Monday, November 30, 2009

ဦးနှောက်ရွှင်အောင်

နေ့တိုင်းပဲ တူညီတဲ့ စာတွေကိုပဲ (အလုပ်တွေကိုပဲ) လုပ်ရတဲ့အခါ ဦးနှောက်က နည်းနည်းလေးနေတတ်တယ် (အလေးချိန်မဟုတ်ဘူးနော်၊ ဦးနှောက်အလုပ်လုပ်မှုနှေးတာကို ပြောတာပါ)။ အဲဒီတော့ အပြောင်းအလဲ ဖြစ်အောင် (လေးပင်ထိုင်းမှိုင်းနေတဲ့) ဦးနှောက်ကို နည်းနည်း အလုပ်ပေးမိတယ်။ အဲဒါက တခြားမဟုတ်ဘူး၊ အောက်က ဥာဏ်စမ်းတွေကိုဖြေကြည့်နေမိတာပါ။ သူငယ်ချင်းများရော အားကျပြီး အတူဖြေကြည့်ချင်..လေ...မလားလို့ ပို့စ်အဖြစ်တင်လိုက်ပါတယ်...:Pကြောင်တစ်ကောင် ပြေးနေတယ်။ မင်းတွေ့ရဲ့လားဟင်။ သူနောက်ကနေ အကောင်တစ်ကောင်လိုက်နေသတဲ့။ လိုက်နေတဲ့အကောင်ကိုလည်း ထည့်ထားတယ်။ မင်းကူရှာပေးပါဦး ဘာကောင်တွေ့လဲ ဟင်။
ဒီမြက်ဖြတ်စက်က တစ်ခုခုမှားနေတယ်။ ဘာမှားနေမှန်းမသိဘူး။ ကူ ရှာကြည့်ပေးနော်။
ဟယ်..၀က်က ရေကူးတတ်တယ်?။ ၀က်က ရေးကူးတတ်မတတ် (လသာည သိပ်မသိဘူး) မပြောတတ်ပေမဲ့ ဓါတ်ပုံထဲမှာ တခြားသတ္တ၀ါတစ်ကောင်ကောင်ရော မင်းမြင်မိလားဟင်။ ရှိလိုရှိငြား ရှာကြည့်လိုက်နော်။
ဒီကလေးကတော့ ကျားကိုတောင် မကြောက်ဖူးနော်။ မင်းတို့ရော သူလို သတ္တိရှိလား..။
ဥာဏ်စမ်းများကို http://www.smart-kit.com/က ယူပါတယ်။

လသာည... ဖြစ်ပါတယ်..။

Sunday, November 29, 2009

ခြေထောက်တွေဟာ ဘယ်ထိရှည်သင့်သလဲ

ဒီအကြောင်းနဲ့ ပတ်သက်ပြီး ရေးထားတာကြာပါပြီ။ အဆုံးထိ ဘာသာမပြန်ဖြစ်တာမို့ ကြာသွားရတာပါ။ ဒါပေမဲ့ မနက်ဖြန် စာအုပ်ပြန်အပ်ရတော့မှာမို့ အပြီးသတ်ရေးလို့ တင်လိုက်ပါတယ်။ (လသာည)
တကယ်တော့ ဒီအဖြစ်အပျက်ဟာ သမ္မတကြီးရဲ့ ဘ၀တစိတ်တပိုင်းကို အခြေခံထားခြင်းဖြစ်ပါတယ်။

အပိုင်း (၁)
ဂျဲနီစ်း၊ ။သမ္မတကြီးခင်ဗျား ကျွန်တော်ကို ခေါ်ပါသလားခင်ဗျာ
လင်ကွန်း။ ။ဟုတ်တယ် ဂျဲနီစ်း၊ ၀င်ခဲ့ပါ။ ခင်ဗျားနဲ့ ဆွေးနွေးစရာရှိလိုပါ။
ဂျဲနီစ်း၊ ။ ဟုတ်ကဲ့။
လင်ကွန်း။ ။ထိုင်ဗျာ။ နောက်တကြိမ် ကျွန်တော်တို့ စည်းဝေးပွဲလုပ်ချိန်ကျရင် ခင်ဗျားက မေးခွန်းတစ်ခုမေးပေးပါ။
ဂျဲနီစ်း၊ ။ ဘာမေးရမလဲ ခင်ဗျာ။
လင်ကွန်း။ ။ “သမ္မတကြီးခင်ဗျာ၊ လူတစ်ယောက်ရဲ့ ခြေထောက်က ဘယ်လောက်ရှည်သင့်ပါသလဲ”လို့..
ဂျဲနီစ်း၊ ။ခင်ဗျာ.. ဘယ်လို....
လင်ကွန်း။ ။“သမ္မတကြီးခင်ဗျာ၊ လူတစ်ယောက်ရဲ့ ခြေထောက်က ဘယ်လောက်ရှည်သင့်ပါသလဲ”လို့..မေးပါ။
ဂျဲနီစ်း၊ ။ ဘာ..ဘာဖြစ်လို့ မေးရမှာလဲ။
လင်ကွန်း။ ။ ဘာဖြစ်လို့လည်း ဆိုတော့ ငါ့မှာ အဖြေကောင်းတစ်ခု ရှိနေလို့ပါ။ အဲအဖြေကို ပြန်ဖြေကြည့်ချင်လို့
ဂျဲနီစ်း၊ ။အဖြေကို အမိန်ရှိပါဦးခင်ဗျာ..
လင်ကွန်း။ ။အဖြေက “ခြေထောက် မြေကြီးရောက်တဲ့အထိ ရှည်သင့်တယ်”
ဂျဲနီစ်း၊ ။ ဗျာ.. (အနည်းငယ် ရယ်ချင်စိတ်ကို အတင်းမြိုသိပ်ရပုံဖြင့်) အဲဒါအဖြေလား။
လင်ကွန်း။ ။ ဟုတ်တယ် “သမ္မတကြီးခင်ဗျာ၊ လူတစ်ယောက်ရဲ့ ခြေထောက်က ဘယ်လောက်ရှည်သင့်ပါသလဲ”ရဲ့ အဖြေလေ။ဘာလဲ အဖြေက ရယ်စရာဖြစ်နေလို့လား
ဂျဲနီစ်း၊ ။ ဟုတ်ကဲ့။ (ပြုံးလိုက်ရင်း) ပွင့်ပွင့်လင်းလင်း ပြောရရင် ရယ်စရာကောင်းသလားလို့ပါ။
လင်ကွန်း။ ။ အင်း.. ဒီနေ့ စည်းဝေးပွဲမှာ အဲဒီအဖြေက ရယ်စရာသွားခဲ့တယ်..။ ငါက အဲဒီမေးခွန်းကို အခုပြန်စဉ်စားနေတာ....

အဲဒီနေ့က သမ္မတကြီးက သူ့ရဲ့ကိုယ်ရေးအရာရှိနဲ့ ပြောဖြစ်တဲ့ စကားပါ။

အပိုင်း(၂)
သမ္မတကြီးဟာ အိမ်ကို ပြန်လာပြီးနောက်လည်း မေးခွန်းနဲ့ အဖြေအကြောင်းကို ဆက်စဉ်းစားနေခဲ့တယ်။ အဲဒီနေ့မနက် သူတို့ စည်းဝေးခန်းမထဲမှာ စည်းဝေးပွဲစခါနီး လယ်သမားတစ်ယောက်က သမ္မတကြီးနဲ့ အရေးတကြီး တွေချင်ကြောင်း အစောင့်က လာအကြောင်းကြားပါတယ်။ ဒါနဲ့ လယ်သမားကို ၀င်ခွင့်ပြုလိုက်ပါတယ်။

ဝင်လာတဲ့လယ်သမားဟာ သူ့မျက်နှာကို ကြည့်ရင်းမေးခဲ့တဲ့ မေးခွန်းက “သမ္မတကြီးခင်ဗျာ၊ လူတစ်ယောက်ရဲ့ ခြေထောက်က ဘယ်လောက်ရှည်သင့်ပါသလဲ”တဲ့..။
ခန်းမတွင်းက လူတွေက သူမေးခွန်းကို အံအားတကြီးဖြစ်သွားစဉ် သူက ပြန်ဖြေခဲ့တယ်။ “ခြေထောက် မြေကြီးရောက်တဲ့အထိ ရှည်သင့်တယ်လေ”

တခန်လုံးရှိ လူအားလုံး ရယ်မောပွဲကျသွားကြတယ်။ သူ့အဖြေကို ရပြီး လယ်သမားဟာ ခန်းမထဲကနေ ပြန်ထွက်သွားခဲ့ပါတယ်။ အဲဒီနောက် ထုံးစအတိုင်း သူတို့ စည်းဝေးပွဲကို ဆက်လုပ်လိုက်ကြတယ်။ သမ္မတကြီးဟာ စည်းဝေးပွဲပြီးနောက် တောက်လျှောက် လယ်သမားရဲ့ မေးခွန်းကိုပဲ ပြန်စဉ်းစားနေမိတယ်။
သူဘာကြောင့် အဲလိုဖြေခဲ့မိတာလဲ ဆိုတာလဲ သူကိုယ်သူ ပြန်တွေးမိတယ်။

သူစဉ်းစားလို့ရတာက လယ်သမားရဲ့ မျက်လုံးတွေဟာ ၀မ်းနည်းနေခဲ့လို့ဖြစ်မယ်ဆိုတာပါပဲ။ သူဘာကြောင့် ၀မ်းနည်းနေတာလဲ ဆိုတာ သူမသိပါ။ ဒါပေမဲ့ သူက အနည်းငယ်ဖြေပျောက်ပေးလိုစိတ်နဲ့ အဖြေတစ်ခုကို အလျင်အမြန်စဉ်းစားပေးမိသွားတာပါ။ ရလာဒ်က အားလုံးက ရယ်စရာအဖြစ်နဲ့ ဇာတ်သိမ်းသွားတယ်။ ဟင်း.......သူဘာကို မေးချင်ခဲ့တာပါလိမ့်။

ထိုင်တွေးနေတဲ့ သမ္မတကြီးကို သမ္မတကတော် မေရီလင်ကွန်းက သိပ်မတွေးဖို့ ပြောခဲ့တယ်။ “ဘာပဲဖြစ်ဖြစ် ရှင့်အဖြေက ရယ်စရာတော့ ကောင်းတယ်နော်။ နောက်တမျိုးဖြေကြည့်ရင် ခြေထောက်က လူခန္တာကိုယ်နဲ့ ထိတဲ့အထိ အပေါ်ကို ပြန်ရှည်သွားတာမဟုတ်ဘူးလား။ မြေကြီးထိရောက်အောင် ရှည်သင့်တာမဟုတ်ပဲ ခန္တာကိုယ်အပေါ်ပိုင်းနဲ့ ထိအောင် ရှည်သင့်တာလေ”
သမ္မတကြီးကတော့ ထိုအဖြေအတွက် မရယ်ခဲ့ပါ။

