ ဇွဲလေးနဲ့ တောင့်ထား..။
ကိုယ်ကလည်း “နောက်တခါ ဘယ်တော့မှ မလာနဲ့”လို့ မပြောမိခင် ဒီဂရပ်လေးကို သတိရလိုက်ပါ။ နောက်တခါသူကို လာစေချင်တဲ့အခါ ကိုယ်စကားနဲ့ကိုယ် နောင်တရနေမှာမျိုးမဖြစ်အောင် တချက်လောက်ဆင်ခြင်လိုက်ပါဦး။
ဒီလို နှစ်သက်ခြင်းဂရပ်ရဲ့ အတက်အကျလေးသဘောလေးတွေကို တစ်ယောက်နှင့်တစ်ယောက် နားလည်ပေးပြီး တသက်လုံး ချစ်ခင်နှစ်သက်နိုင်ကြပါစေ.။
ပျော်ရွှင်ပါစေ..လသာည ဖြစ်ပါသည်။။
(အဟိ သူငယ်ချင်းလေးတစ်ယောက်ဆီမှ တိုက်ဆိုင်မှုတစ်ခုကြားရသောကြောင့် (နောက်ချင်သောကြောင့်) ပြန်တင်ပါသည်..။ အခြားတိုက်ဆိုင်မှုရှိသွားသူများလည်း လသာညအား ခွင့်လွှတ်ပေးပါရန်.. :D)
ကျွန်မ နိုင်သောသူ
သူပင်ပန်းကြောင်း၊ သူတော်ကြောင်းကို ငါ့အချိန် ၂နာရီကျော် ပေးပြီး နားထောင်နေရပါလား... အော် သုခ သုခ..
ကျေးဇူးတင်လိုက်တာ သူ့ပရော်ဖက်ဆာကို...။ အခုမှပဲ စိတ်အေးလက်အေး စာလုပ်ရတော့မယ်။ ဒါနဲ့ စာအုပ်ကို စကောက်ကိုင်လိုက်တယ်။
ဒါပေမဲ့ ဖုန်းက ထပ်မြည်လာခဲ့တယ်... အော် ခက်ပြီ.. လာပြန်ပြီ။ ဒီတခါတော့ ပြောကို ပြောပစ်လိုက်မယ်..