အပိုင်း(၃)
လယ်သမား Heinzတို့ ဇနီးမောင်နှံအိမ်မှာ ဖြစ်ပါတယ်။ လယ်သမားဟာ အသုံးမကျသူပဲလို့ သူကိုယ့်သူ စိတ်ဆိုးနေခဲ့ပါတယ်။ သူက သမ္မတကြီးကို အရေးတကြီးသွားတွေ့ခါနီးတော့ သူပြောချင်တာတွေကို ပြောဖို့ တန်းစီတွေးထားခဲ့ပါတယ်။ ဒါပေမဲ့ တကယ်ပဲ သမ္မတကြီးနဲ့ တွေ့တော့ သူပြောချင်တာ မပြောနိုင်ခဲ့ပဲ ပါးစပ်ထဲတွေ့တဲ့ မေးခွန်းတစ်ခုကိုပဲ မေးမိခဲ့တယ်။ မေးပြီးတော့ မှားသွားပြီလားလို့ သူစိုးရိမ်သွားချိန်မှာ သမ္မတကြီးက အဖြေကို အလွယ်တကူဖြေပေးခဲ့တယ်။

သူ့မိန်းမက သူ့ကို အပြစ်တင်နေခဲ့တယ်။။
“ရှင်က ကျွန်မသားလေးကို အပြစ်ကလွှတ်အောင် ပြန်လွှတ်ဖို့ တောင်းဆိုမယ်ဆိုပြီး သွားတာမဟုတ်လား။ အခုတော့ အရှုးတစ်ယောက်လို ပေါက်ကရမေးခွန်းမေးပြီး ပြန်လာခဲ့တယ်။ ရှင် ဘာအသုံးကျသလဲ။ အဲဒီ ခြေထောက် ဘယ်အထိရှည်သင့်မသင့်က ဘယ်လောက်အရေးကြီးတဲ့ မေးခွန်းလဲ. ။ ရှင် အရှုးပဲ။ ရှင့်ကို အလုပ်ကို လာနှောက်ယှက်မှုနဲ့ တရားစွဲခံခဲ့ရရင် ကျွန်မတော့ အမှုကြီး တစ်ခု ထပ်ကြုံရတော့မှာပဲ..။ ရှင် လူညံ။ ရှင်ဟာ အသုံးမကျတဲ့သူ။ ရှင်ဟာ....”

“တော်ပါတော့ကွာ။ ငါ့အပြစ်တွေပါ။ ငါ အသုံးမကျသူပါ။ ငါ့လို အသုံးမကျသူတစ်ယောက်က ပေါက်ကရမေးခွန်းမေးတာကို အပြစ်မယူပဲ ရယ်စရာလုပ်လို့ ဖြေရှင်းပေးသွားတဲ့ သမ္မတကြီးကို ငါအရမ်းကျေးဇူးတင်ပါတယ်။ ဒါပေမဲ့ ငါ့သားလေး...ငါ့သားလေး ..” စကားဆုံးအောင် မပြောနိုင်တော့ပဲ လယ်သမား ငိုချလိုက်ပါတော့တယ်။

ဒီအချိန်မှာပဲ တံခါးခေါက်သံကြားလိုက်ရပါတယ်။ ဒီလို ညကြီးမင်းကြီး တံခါးလာခေါက်တာဆိုရင်တော့..။ လင်မယားနှစ်ယောက် အပြန်အလှန်ကြည့်ရင်း စိုးရိမ်ကြောက်လန့်စွာ တံခါးကို ဖွင့်ပေးလိုက်တယ်။ အပြင်မှာ တွေ့လိုက်ရတာက...
“ သမ္မတကြီး”

ဟုတ်ပါတယ်။ သမ္မတကြီးပဲ ဖြစ်ပါတယ်။ သူဟာ ထိုင်ပြီး စဉ်းစားပေမဲ့ အဖြေမရတဲ့အဆုံး သူ့အစောင့်ကို ခေါ်ပြီး လယ်သမားအိမ်ကို စုံစမ်းပြီး ရောက်လာတာပဲ ဖြစ်ပါတယ်။

“ညကြီးမင်းကြီး အနှောက်အယှက်ပေးသလို ဖြစ်ရင် အားနာပါတယ်။ ဒါနဲ့ ခင်ဗျားရဲ့ ဟိုမေးခွန်းက........”
“သမ္မတကြီးခင်ဗျား ကျွန်တော့်ကို ခွင့်လွှတ်ပါ။ ကျွန်တော်ရဲ့ ရှုးကြောင်ကြောင်မေးခွန်းအတွက် အပြစ်ကို ခွင့်လွှတ်ပေးပါ”လို့ ဒူးထောက်ပြောရင်း လယ်သမားဟာ ငိုချလိုက်ပါတယ်။ ထိုအဖြစ်ကို ကြည့်ပြီး သမ္မတကြီးပါ မျက်ရည်တွေကျလာခဲ့ပါတယ်။

“ရပါတယ်။ မငိုပါနဲ့။ ထ ရပ် ပြီး ပြောပါ။”
“ဟုတ်ကဲ့..။ ကျွန်တော်ကို ခွင့်လွှတ်ပါခင်ဗျာ”
“ကဲ စိတ်မညစ်ပါနဲ့ဗျာ။ ခင်ဗျားသားနဲ့ တကွ တကြိမ်တခါ မှားသူ လူငယ်တွေကို ကျွန်တော်ခွင့်လွှတ်ပါတယ်။ မနက်ဖြန် ခင်ဗျားသား လွတ်လာမှာပါ၊ ပြီးတော့ ခင်ဗျားရဲ့မေးခွန်းအတွက်လည်း ကျွန်တော် ကျေးဇူးတင်ပါတယ်။ အဲဒီမေးခွန်းက ကျွန်တော့်ဘ၀ကို နောက်တကြိမ် ပြန်စဉ်းစားဖို့ သတိပေးလိုက်သလို ဖြစ်လို့ပါ။ ကျွန်တော့်အဖြေလည်း ခင်ဗျား ကျေနပ်မယ်ထင်ပါတယ်။ “ခြေထောက်တွေဟာ မြေကြီးအထိ ရှည်သင့်တယ်”ဆိုတာလေ..။

“ဟာ..ကျေနပ်ပါတယ် ခင်ဗျာ။ အဲဒီအဖြေဟာ အဖြေမှန်ပဲ ဖြစ်မှာပါ ခင်ဗျာ”
“ဒါဆိုလည်း ကျွန်တော်ဖြေရကြိုးနပ်ပါပြီ။ ဒါနဲ့ ခင်ဗျားတို့မှာ စားစရာတစ်ခုခု မရှိဘူးလားဗျာ။ ခရီးဝေးကလာရတဲ့ လူတစ်ယောက်အတွက် တစ်ခုခုတော့ ဂုဏ်ပြုသင့်တယ် ထင်တာပဲ”
“ဟာ.. ရှိပါတယ်သမ္မတကြီး၊ ရှိပါတယ်။ အိမ်ထဲကို ကြွပါခင်ဗျာ”
သိပ်မကြာခင်အချိန်အတွင်းမှာပဲ လယ်ယာဖြစ်ဂျုံနဲ့ လုပ်ထားတဲ့ ပေါင်မုန့်ညိုနဲ့ ချိစ်ကို သမ္မတကြီးအတွက် စီစဉ်ပေးခဲ့ပါတယ်။
............................................................

ပြဇာတ်အသွင် ရေးထားတဲ့ ဒီဇာတ်လမ်းနဲ့ ပတ်သက်ပြီး စာရေးဆရာ (Noody Allen)က “ဒီဖြစ်ရပ်မျိုးဟာ သမ္မတကြီး လင်ကွန်းရဲ့ ဘ၀များထဲက တစ်ခုကို အခြေခံတင်ပြထားခြင်း ဖြစ်ပါတယ်။ တကယ်ပဲ ထပ်တူဖြစ်ခဲ့မဖြစ်ခဲ့ကတော့ ဒါကို ရေးသူ ကျွန်တော် ခေါင်းစားနေဆဲ အချက်ပဲ ဖြစ်ပါတယ် ခင်ဗျာ”လို့ ဇာတ်လမ်းအစမှာ နိဒါန်းချီထားပါတယ်။ ၀တ္တုနာမည်က “The question” ဖြစ်ပါတယ်။

ဘာသာပြန်.. လသာည ဖြစ်ပါတယ်။
ဘာရယ်မဟုတ်ပါဘူး။ နာမည်ကြီးသမ္မတကြီးတစ်ဦးရဲ့ ဘ၀တစိတ်တဒေသကို ဖတ်ရတာ စိတ်ဝင်စားမိလို့ ဘာသာပြန်မျှဝေရုံသက်သက်ပါ။ဒီဝတ္တုက ပြဇာတ်အသွင် ရေးထားတာဖြစ်လို့ ဖတ်ကောင်းအောင် နည်းနည်းပြောင်းထားပါတယ်။

Saturday, November 28, 2009

ကော်ဖီနဲ့ ငါ ရယ်၊ နောက်ပြီးတော့..

ဒီနေ့လည်း ကော်ဖီသောက်များလို့ အိပ်မရခဲ့ပါ။ အိပ်မပျော်တဲ့အတူ မထူးဘူးဆိုပြီး ကော်ဖီသောက်လို့ စိတ်ကူးယဉ်လိုက်မိတယ်။ ဒီလိုနဲ့ တညလုံး စိတ်ကူးထဲက မထနိုင်ပဲ ဟိုလွမ်းဒီလွမ်း ...။

ကော်ဖီကို ငါကြိုက်တယ်။
လရိပ်ကို ခံစားချင်တယ်။
ဒါပေမဲ့ လရိပ်က ငါ့ကော်ဖီကို သောက်သွားတယ်....

(ကဗျာမဟုတ်ပါ။ မနေ့ညက အိပ်မပျော်လို့ တောရောက်တောင်ရောက် လျှောက်ခြစ်ထားကို ဒီနေ့မှ ပို့စ်တင်လိုက်တာပါ. :P)

လသာည...

Thursday, November 26, 2009

စပ်စုတတ်သူ

သူကို အခုကနေ နောက်ပြန်ရေတွက်ရင် လွန်ခဲ့သော နှစ်ပေါင်း ၁၅၀ကျော်လောက်က Milan, Ohioမှာ မွေးဖွားခဲ့တယ်။

ငယ်ငယ်ကတဲက စပ်စုတတ်လွန်းခဲ့တယ်။ သူ့အသက် ၃ နှစ်ကျော်မှာ သူအိမ်က ကြက်မကြီးက ကြက်ဥတွေကို ဘာကြောင့်ဝပ်သလဲ၊ ဘာလိုအကောင်ပေါက်သလဲသိချင်လို့ ကြက်မကြီးကို ဖယ်ပြီး သူက အဌားဝပ်ပေးသတဲ့..

နောက်ပြီး စပါးကျီထဲကို လှည်းတွေနဲ့ စပါးတွေ သယ်ထည့်တာကို ကြည့်ပြီး စပါးတွေ စပါးကျီထဲမှာ ဘယ်လောက်ရှိမလဲ တက်ကြည့်တာ စပါးကျီထဲ လိမ့်ကျဖူးတယ်။ ပျားအုံကို လေ့လာတာလွန်လို့ ပျားတုပ်ခံရတာလည်း အကြိမ်မနည်းဘူးတဲ့။

၆-နှစ်သားအရွယ်ရောက်တော့ ရှာရှာကြံကြံ သူကသိချင်ပြန်တယ်။ ကြံခင်းကြီးကို ကြည့်ပြီး သူမိသားစုနဲ့ အိမ်နီးနားချင်းတွေ ပျော်နေတာကို ကြည့်ပြီး သူက စမ်းသပ်မှုတစ်ခုလုပ်ခဲ့မိတယ်။ အဲဒီတုန်းက သူလုပ်ခဲ့တာက ကြံခင်းကို မီးရှို့ခဲ့တာ ဖြစ်ပါတယ်။ ဘာဖြစ်လို့ မီးရှိုရသလဲလို့ သူ့ကို မေးတော့ “ကြံခင်း မီးလောင်ရင် လူတွေ ဘယ်လိုနေမလဲ သူသိချင်လို့ ဖြစ်ပါတယ်”တဲ့။

အဖြေကို တကယ်ပဲ သူသေသေချာချာသိသွားရပါတယ်။ သူရှိုခဲ့တဲ့ မီးကြောင့် သူတို့အိမ်နားနီးချင်းတွေရော၊ သူတို့မိသားစုရော ဒုက္ခရောက်ခဲ့ရတယ်။ ၆-နှစ်သားသူ့ကို သူ့အဖေက လူအများရှေ့မှာ မီးလောင်မှုရဲ့တရားခံအဖြစ် ရိုက်နှက်အပြစ်ပေးခဲ့ပါတယ်။ နောက်ပြီး အဲဒီပတ်ဝန်းကျင်ကနေ Michigan ကို သူတို့ ပြောင်းရွေ့ခဲ့ရတယ်။

နေရာအသစ်ကို ရောက်တော့ သူဖျားနေတာမို့ အသက် ရှစ်နှစ်ထိအောင် ကျောင်းမနေရဘူး။ သူကို ကျောင်းအပ်တော့ ဆရာစကားနားမထောင်သူ ကလေးအရိုင်းအစိုင်းအဖြစ် ပြဿနာ မကြာခဏတက်ခဲ့တယ်။ ဘာဖြစ်လို့လဲဆိုတော့ သူက ဆရာမပြောတာထက် သူသိချင်တာကိုပဲ လျှောက်မေးနေခဲ့လို့ ဖြစ်ပါတယ်။ နောက်တော့ သူအမေကပဲ သူ့ကို စာသင်ပြီး စာဖတ်တဲ့အတတ်ကို သင်ပေးခဲ့ရတယ်။

သူက သိပ္ပံစာအုပ်တွေကို အရမ်းစိတ်ဝင်စားတယ်။ ၁၁- နှစ်သား ဖြစ်တော့ သူမှာ ကိုယ်ပိုင် labလေးတစ်ခု ပိုင်နေပြီ ဖြစ်ပါတယ်။ တနေ့တော့ မိုးပျံပူဖောင်းအကြောင်းကို ဖတ်ရင်း သူက ဓါတုဗေဒ ဆေးဆိုင်မှာ ပစ္စည်းအချို့ကို သွားဝယ်ခဲ့တယ်။ ပြီးတော့ သူက ပစ္စည်းတစ်ချို့ကို ရောပြီး ပစ္စည်းတစ်ခု ဖော်စပ်တယ်။ ပြီးတော့ သူအိမ်မှာ ခေါ်ထားတဲ့ အိမ်ဖော်ကောင်လေးကို သောက်ခိုင်းတယ်။ သူဖော်တဲ့အရာက မိုးပျံပူဖောင်းလိုပဲ လူပျံအောင် စွမ်းတဲ့ ဓါတုပစ္စည်းတွေ ထည့်ထားတယ်လို့ ပြောပါတယ်။ ကောင်လေးက သူခိုင်းသလိုသောက်ပြီးနောက် မိုးပေါ်တော့ ပျံတက်မသွားပဲ ကြမ်းပြင်ပေါ်လဲကျသွားခဲ့တယ်။ သူအဖေ အရောက်စောပြီး ဆေးရုံတင်လို့သာပေါ့၊ မဟုတ်ရင် အဲဒီကောင်လေး သေသွားမှာ သေချာတယ်။ သူက အဲလို စူးစမ်းချင်သူဖြစ်ခဲ့တယ်တဲ့..။

၁၂ နှစ်သားအရွယ်ရောက်တော့ ကျောင်းစာလုပ်မယ့်အစား အလုပ်လုပ်ဖို့ပဲ သူတောင်းဆိုခဲ့တယ်။ ဒါနဲ့ မီးရထားပေါ်မှာ သတင်းစာ၊ ချိုချဉ်ရောင်းရင်း ပိုက်ဆံစုခဲ့တယ်။ စာအုပ်တွေဝယ်ဖတ်တယ်၊ နောက်တော့ ရထားပေါ်မှာ သူ့ရဲ့ labကိုယ်ပိုင်ခန်းဖွင့်နိုင်ခဲ့တယ်။ နောက်ပိုင်း ရထားမှာ သွားရင်း မတော်တဆဖြစ်လို့ သူရဲ့နားကန်းသွားခဲ့တယ်။ ဒါပေမဲ့ စိတ်ဓါတ်မကျခဲ့တဲ့ သူက ဒီလိုပြောခဲ့တယ်။

“ကျွန်တော် ကံကောင်းသွားတာဗျ။ အခုဆို စာကို တိတ်တိတ်ဆိတ်ဆိတ် အာရုံစူးစိုက် ပိုဖတ်နိုင်တယ်ဗျာ။”

အဲဒါကတော့ တခြားသူမဟုတ်ပါဘူး နာမည်ကျော်သိပ္ပံပညာရှင်ကြီး Thomas Edisonပဲ ဖြစ်ပါတယ်။
အဲဒီအချိန်တုန်းကတော့ သူ့ကို ဘယ်သူက အခုလို နာမည်ကျော်ပညာရှင်ကြီးရယ်လို့ ထင်ခဲ့ပါ့မလဲနော်။ သူရဲ့ အကောင်းမြင်စိတ်၊ စူးစပ်လိုစိတ်က သူများကို အနည်းအကျဉ်း ဒုက္ခရောက်စေကောင်း ရောက်ခဲ့စေပေမဲ့ နောင်တချိန်မှာ လျှပ်စစ်မီးတွေ ထိန်ထိန်ညီးအောင် သူပဲ တီထွင်ပေးခဲ့တာမို့လား။ နောက်ထပ်လည်း သူအများကြီးတီထွင်ခဲ့သေးတယ်လေ..။

ဒီအကြောင်းကို ရေးရင်း ကျွန်မရဲ့မီးမီးကို ပိုသတိရသွားမိပါတယ်။
တချိန်မှာ ဘာဖြစ်မလဲ မသိသော်လည်း ကွန်ပျူတာကို လစ်ရင်လစ်သလို ရေလောင်းကြည့်ချင်သူ၊ တီဗွီ ဖန်သားပြင်ကို ခေါင်းနဲ့ ဝှေ့ပြီး အထဲကို ၀င်ကြည့်ဖို့ ကြိုးစားသူပါ။ နောက်ပြီး ဟန်းဖုံးကို ရေထဲနှစ်ပြီး ရေချိုးပေးလို့ မြင်မြင်ချင်း အချိန်မှီပြန်ဆယ်သော်လည်း ဖုံးရဲ့ function တချို့ သုံးလို့ မရဖြစ်သွားဖူးတယ်။

တခါကလည်း မူကြိုကျောင်းက ဆရာမက ပေးလိုက်တဲ့ စာရွက်ကို ရေခဲသေတ္တာ အခဲခန်းထဲကို သွားထည့်ပြီး ချောင်းကြည့်နေလို့ ဘာလုပ်တာလဲမီးမီးလို့ မေးတော့ စာရွက်ကလေး အိပ်ပျော်အောင်လို့ သူက မီးမှိတ်ပေးတာတဲ့။ သူ့ကြောင့် ကွန်ပျူတာတစ်လုံး လုံးဝလွှတ်ပစ်လိုက်ရပြီး၊ တီဗွီနောက်ကျောဖက်က အပေါက်လေးမှတဆင့် ရေလောင်းချလိုက်လို့ တီဗွီလည်း ကျယ်လောင်စွာ ရှော့ဖြစ်သွားဖူးပါတယ်။
အဲဒါကတော့ မီးမီးလေး ရဲ့ စူးစမ်းမှုလေးတွေပါ။ :P

ကျွန်မရဲ့မီးမီးကို လွမ်းလို့ ဒီပို့စ်ကို အမှတ်တရ တင်လိုက်ပါတယ်။ အား... မတွေ့ရတာ တနှစ်ပြည့်တော့မယ်။ (++)

လသာည
အက်ဒီဆင်ဓါတ်ပုံကို googleမှ ယူထားတာပါ :P

ပုံပြင်များဖြင့်

စိတ်ပညာက အကြောင်းလေးတွေကို ဗဟုသုတအဖြစ် ပြောပြဖို့ စိတ်ကူးရင်းကနေ အခုတလော ကိုယ်နှစ်သက်တဲ့ ပုံပြင်များကိုပဲ ရေးဖြစ်နေခဲ့မိတယ်။ ဒီနေ့တော့ ပုံပြင်အကြောင်းမှ တဆင့် စိတ်ပညာ မိတ်ဆက်လို့လည်း ပြောလို့ရမယ့် ပုံပြင်ဖြင့် စိတ်ကို လေ့လာနည်း ဆိုတာလေးကို ဗဟုသုတ ပေးလိုက်ပါတယ်။

စိတ်ပညာက စကားလုံးအသုံးအနှုန်းတွေက ဘာသာပြန်ရတာ ကျွန်မအတွက် တစ်ခါတစ်လေ တော်တော်လက်ဝင်ပါတယ်။ အင်္ဂလိပ်လို psychologyက မြန်မာလို ဘာသာပြန်တော့ စိတ္တဗေဒဖြစ်နေတာသာ ကြည့်ပါ၊ စာသားတွေကို ကျောင်းတက်တုန်းက အင်္ဂလိပ်လို သင်ရတော့ အင်္ဂလိပ်လိုပဲ မှတ်ခဲ့တယ်။ ဂျပန်ရောက်တော့ ဂျပန်လိုပဲ မှတ်ဖို့ လုံးပမ်းရင်း မြန်မာလူမျိုးဖြစ်ပြီး မြန်မာစာအားနည်းတဲ့သူ (ကျွန်မအတွက်) ဘာသာပြန်ရတာ ပိုပိုဆိုးလာခဲ့တယ်။ ဒါကြောင့်လည်း ဟိုတလောက ဘလော့ဂါမိတ်ဆွေတစ်ယောက်က ၀င်ကူပြီး ရှင်းပြပေးရတဲ့အထိဖြစ်သွားတယ်..:D

စိတ်ပညာလေ့လာရတာကို ကျွန်မ အရမ်းကို သဘောကျမိတယ်။ စိတ်ပညာလို့ ပညာရပ်တစ်ခုနဲ့ သုံးနှုံးနေရပေမဲ့ သိပ်ပြီးနားမလည်နိုင်အောင် ခက်တဲ့၊ အလှမ်းဝေးတဲ့ ဘာသာရပ်တစ်ခုတောင် မဟုတ်ပါဘူး။ လူတစ်ယောက်ရဲ့ ရင်ထဲက မမြင်နိုင်တဲ့ အတွေးတွေကို အကဲခတ်ပြီး စိစစ်တဲ့ ဘာသာရပ်လို့ ပြောရင်တောင် မမှားနိုင်ဘူးထင်ပါတယ်။

အချိန်နဲ့အမျှ ပြောင်းလဲနေတဲ့၊ မြင်လည်း မမြင်နိုင်တဲ့ လူရဲ့စိတ်ကို လိုက်တိုင်းတာဖို့ဆိုတာ သိပ်တော့ မလွယ်လှဘူးပေါ့။ ဒီတော့ စိတ်ပညာရှင်တွေက မြင်သာတဲ့ အမူအရာတွေ၊ သူမက်တဲ့ အိပ်မက်တွေ၊ သူ့ဘ၀ရဲ့ ပြောင်းလဲမှုဖြစ်စဉ်တွေ၊ အခက်အခဲတစ်ခုခု ကြုံရင် တုန်ပြန်တတ်ပုံ အကျင့်စရိုတ်တွေ စသည့်တို့က တဆင့်လေ့လာပြီး လူတစ်ယောက်ရဲ့ လက်ရှိစိတ်အနေအထားကို အကဲဖြတ်ပြီး၊ အနာဂတ်ဖြစ်လာနိုင်တဲ့ သူ့စိတ်ကို ပုံဖော်ကြတာပေါ့။

မဟာစစ်ဘုရင်ကြီး နပိုလီယန်တစ်ယောက် အဆိပ်သောက်သေလိမ့်မယ်လို့ စိတ်ပညာရှင်တွေက ကြိုတင်ခန့်မှန်းနိုင်ခဲ့ကြတယ်။ သူ့မှာ ဒွိကိုယ်ရည်သွေးရှိနေပြီး၊ အများအမြင်မှာ ခက်ထန်နေသော စစ်ဘုရင်ကြီးဖြစ်ပေမဲ့ တနေရာရာမှာ သူဟာ အားငယ်ကြောက်ရွံသူဖြစ်နေခဲ့တယ်။ အဲဒါကို ဖုံးကွယ်ဖို့အတွက် လူများစွာကို သူသတ်ခဲ့တာပါလို့ စိတ်ပညာရှင်တွေက ဆိုခဲ့ကြတယ်။

ကျွန်မ ဆယ်တန်းအောင်စက စိတ်ဝင်စားတာက ဓါတုဗေဒပါ။ ဒါနဲ့ ဓါတုဗေဒအထူးပြုနဲ့ တက်ခဲ့တဲ့ ၄နှစ်တာကာလအတွင်း ဓါတုဗေဒကို စိတ်ဝင်စားမိတာ အိပ်လည်းဒီစိတ်၊ စားလည်း ဒီစိတ် ဆိုရအောင်ပါ။ မဟာဆက်တက်ဖို့ အခွင့်အရေးရခဲ့ပေမဲ့ အိမ်ရဲ့စီးပွားရေး အခြေအနေကြောင့် ဆက်မတက်ခဲ့ရဘူး။ ဒါပေမဲ့ ဓါတုဗေဒကိုတော့ အရမ်းကို စွဲလမ်းခဲ့ပါတယ်။ ဓါတ်ခွဲခန်းထဲမှာ ဒီပစ္စည်းနဲ့ ဒီအရည်ရောရင် ဒီအရောင် ပြောင်းသွားတယ်၊ ပမာဏလျော့ထည့်ရင် ဒီအရောင်ဖြစ်တယ်ဆိုတော့ အချိန်တိုင်း labကိုပဲ သွားချင်နေခဲ့တယ်။ Labထဲမှာ စမ်းသပ်မှုမျိုးစုံကို ကိုယ်တိုင် ကာလာစုံဖန်တီးရင်း အရမ်းကို ပျော်ခဲ့တယ်။

နောက်ပိုင်း ပညာရေးတက္ကသိုလ်ကို တက်ဖြစ်တော့ တွဲဖက်သင်ရတဲ့ စိတ်ပညာကို နှစ်သက်မိသွားပြန်တယ်။ စိတ်ပညာပါမောက္ခဆရာကြီးက ပြောတယ်။ သမီး လောကမှာ စိတ်ပညာဟာ ကုန်ကြမ်းလွယ်သလောက် တိုင်းတာဖို့ ခက်တယ်တဲ့။ ဘာကြောင့်လဲဆိုတော့ စိတ်ကို လေ့လာဖို့ အတိကျဆုံး formula မရှိလို့တဲ့။ ဓါတုဗေဒမှာ ပစ္စည်းတစ်ခုဖြစ်ဖို့ ပေါင်းစပ်ပစ္စည်းတွေကို ဖော်မြူလာအတိုင်း အတိအကျ တွက်ထုတ်လိုက်ရင် သေချာပေါက် အဲဒီအတိုင်း ရအောင်ထုတ်နိုင်ပေမဲ့ လူ့ရဲ့စိတ်ကိုကျ အဲလိုလေ့လာလို့ မရဘူး။ ဒီ formula သင်နည်းအတိုင်း လေ့ကျင့်သင်ပေးရင် ဒီလို လူစားတွေပဲဖြစ်ကို ဖြစ်ရမယ် မပြောနိုင်ဘူးလေ။ အမျိုးမျိုးထွက်လာတယ်။

ကျောင်းသားရဲ့ စာကြိုးစားလိုစိတ်ကို လေ့လာဖို့အတွက် ထိုကျောင်းသားတွေကို ခက်ခဲ့တဲ့ ပုစ္ဆာတစ်ပုဒ်ကို ပေးပြီး ဆန်းစစ်ကြည့်လိုက်ရင်ပဲ အဖြေက မြင်သာနေပါပြီ။ တချို့က အဖြေမရရအောင်တွက်တယ်။ တချို့က အလွယ်သူများဆီက ကူးချတယ်။ တချို့က တွက်ကို မကြည့်ပဲ လက်လျော့ပြီး ဆော့နေမယ် စတဲ့ တုန်ပြန်မှုအမျိုးမျိုးကို တွေ့ရတယ်။ (တခြားအချက်တွေဖြစ်တဲ့ သူ့ရဲ့စိတ်ဝင်စားမှုဘာသာရပ်ဖြစ်မှု၊ ထိုကျောင်းသားရဲ့ လက်ရှိစိတ်အနေအထားပေါ်မှာလည်း မူတည်နေသေးတယ်။) နောက်ပြီး စာကြည့်နေသူရဲ့စိတ်ဟာ စာထဲမှာပဲ ရှိနေမယ်လို့လည်း ခန့်မှန်းလ်ို့မရဘူးလေ။ အဲဒီလို ပုံသေတွက်လို့မရတဲ့ လူစိတ်ကို အကဲဖြတ်လေ့လာရတာ နည်းလမ်းမသိရင် အရမ်းကို ခက်လှပါတယ်။

စိတ်ပညာရှင်တွေက လူစိတ်ကို. အနီးစပ်ဆုံးတော့ ခန့်မှန်းလို့ရအောင် စိတ်အကဲခတ်နည်း -နည်းလမ်းတွေ အများကြီး တည်ထွင်ထားပါတယ်။ (ရှည်မှာစိုးလို့ အကုန်မရေးတော့ဘူး)။ အဲဒီထဲက နည်းလမ်းတစ်ခုကတော့ ပုံပြောပြီး အကဲဖြတ်နည်းဆိုတာ ရှိပါတယ်။ လူတွေစိတ်ကို လေ့လာကြည့်ချင်ရင်၊ သိချင်ရင် ပုံပြင်ပြောကြည့်တဲ့..။ အဲဒီပုံပြင်ပေါ်ကို နားထောင်သူက ဘယ်လိုသုံးသပ်သလဲဆိုတာကို ကြည့်ပြီး သူရဲ့ စိတ်နေသဘောထားကို ခန့်မှန်းလို့ ရလို့ပါ။

အနီးစပ်ဆုံး ဥပမာတစ်ခုကို ပြောပြရရင် အများနှစ်သက်လေးစားတဲ့ နာမည်ကြီးဘလော့ဂါတွေကို ပုံပြောသူအဖြစ် မြင်ယောင်ကြည့်ပြီး သူ့ဆီမှာ တွေ့ရတဲ့ ကွန်မန့်တွေကို လေ့လာကြည့်လိုက်ပါ။ ဘလော့ပိုင်ရှင်ရေးတဲ့ အကြောင်းအရာအမျိုးမျိုးအပေါ် လာဖတ်သူအချို့က ကွန်မန့်လေးတွေ ထားခဲ့ကြတယ်။ အားပေးသူများတော့ ကွန်မန့်တွေလည်း အများကြီးတွေ့ရလိမ့်မယ်။ စိတ်ဝင်စားစရာ ဘာသွားတွေ့လဲဆိုတော့ တချို့က “စိတ်ဝင်စားစရာကောင်းတယ်ဗျို့၊ ဘာလေးတော့ သိသွားပြီ၊ ဘာကတော့ မသိဘူး”စသည် ရေးတတ်တယ်။ တချို့က ကျေးဇူးတင်စကား၊ ချီးကျူးစကားကို ပြောတတ်တယ်။ တချို့က ပုံပြင် (ပို့စ်အကြောင်း) နဲ့ မဆိုင်သော တခြားအကြောင်းလေးတွေ ရေးတတ်တယ်။ တချို့ကကျတော့ ပုံပြင်ထဲက သူနားမရှင်းတာကို ပြောတတ်တယ်။ တချို့က ပုံပြင်ထဲက လိုတာလေးတွေကို ဖြည့်စွက်ပြောပြတတ်တယ်။ တချို့ကတော့ အပြစ်ရှာပြီး ဝေဖန်ပြောပြတတ်တယ်။

အဲဒီကွန်မန့်လေးတွေဟာ လူတစ်ယောက်နဲ့တစ်ယောက်မတူတဲ့ ကွဲပြားချက်လေးတွေပါ။ တချို့ကွန်မန့်ပေးတဲ့သူတွေရဲ့ စကားတွေကို စိတ်ဝင်စားတာမို့ တခြားဘလော့တွေမှာ သူဘယ်လိုပေးသွားသလဲ သတိထားကြည့်မိတယ်။ ဘလော့တော်တော်များများမှာ ဖတ်ရှုမိလိုက်ရင် နည်းနည်းတော့ သူရဲ့စိတ်နေစိတ်ထားကို ခန့်မန်းလို့ရလာသလိုပဲ။

အဲဒီကနေတဆင့် ကွန်မန့်ပေးသူတွေဟာ ဘယ်လိုလူစားမျိုးလဲ? လေ့လာခန့်မှန်းကြည့်ရင် အမျိုးမျိုးတွေ့ရလိမ့်မယ်။ စိတ်ထက်တဲ့သူ၊ စိတ်အားငယ်တတ်သူ၊ မဟုတ်မခံစိတ်ရှိသူ၊ ပွင့်ပွင့်လင်းလင်းရှိသူ၊ ခင်မင်စိတ်နဲ့ အမြဲအားပေးသူ၊ စာပေကို အလေးအနက်ထားဖတ်ရှုသူ၊ ဟာသဥာဏ် ရှိသူ၊အကောင်းမြင်တတ်သူ၊ အပြစ်မြင်တတ်သူ၊ ကလေးဆန်သူ (အသက်ငယ်လို့ ကလေးဆန်တာကို ပြောတာမဟုတ်ပါ)၊ စိတ်ထားရင့်ကျက်သူ စသည်ဖြင့် အမျိုးမျိုး တွေ့ရှိခန့်မှန်းလို့ ရလောက်တယ်။ 

ဒါက လူအများကြီးကို စုလေ့လာတာဖြစ်နေတော့ အမျိုးမျိုးဖြစ်နေတာ ဘာဆန်းလဲလို့ ပြောစရာရှိပေမဲ့ လူတစ်ယောက်တည်းရဲ့စိတ်ကိုပဲ နေ့စဉ်စောင့်ကြည့်ရင် လေ့လာသိရှိနိုင်တယ်တဲ့။ ကွန်မန့်ရေးသူရဲ့ စကားလုံး အသုံးအနှုန်းကနေတဆင့် သူ ဒီနေ့ ပျော်နေသလား၊ စိတ်ညစ်နေသလား၊ အားငယ်နေသလား စသည့်ကို သိရှိနိုင်တယ်။ ကွန်မန့်ပေးသူကိုချည်းပြောနေတော့ ရေးသူကရော? ဟုတ်တယ်။ ရေးသူကိုလည်း လေ့လာလို့ရတယ်။ သူရေးသွားတဲ့ ပို့စ်အကြောင်းအရာ၊ စကားလုံးအသုံးအနှုန်း၊ အဖြတ်အတောက်ကို ကြည့်ပြီး သူ ပျော်နေသလား၊ ပုံမှန်လား၊ စိတ်ညစ်နေသလား၊ လတ်တလော ဘာကို တွေးနေသလဲ၊ လတ်တလော ဘာကိုပေးချင်နေသလဲ စသည်ကို သိရှိနိုင်တယ်။

ဒါဆိုရင် ကိုယ့်ကိုယ့်ကိုရော လေ့လာလို့ မရဘူးလား။ အဲလိုပြောတော့ ကိုယ့်ကိုကိုယ် သိပြီးသား ဘာလေ့လာစရာရှိသလဲလို့ မေးစရာရှိပေမဲ့ ကိုယ့်ကိုကိုယ် မသိတာတွေ အများကြီးရှိနိုင်ပါတယ်။ တခါတခါ ကိုယ့်ဘာသာအလိုမကျတဲ့အတွက် ကိုယ့်ကိုယ်ကို သတိမထားမိပဲ မျက်မှောင်ကုတ်ပြီး လေသံက မာနေတတ်တယ်။ ဒါမှမဟုတ် အားငယ်တဲ့အမူအရာတွေ ဖြစ်နေတတ်တယ်။ ပတ်ဝန်းကျင်ကလူတွေက ကိုယ့်မျက်နှာနဲ့ အမူအရာကတဆင့် ကိုယ့်စိတ်ကို လေ့လာမိသွားရာက ကိုယ့်ကိုလာအားပေးတာမျိုး ကြုံဖူးကြမှာပါ။

ဒါကြောင့် စိတ်ပညာဆိုတာ တကယ်တော့ ခက်ခဲနက်နဲတဲ့ ပညာရပ်တော့ မဟုတ်ပါဘူး။ နည်းလမ်းတွေကလည်း သမရိုးကျပါပဲ။ တကယ်တော့ နေစဉ်ထိတွေနေတဲ့ လူ့ပတ်ဝန်းကျင်ကို၊ နောက်ပြီး ကိုယ့်ကိုယ့်ကို လေ့လာရင်း တတ်သွားနိုင်ပါတယ်။ စိတ်ပညာကို တတ်မြောက်ခြင်းဖြင့် လက်တွေ့ အကျိုးကျေးဇူးတွေ အများကြီးရှိပြီး၊ စိတ်ကို အခြေခံပြီးဖြစ်တဲ့ ရောဂါတွေကို ကုသပျောက်ကင်းစေနိုင်တယ်၊ လူမှုဘ၀တွေကို အများကြီးကူညီနိုင်တာတွေ ရှိပါတယ်လို့ စိတ်ပညာကို မိတ်ဆက်ပေးလိုက်ပါတယ်...။

လသာည ဖြစ်ပါတယ်။

မှတ်ချက်...။ ။။ ပျင်းမှာစိုးလို့ ပုံတွေကို ဖောဖောသီသီကို သုံးထားတယ်။ google.co.jpက ရှာတာပါ။
နောက်.. အဟဲ တောင်းပန်ဦးမယ်။ ဒီထဲမှာ ရေးတဲ့ ကွန်မန့်ရေးသူများဆိုတာ နာမည်ကြီးတဲ့ ဘလော့တွေမှာ ရေးတဲ့ ကွန်မန့်ရေးသူတွေကို ပြောတာသိလား၊ ပုံပြောခြင်းဖြင့် စိတ်ကိုအကဲခတ်ခြင်းနည်းကို ဥပမာပေးတာသက်သက်နော်။ ဒီဘလော့မှာရေးတဲ့ ကွန်မန့်သူတွေကို မဆိုလိုဘူးရယ် :P ။ အဲတော့ အရင်အတိုင်း လွတ်လွတ်လပ်လပ်ပဲ ဆက်ရေးပါ ရတယ်။ လသာညက ဥပမာသာပြောပြတာ လေ့လာအကဲဖြတ်တာမျိုး သိပ်မတတ်ပါဘူးလို့ ။နော်... အမှားရှိရင် ခွေးလွှတ်ပါ\(^=^)/

Tuesday, November 24, 2009

နပန်းသမားတစ်ယောက်ရဲ့ ရင်ထဲမှာ

သူ့နာမည်က အာဆရှောယူ (Asashōryū), မြန်မာလို “မနက်ခင်းရဲ့ အပြာရောင်ဂဠုန်”, လို့ခေါ်ပါတယ်။ သူဟာ မွန်ဂိုလီယန်းလူမျိုးဖြစ်ပြီးတော့ မွန်ဂို နပန်းသမား မျိုးနွယ်မိသားစုကနေ ပေါက်ဖွားလာသူပါ။ နောက်ပြီး သူက ဂျူဒိုသင်တန်းကိုလည်း တက်ဖူးတယ်။ ဂျပန်ကိုလာခါစက သူက exchange studentအနေနဲ့လာခဲ့တယ်။ နောက်ပြီးဆူမိုကလပ်မှာ သင်တန်းတက်တယ်။

သူ ၁၉နှစ်သားမှာ စပြီး ဂျပန်နပန်းသမား ပြိုင်ပွဲ (sumo) ကို စတင်ဝင်ရောက်ခဲ့တယ်။ သူဟာ တခြားဆူမိုတွေလို ခန္တာကိုယ်ကြီးမားသူတစ်ယောက်တော့ မဟုတ်ခဲ့ပါဘူး။ အလေးချိန် ၂၀၀ကီလိုပတ်ဝန်းကျင်ရှိတဲ့ ဆူမိုတွေကြားမှာ သူက ကီလို ၁၂၀ပဲ ရှိပြီး အရပ်လည်းပုသူ၊ ကျစ်လစ်သေးငယ်တဲ့ ဆူမိုတစ်ယောက်ဖြစ်ခဲ့တယ် (အခုတော့ ၁၄၈ ကီလိုရှိသွားပြီ)။
ဒါပေမဲ့ သူရဲ့ ဆူမိုပညာက အံမခန်းအောင်တော်လွန်းတယ်။ တဖက်လူကို နိုင်ယူဖို့အတွက် မြန်တယ်။ ဗျူဟာကြွယ်တယ်။ စိတ်ဓါတ်မာတယ်။ ၁၉၉၉မှာ ဆူမိုလောကကို စ၀င်ပေမဲ့ ၂၀၀၀ခုနှစ်မှာ သူဟာ နာမည်ကြီးလာခဲ့တယ်။ ဆူမိုရဲ့ အငယ်တန်း၊ အကြီးတန်းစတာတွေကို တရှိန်ထိုး ဖောက်ထွက်ခဲ့ပြီး၊ အသက် ၂၀မှာ ဆုတွေကို အများကြီးရနေခဲ့တယ်။ ၂၀၀၂ ခုနှစ် နိုဝင်ဘာပွဲစဉ်ကစလို့ သူဟာ ချန်ပီယမ်ဖြစ်လာခဲ့ပါတယ်။ ချန်ပီယမ်စရတော့ သူအသက်က ၂၂နှစ်...။

အဲ..တဖက်က ဆူမိုပညာမှာအောင်မြင်နေသလို အလယ်တန်းကျောင်းသားဘ၀က ချစ်ကြင်နာခဲ့သူ ချစ်သူလေး Tamirကိုလည်း ၂၀၀၂ ခုနှစ်မှာ လက်ထပ်ယူခဲ့တယ်။ Tamirက မွန်ဂိုလူမျိုး သူကြွယ်သမီးတစ်ယောက်ဖြစ်ပြီး ဂျာမဏီမှာ ကျောင်းပြီးခဲ့တယ်။ မွန်ဂိုမှာတင်မကဘူး၊ ဂျပန်မှာပါ လက်ထပ်ပွဲကို ခမ်းခမ်းနားနား ကျင်းပခဲ့တယ်။ သူတို့ ဇနီးမောင်နှံတော်တော်ပျော်ခဲ့ပါတယ်။

တချိန်က ဆူမိုနပန်းသမားလေး အာဆရှောယူကနေ အခုဆိုရင် သမ္ဘာရင့်ဆူမိုနပန်းသမားအဖြစ် နာမည်ကြီးပြီး သမိုင်းမှာ သူလောက် နှစ်ရှည် ဆူမိုချန်ပီယမ်ဖြစ်သူ မရှိသေးပါဘူး။ ၂၀၀၃-ခုနှစ်ကစပြီး ယခု ၂၀၀၉-ခုနှစ်ထိ ဆက်တိုက် ချန်ပီယမ် ရာထူးက လျော့ကျမသွားခဲ့ဘူး။ ဆုတွေဆိုတာလည်း မနည်းတော့ဘူး။ ဒါဆို သူဘ၀ဟာ ပြည့်စုံပျော်ရွင်နေပြီလို့ ကောက်ချက်ချရင်တော့ လုံးဝမှားသွားပါလိမ့်မယ်။

အသက် ၂၂ နှစ်သားနဲ့ ချန်ပီယမ်ဖြစ်လာသူ အာဆရှောယူမှာလည်း ရင်ထဲမှာ ဒဏ်ရာတွေဗလပွပါ။ ငယ်ရွယ်သူတို့ထုံးစံအတိုင်း ပြိုင်ဖက်ကို သူနိုင်လို့ ၀မ်းသာစွာအော်ဟစ်မိရင် သူ့ကို “စာနာစိတ်မရှိသူ”လို့ ဝေဖန်ခံရတယ်။ အများအားဖြင့် ပြိုင်ပွဲဆိုတာ ရှုံးသူနဲ့ နိုင်သူ နှစ်ယောက်ပဲ ရှိပေမယ့် သူက ချန်ပီယမ်ဆွတ်ခူးဖို့အတွက် ၁၄ ကြိမ် ၁၄ ယောက်နဲ့ ပြိုင်ရတာပါ။ ၁၄ ကြိမ်ပြိုင်လို့ အမှတ်အများဆုံးနဲ့ နိုင်မှ (ဥပမာ ၁၄ပွဲလုံးနိုင်၊ ဒါမှမဟုတ် ၁၃ပွဲနိုင် တစ်ပွဲရှုံး) ချန်ပီယမ်ဖြစ်ခွင့်ရတာပါ။ တစ်နှစ်မှာ ၆ကြိမ်ပြိုင်ရတယ်။ ဒီတော့ တနှစ်ထဲမှာ ၈၄ ကြိမ်ပြိုင်ရတာဖြစ်ပါတယ်။ ကာလကြာလာတော့ သူ့ကို ရှုံးသူကရှုံးလို့၊ (ပြိုင်ပွဲအရ အချင်းချင်း တွန်းတိုက်ရင်း) အနာတရဖြစ်သူ ဖြစ်ကြတဲ့အခါ အမြဲခံရသူတွေက မုန်းလာပြီပေါ့။ ဒီတော့ ထုံးစံအတိုင်း သူ့ကို မလိုသူများလာခဲ့တယ်။

ဆူမိုမပြိုင်ခင် လက်ခမောင်းခက်တာချင်းအတူတူ ချန်ပီယမ် အာဆရှောယူ လက်ခမောင်းခတ်ပုံက မာန်တက်နေသလိုပဲလို့ သတင်းဌာနာတွေက ဝေဖန်ကြတယ်။ ချန်ပီယမ် အာဆရှောယူများ တစ်ရက်တစ်လေ ရှုံးသွားရင် ၀မ်းသာစွာ အော်ဟစ်သံတွေတောင် ကြားရတယ်။ လူငယ်ပီပီ မခံချင်စိတ်ကြောင့် အာဆရှောယူရဲ့ မျက်နှာဟာ တဖြည်းဖြည်း ခက်ထန်လာခဲ့တယ်။

သတင်းဌာန တချို့ကဆိုရင် အာဆရှောယူကြောင့် ပြိုင်ဖက်များနာသွားခဲ့ရင်၊ နိုင်သွားတဲ့အာဆရှောယူကို ချီးကျူးစကား ပြောဖို့ထက် ပြိုင်ဖက်ကို နာစေတဲ့အတွက် အပြစ်တင်လိုစိတ်နဲ့ အကြိမ်ကြိမ် ပြန်ပြပေးတတ်တယ်။ ပြိုင်ပွဲတစ်ခု ပြိုင်ပြီဆိုရင် သူသူကိုယ်ကိုယ် အနည်းအကျဉ်းတော့ အနာခံရတာချည်းပေမဲ့ အာဆရှောယူ ကတော့ စိတ်ဓါတ်ပြင်းသူပီပီ ညည်းညူမပြခဲ့တာကြောင့် သူဒဏ်ရာတွေရလည်း လူတွေ သိပ်မသိလိုက်ကြပါဘူး။ သူဘာသာ အံကြိတ်ခံလို့ နောက်တနေ့ပွဲကို ကြိုတင်ပြင်ဆင်တတ်တာ သူ့အနားနေတဲ့ သူနောက်လိုက်လူတွေကပဲ သိခဲ့တယ်။

အောင်မြင်မှုနဲ့အတူ ရရှိလာတဲ့ ပြစ်တင်ဝေဖန်မှုတွေကြားထဲမှာ စိတ်ဖိအား တင်းကျပ်မှုတွေများလာတဲ့ အာဆရှောယူဟာ သူ့အမျိုးသမီးနဲ့လည်း အဆင်မပြေဖြစ်လာခဲ့တယ်။ နောက်ဆုံးတော့ သူ့သမီးနဲ့ သူ့သားကို လက်ဆွဲပြီး Tamir အိမ်ပြန်သွားခဲ့တယ်။ ဝေဖန်ကောင်းချိန်ဆိုတော့လည်း “အာဆရှောယူကြောင့် အိမ်ထောင်ကွဲရတာဖြစ်တယ်”လို့ နေစဉ် သတင်းစာတွေမှာ ခေါင်းစဉ်ကြီးတွေနဲ့ ရက်ဆက်ပါခဲ့တယ်။ အဲဒ်ီအကြောင်း အင်တာဗျူးလာဗျူးသူကို အာဆရှောယူက “ဘာကြောင့် ခင်ဗျားတိုတတွေ သူများအကြောင်းကို ဒီလောက် စိတ်ဝင်စားနေကြသလဲ”လို့ ပြန်ပြောခဲ့တဲ့အတွက် သူဟာ ရိုင်းစိုင်းသူအဖြစ် ထပ်မံနာမည်ကြီးသွားပါတယ်။

အိမ်ထောင်ရေး မပြေလည်တဲ့ အာဆရှောယူတစ်ယောက် စိတ်ထိခိုက်သွားကြောင်း နှုတ်ကသာ ထုတ်ဖော်မပြောသော်လည်း သူခံစားနေတာကို သူ့အနားက လူတိုင်းသိကြတယ်။ အဲဒီအတွက် ရလာဒ်က ပြိုင်ပွဲတစ်ချို့မှာ သူရှုံးခဲ့တယ်။ သူရှုံးတိုင်း လူတွေက ၀မ်းသာအားရ လက်ခုပ်တီးကြတယ်။

နောက်ပိုင်း စိတ်ဒဏ်ရာတစ်ချို့နဲ့ ဘယ်လက်တခြမ်း ဒဏ်ရာကို ကုသဖို့ဆိုပြီး သူနယ်မြေ မွန်ဂိုနိုင်ငံကို အလည်အဖြစ် သူပြန်ခဲ့တယ်။ သူ့နယ်မြေရောက်တော့ ငယ်စဉ်က သူငယ်ချင်းအချို့နဲ့ စိတ်ပြေလက်ပျောက် တွေ့ဆုံကြရင်း သူတို့နဲ့အတူ ဘောလုံးဝင်ကစားရာမှာ နောက်ထပ်ပြဿနာထပ်တက်ပါတော့တယ်။ “ဆူမို ချန်ပီယမ်က ပြိုင်ပွဲကို အနားယူပြီး ဘောလုံးကစားခြင်းသည် အပြစ်ဖြစ်သည်။ ပြိုင်ပွဲက ထုတ်ပါ” လို့ ဂျပန်ကလူတစ်ချို့က ဆန္ဒပြကြတယ်။ တချို့ကလည်း “အဲဒီကောင်က ငွေကုန်ရင်ပြန်လာမှာ၊ ဂျပန်ဆူမိုပွဲကြောင့် ငွေရနေတဲ့သူက ကြီးကြီးကျယ်ကျယ် လုပ်နေတယ်”လို့ တီဗွီနဲ့ တခြားမီဒီယာတွေကနေတဆင့် ပြစ်တင်ရှုတ်ချကြပါတယ်။

သူရဲ့ မိဘနဲ့ ဆရာက တောင်းပန်ပေးတဲ့အတွက် သူဟာ ဆူမိုနပန်းပြိုင်ပွဲကို ပြန်လာခွင့်ရခဲ့ပါတယ်။ သူက သူကိုချစ်တဲ့ ဂျပန်လူမျိုး အိုတိုးစံကို ရင်ဖွင့်ခဲ့တယ်။ “ကျွန်တော်မှာ လွတ်လပ်စွာ အပန်းဖြေခွင့် မရှိဘူးလားဗျာ”လို့ ပြောတော့ အိုးတိုးစံက “အဲဒါ မင်းက သိပ်တော်နေလို့ ဝေဖန်ခံရတာပါ သားရယ်”လို့ မျက်ရည်ကျခဲ့တယ်။

၂၀၀၈ ခုနှစ်ထဲမှာ သူ့ကို ဆူမိုဘ၀က အနားယူရတော့မယ့်သူလို့ အားလုံးက မှတ်ချက်ပေးလာကြတယ်။ ပြိုင်ပွဲသမားတစ်ယောက်ရဲ့ အားက ပရိတ်သတ်ရဲ့ လက်ခုပ်သံမဟုတ်ပါလား။ လက်ခုပ်သံကို မျှော်လင့်သူ သူ့အတွက် ရှုတ်ချသံ၊ ပြစ်တင်သံနဲ့ သူဘယ်လိုလုပ်ပြီး ဆက်လက်ရှင်သန်ရမှာလဲ..။ ဒါပေမဲ့ စိတ်မာသူ အာဆရှောယူကတော့ ဆက်လက်ယှဉ်ပြိုင်နေခဲ့တယ်။ လူမှုရေးလုပ်ငန်းကိုလည်း သူလုပ်တယ်။ မွန်ဂိုကနေ ကလေးတွေကို သူပိုက်ဆံနဲ့ ဆပွန်ဆာပေးပြီး ကျောင်းထားပေးတယ်။ ပြီးရင် ထူးချွန်သူကို ဆုပေးဖို့အထိ သူစီစဉ်နေပါတယ်။

၂၀၀၉ -ခုနှစ်ထဲမှာလည်း ဆူမိုချန်ပီယမ်ပါပဲ။ ပြီးခဲ့တဲ့ ပွဲစဉ်တုန်းကဆိုရင် ပရိတ်သတ်အများစုက အာဆရှောယူရဲ့ ပြိုင်ဖက်တွေကို အားပေးနေသံတွေ ဆူညံနေစဉ်မှာပဲ အာဆရှောယူက ထိုပြိုင်ဖက်များကို တစ်ယောက်ပြီး တစ်ယောက်ကို လှပစွာ အနိုင်ယူခဲ့ပါတယ်။ ဆုတံဆိပ်ကို ယူပြီးနောက် သူက သူမိတ်ဆွေတွေကို ဒီလိုပြောပါတယ်။

“အခု ကျွန်တော်သိသွားပြီ။ အများရဲ့ လက်ခုပ်သံကို ရဖို့ ကျွန်တော် ကြိုးစားတာမဟုတ်သလို၊ ပြစ်တင်ရှုတ်ချသံကြောင့်လည်း ကျွန်တော့်အစွမ်းအစ ဆုတ်လျော့သွားစရာမရှိပါဘူး။ ဘယ်ပြိုင်ဖက်ကိုမှ ကျွန်တော်မမုန်းဘူး။ ဆူမိုပွဲမှာ ဆူမိုတစ်ယောက်အနေနဲ့ ကျွန်တော့်လုပ်စရာရှိတာ ကျွန်တော်လုပ်မယ်။ ဆူမိုအားကစားကို ကျွန်တော်လုပ်နိုင်သ၍ ကျွန်တော်လုပ်သွားမယ်။ ဆူမို မလုပ်နိုင်တဲ့တနေ့ တခြားအလုပ်ကို လုပ်မယ်။ ပြစ်တင်သံကြောင့် ကျဆုံးတယ်ဆိုတာ ကျွန်တော့်ရာဇ၀င်မှာ မရှိစေရဘူး။ ကျွန်တော်မလုပ်နိုင်လို့ ကျဆုံးတာအတွက်တော့ ကျွန်တော့်ကို ကျွန်တော်အပြစ်တင်စရာမရှိဘူး။ ကျွန်တော်အမြဲ အကောင်းဆုံးဖြစ်အောင် ကြိုးစားနေလို့ပါပဲ” လို့ သူက သူမိတ်ဆွေတချို့ကို ရင်းနှီးစွာ ပြောပြခဲ့တယ်။


အင်း.. အဲဒီပွဲစဉ်လည်း သူ ပြစ်တင်ခံရခြင်းက မလွတ်ခဲ့ပါဘူး။ တဖက်လူကို လှဲချအပြီး စိတ်လွတ်လက်လွတ် လက်မြောက်လိုက်၍ ဖြစ်ပါတယ်။ ဆူမိုသမားဟာ လက်ဝှေ့သမားလို လက်မြှောက်ကြွေးကြော်ခွင့် မရှိလို့ပါတဲ့။ နောက်တနေ့မှာ ဆူမိုအဖွဲအစည်း ခေါင်းဆောင်တွေကို တောင်းပန်လိုက်ရပါသေးတယ်။ အာဆရှောယူကတော့ ထုံးစံအတိုင်း အပြုံးမပျက် ဆက်လက်ကစားလျက်ပါ။ ဒီနေ့ ပွဲစဉ်(၂၀၀၉.၁၁.၂၄)မှာလည်း ရှုံးပွဲမရှိ နိုင်သွားပြန်ပြီ..။
............................................................
လသာည.. ဖြစ်ပါတယ်။
မှတ်ချက်။။ ဓါတ်ပုံအားလုံးကို google က ယူထားတာပါ။ သူဟာ ဝေဖန်ခံရသူ အများဆုံးဖြစ်သော်လည်း သူ့ကို ချစ်တဲ့ ပရိတ်သတ်တွေလည်း ရှိပါတယ်..။ ကျွန်မလည်း သူ့စိတ်ဓါတ်ကို ကြိုက်တယ်။

Saturday, November 21, 2009

လွတ်လပ်မှုကို ခုံမင်သွားပြီ..

မြင့်မားတဲ့ နော်ဝေးတောင်တန်းကြီးက အမြဲ နှင်းဖုံးနေသလို နွေရာသီဆိုရင်လည်း တညလုံး နေထွက်နေတတ်တယ်။ သာယာတဲ့ နွေရာသီတစ်ခုမှာ.. နက်မှောင်တဲ့ မျက်ဝန်း၊ အညိုရောင်တောက်တောက် နှုးညံတဲ့ အမွေးတွေပိုင်ဆိုင်တဲ့ရိန်းဒါး သမင်လေး ကီလိ ဟာ သမင်အုပ်စုနဲ့အတူ Laplander လူမျိုး သခင်တွေဆီမှာ ကြီးပြင်းခဲ့တယ်။ Laplander လူမျိုးတွေက fjord ဒေသတစ်လျှောက် ခရီးလှည့်လည် သွားလာနေကြသူတွေ ဖြစ်တယ်။ ခရီးသွားရင်း ကီလိရဲ့သခင်တွေက တဲကြီးတွေ ဆောက်ပြီး စခန်းချတဲ့အချိန် ကီလိတို့ကို အနားပေး လွှတ်ပေးလေ့ရှိတယ်။ အဲဒီအချိန်တွေဟာ ကီလိရဲ့ အပျော်ဆုံး အချိန်တွေပါပဲ..။

နွေရာသီကုန်ခါနီး တညနေမှာ ကီလိဟာ စခန်းချရာတဲနောက်က တောင်ကုန်းလေးပေါ်မှာ လျှောက်ပြေးနေခဲ့တယ်။ ပါးလွှာတဲ့ နှင်းလွှာချပ်တွေပေါ်ကို ခုန်ကျော်လိုက်၊ မြစ်ကျဉ်းကိုဖြတ်ပြေးလိုက်နဲ့ တအားပျော်နေခဲ့တယ်။တချီမှာတော့ ရုတ်တရက် ကီလိဟာ ခြေချော်ပြီး နှင်းစောက်တစ်ခုထဲကို ဒလိမ့်ခေါက်ကွေး ကျသွားခဲ့တယ်။ ပြန်တက်ဖို့ ကြိုးစားလိုက်တော့ ခြေထောက်က အသည်းခိုက်အောင် နာနေခဲ့တယ်။ ဒါပေမဲ့လည်း ဖြေးညင်းစွာ တရွေ့ရွေ့ ထောက်ပြီး လမ်းလျှောက်ကြည့်ရင်း စခန်းဘက်ကို လှည့်ပြန်ခဲ့တယ်။

ခြေထောက်နာနေတာမို့ အချိန်အများကြီးနောက်ကျပြီးမှ စခန်းကိုပြန်ရောက်ခဲ့တယ်။ ဒါပေမဲ့ သူမြင်လိုက်ရတဲ့ မြင်ကွင်းကြောင့် သူကြောက်ရွံတုန်လှုပ်သွားမိတယ်။ စခန်းမှာ ဘယ်သူမှ မရှိတော့ပါ။ သူ့သခင်တွေက တဲတွေကိုဖျက်သိမ်းပြီး သူ့မိသားစု အဖော်သမင်တွေကို ခေါ်လို့ တခြားကို ထွက်သွားနှင့်ကြပြီ။ မွေးကတဲက တခါမှ တစ်ယောက်တည်း မနေဖူးတဲ့ ကီလိဟာ ကြောက်ရွံတုန်လှုပ်စွာ ဆောက်တည်ရာမရ အော်ဟစ်မိတယ်။ သူ့သမင်အုပ်ထဲက အကြီးတွေပြောသလိုဆိုရင် မကြာခင်ဆို ဆောင်းဝင်တော့မယ်။ ဆောင်းမ၀င်ခင် သမင်အုပ်တွေနဲ့သာ မတွေ့ရင် မှောင်မိုက်တဲ့ ဆောင်းညတွေမှာ သူတစ်ကောင်တည်း ဘယ်လိုရှင်သန်ရမလဲ....

သင်းကွဲသမင်လေး ကီလိဟာ သူ့ရှေ့က ထွက်သွားတဲ့ သူ့သခင်များနဲ့ သမင်အုပ်ရဲ့ လမ်းကြောင်းကို ခြေရာခံပြီးလိုက်ခဲ့တယ်။ ထွက်သွားတဲ့အဖွဲဟာ မြန်လွန်းလို့ သူဘယ်လိုမှ မှီအောင် မလိုက်နိုင်ခဲ့ဘူး။ နောက်ပြီး သူက ခြေထောက်နာနေခဲ့တယ်လေ..။နှစ်ရက်လောက်ကြာတော့ နှင်းတွေက ကျလာပြီ။ အသည်းခိုက်အောင် အေးတဲ့ နှင်းဖတ်တွေက သည်းသည်းမဲမဲ ကျနေတာကြောင့် တုန်ခိုက်အောင် အေးနေခဲ့တယ်။ သူ့ပတ်ဝန်းကျင်ကလည်း မြင်မြင်သမျှ ဖြူဖွေးနေတယ်။ သူခြေရာခံနေတဲ့ သူ့သခင်တွေရဲ့ ခြေရာတွေလည်း နှင်းတွေအောက်မှာ ပျောက်ကွယ်သွားပြီဖြစ်တယ်။ သူ ရပ်ပြီး ဘေးဘီဝဲယာ မျက်လုံးစွေကြည့်လည်း သူ့မိသားစု ရဲ့ အရိပ်အယောင်ဆိုတာ လုံးဝမမြင်ရတော့ဘူး။ သူလမ်းပျောက်ပြီ..။ သူဘာဆက်လုပ်ရမလဲ..။ ကြောက်ရွံအားငယ်စွာ သူအော်ခဲ့တယ်။ ဒါပေမဲ့လည်း ဘာတုန့်ပြန်သံမှ မကြားရတော့ဘူးရယ်...။

သဘာဝအသိကြောင့် ဘယ်လိုပဲဖြစ်ဖြစ် သူရပ်နေလို့ မဖြစ်ဘူး၊ ပုန်းခိုစရာ ရှာရမယ်ဆိုတာ သူတွေးမိလာတယ်။ ဆောင်းတွင်းကို သူတစ်ကောင်တည်း ဘယ်လိုမှ မဖြတ်သန်းနိုင်ဘူးဆိုတဲ့ အတွေးကို ဖျောက်လိုက်ရင်း ရှေ့ကို တလှမ်းချင်းတလှမ်းချင်း ရွေ့လာခဲ့တယ်။

တနေ့ထက်တနေ့ နှင်းတွေက ပိုပိုပြီး သိပ်သည်းစွာကျလာပြီ။ နေ့တွေကလည်း မှောင်သထက်မှောင်လာပြီ။ ကီလိရဲ့ အမွေးလေးတွေကလည်း တောက်ပြောင်တဲ့ အညိုရောင်နုနုကနေ နှင်းရောင်လို ဖြူဆွတ်လို့ နေပါပြီ။ တရက်ပြီးတရက် တနေ့ပြီးတနေ့ ရက်တွေလတွေ ကြာလာခဲ့ပြီ..။ သူလည်း အန္တရယ်အတွေ့အကြုံအမျိုးမျိုးမှာ ဆက်လက်ရှင်သန် ရပ်တည်နိုင်ဖို့ ကြိုးစားနေခဲ့တယ်။ ဆက်လက်လည်း ကြိုးစားဆဲ...။

တကြိမ်မှာတော့ ရှည်လျားပြီး ချောမွေပြောင်လက်နေတဲ့ နှင်းလျှောစောက်ရှည်တစ်ခုပေါ်ကနေ မိသားစုကို လွမ်းဆွတ်စွာ ဘေးပတ်ဝန်းကျင်ကို ငေးကြည့်လိုက်တယ်။ ဟာ.. လူတစ်ချို့ နှင်းလျှောစီးနေကြတာပါလား.။ သူတို့ဟာ သူဘေးကနေ ဖြတ်သွားတာကို ငေးရင်း လူတွေသွားတာ သိပ်မြန်တာပဲလို့ သဘောကျနေမိတယ်။ လူတွေက ခဏလေးနဲ့ တောင်ပေါ်ကိုတက်လိုက် တောင်အောက်ကို ဆင်းလိုက်နဲ့..မြန်လိုက်တာ၊ အရမ်းကို မြန်တာပဲ။
တခါမှာ ကလေးမလေးတစ်ယောက်က နှင်းလျှောစီးရင်း သူ့ဘေးနား ရောက်လာတယ်။ သူ့ကိုမြင်တော့ သူ့ကိုရယ်ပြပြီး အနားထိကပ်လာတယ်။ ပြီးတော့ သူအိပ်ကပ်လေးထဲက အသားညှပ်ပေါင်မုန့်ကို ထုတ်ကျွေးတယ်။ ကီလိက မုန့်ကို ပါးစပ်နဲ့ လှမ်းဟပ်လိုက်တော့ သူမလေးက လက်ကို ဝှေ့ယမ်းလို့ သူဘေးက လျင်မြန်စွာ ထွက်ပြေးပျောက်ကွယ်သွားခဲ့တယ်။

အဲဒီညက ၀ံပုလွေတစ်အုပ်က ၀ိုင်းလိုက်လို့ သူသေပြေးရှင်ပြေး ထွက်ပြေးခဲ့ရတယ်။ သူတို့က နှင်းတွေကို ဖြတ်လို့ သူနောက်က သူမောတဲ့အထိ လိုက်ဖို့ရည်ရွယ်ချက်နဲ့ လိုက်ခဲ့တာပါ။ ဒါပေမဲ့ ကီလိက ဒီဆောင်းတစ်ခုလုံး ပြေးလွှားအသက်ရှင်ခဲ့သူဖြစ်လို့ သူ့ခြေထောက်တွေက သန်မာကြံ့ခိုင်စွာ လျင်မြန်စွာ ပြေးနိုင်ခဲ့တယ်။ နောက်ဆုံးတော့.. သူ့ရဲ့ခြေထောက်တွေက သူ့အသက်ကို ကယ်နိုင်ခဲ့ပါတယ်။ ကီလိက ပျော်ရွှင်စွာ ဆက်လက်ပြေးနေခဲ့တယ်၊ ရွရွလေး ဖွဖွလေး...လေ..။

ဒီလိုနဲ့ တစ်နေ့မှာ သူက တောင်ပေါ်ကနေ တောင်အောက်ကို ငုံကြည့်လိုက်တဲ့အချိန် သူ့မျက်လုံးကို သူမယုံကြည်နိုင်လောက်အောင် ဖြစ်သွားတယ်။ ဟုတ်တယ် အောက်မှာ သူရက်ပေါင်းများစွာ လွမ်းဆွတ်ခဲ့ရတဲ့ သူမိသားစု နဲ့ သူ့သခင်တို့ စခန်းချနေပါတယ်။ သမင်အုပ်က အုပ်စုလိုက် တရွေ့ရွေ့အစာစားရင်း အနားယူနေကြတယ်။ လူတွေကလည်း ဟိုနားတစု ဒီနားတစု တဲကြီးတွေဆောက်နေကြတယ်.။

ကီလိဟာ သူတချိန်ခိုလှုံခဲ့ဖူးတဲ့ သမင်အုပ်ကို ငေးကြည့်နေမိတယ်။ နောက်ပြီးတော့ သူ့နောက်ဖက်က တောင်ကုန်းကို ပြန်လှည့်ကြည့်မိတယ်။ ဆောင်းတွင်းတစ်ခုလုံး ခိုလှုံခဲ့တဲ့ ဒီတောင်ကုန်းမှာ သူဟာ အထီးကျန်စွာ နေခဲ့ရတယ်။ အန္တရယ်လွတ်အောင် သေပြေးရှင်ပြေး ပြေးခဲ့ရတယ်။ အဲဒီလို အသက်ဘေးနဲ့ လုပြေးရတဲ့တစ်ခါကြုံတိုင်း သူတစ်ခါ အားသန်လာခဲ့တယ်။ သူတွေ့ကြုံခဲ့တဲ့ အတွေ့အကြုံများက သူ့ကို ပိုပြီးစိတ်ဓါတ်ကြံခိုင်စေခဲ့တယ်။ သူ့အတွက် ဘ၀နဲ့ရင်းခဲ့တဲ့ ပြိုင်ပွဲများပါ။

သူသာ သမင်အုပ်ထဲမှာ နေခဲ့ရရင် သက်တောင့်သက်သာနဲ့ လုံခြုံစွာ နေရမှာ အသေအချာပါ။ ဒါပေမဲ့ သူအခု မသွားချင်တော့ပါ။ သူလိုချင်တာ လွတ်လပ်မှုပါ။ မကြာခင် နွေဦးရောက်တော့မယ်။ နွေဦးမှာ လွတ်လပ်စွာ ပျော်နိုင်တော့မယ်။ ဘယ်အန္တရယ်ကိုမှလည်း သူမကြောက်တော့ပါ။ သူ စွန့်စားမှုကို ပျော်ပိုက်သွားပြီ။ တခါတလေ အန္တရယ်နဲ့ ကြုံရနိုင်လည်း တခါတလေ ကြင်နာမှုတချို့တလေကိုတောင် သူရနိုင်သေးတယ်။

ဒီနောက်တော့ စခန်းဘက်ကို သူ ကျောခိုင်းလိုက်ပါတယ်။ သူတဆောင်းခိုလှုံခဲ့၊ ကျင်လည်ခဲ့သော အန္တရယ်ပေါင်းစုံရာဘ၀တွေရှိရာ အရိုင်းတောင်ကုန်းဆီ ..ပြေးလျှောက်ရင်း သင်းကွဲဘ၀ဖြစ်လည်း ရှိပါစေတော့.. ကြုံရာဘ၀တွေမှာ ကြုံသလို သူပျော်အောင် နေတတ်သွားပြီ...။

လသာည.. ဖြစ်ပါတယ်။
မှတ်ချက်..။ ။ English Street Reading, no. 183, lesson-16 Reindeer Winter!!ကို ဘာသာပြန်တာပါ။
Laplander လူမျိုးတွေအကြောင်း အသေးစိတ်က ဒီနေရာမှာ)
Reindeer သမင်တွေအကြောင်း အသေးစိတ်က ဒီနေရာမှာ)

Wednesday, November 18, 2009

ကျေးဇူးတင်ပါတယ်

ရုံးတစ်ရုံးမှာ အလုပ်လုပ်တဲ့ မန်နေဂျာတစ်ယောက်ဟာ အလွန်အလုပ်ကြိုးစားသူဖြစ်ပါတယ်။ အလုပ်ချိန်တိကျသူ၊ ရိုးသားသူ၊ သပ်ရပ်စွာဝတ်ဆင်တတ်ပြီး ဥာဏ်ထက်မြက်သူလည်း ဖြစ်ပါတယ်။ သို့သော် လူယဉ်ကျေးအသိုင်းအ၀ိုင်းမှာ အရေးပါတဲ့ ပညာတစ်ခုကိုတော့ သူမတတ်ပါ။ အဲဒီပညာက ယဉ်ကျေးချိုသာစွာ ပြောဆိုတတ်ခြင်းပဲ ဖြစ်ပါတယ်။

သူဘယ်တော့မှ ချိုချိုသာသာပြောဖို့ စိတ်မကူးတတ်ပါ။ လက်အောက်ငယ်သားများရဲ့ ခံစားချက်စသည်တို့ကိုလည်း ကိုယ်ချင်းစာလေ့မရှိ။ “ဒါလေး လုပ်ပေးမလား”လို့ မပြောတတ်ပဲ.။ “ဒါကို ချက်ချင်းလုပ်ပါ” ဆိုတာမျိုးကိုပဲ သူပြောတတ်ပါတယ်။ တဖက်လူရဲ့ စကားကို နားမလည်တဲ့အခါမျိုးမှာလည်း “နားမလည်လို့ ပြန်ပြောပြပါဦး”လို့ သူမဆိုတတ်ပဲ “ဘာလဲ”ဆိုတဲ့ တုံးတိတိ စကားကိုပဲ သူတုန့်ပြန်တတ်ပါတယ်။

ကျေးဇူးတင်ပါတယ် ဆိုတဲ့စကားမျိုးကတော့ သူ့ဆီက လုံးဝမကြားရတတ်တဲ့ စကားလုံးပါပဲ။ ဒါကြောင့်လည်း သူ့လက်အောက်က အလုပ်သမားမမြဲတတ်ပါဘူး။

သူ့ရဲ့ လက်အောက်ကစာရေး ဒေးဗစ်က မန်နေဂျာနဲ့ နှစ်ပေါင်းများစွာ အလုပ်လုပ်လာသူဖြစ်ပါတယ်။ မန်နေဂျာရဲ့ အပြောဆိုးတာကို သည်းညည်းခံရလွန်းလို့ ဒီအလုပ်ကို စိတ်ပျက်နေပြီ။ အလုပ်သမားအားလုံးက မန်နေဂျာကို မကျေနပ်ရင် သူ့ကိုပဲ လာတိုင်ကြတယ်။ ဒါပေမဲ့လည်း ဒေးဗစ်တစ်ယောက် မန်နေဂျာကို ပြန်ပြောဖို့ သတ္တိမရှိပါဘူး.. အဲ.. တစ်ခုသော သောကြာနေ့ ညနေခင်း မရောက်ခင်အထိပေါ့။

ထိုသောကြာနေ့အမှီ အပြီးလိုချင်တယ်လို့ မှာကြားထားတဲ့ မန်နေဂျာရဲ့ အမိန့်အတွက် ရုံးရဲ့စာရင်းရှင်းတမ်းတွေကို နေရာညပါ အိပ်ပျက်ခံလို့ ဒေးဗစ်အများကြီး ကြိုးစားလုပ်ခဲ့တယ်။ နောက်ဆုံးတော့ အလုပ်အားလုံးကို အပြီးသတ်အောင် သူအားထုတ်နိုင်ခဲ့တယ်။ ဒါနဲ့ စိတ်လက်ပေါ့ပါးစွာနဲ့ မန်နေဂျာအခန်းကို သွားပြီး ဖိုင်အားလုံးကို အပ်လိုက်ပါတယ်။ အမှန်အတိုင်းပြောရရင် သူ့အားထုတ်မှုအတွက် မန်နေဂျာဆီမှ တစုံတရာ စကားလေးတစ်ခွန်းတော့ သူရလိမ့်မယ်လို့ မျှော်လင့်မိတယ်။ ဒီအလုပ် ဘယ်လောက်ပင်ပန်းကြောင်း မန်နေဂျာသိတာပဲ။

ဒါပေမဲ့လည်း မန်နေဂျာက ဖိုင်တွေကို မျက်စိစွေကြည့်လိုက်ရုံကလွဲရင် ဘာတစ်ခုမှ မပြောပါဘူး..။ ဒါနဲ့ စာရေးဟာ သူနေရာကို ပြန်ဖို့လှည့်ထွက်လာလိုက်တယ်။ မန်နေဂျာရဲ့ ရုံးခန်းတံခါးနားကို အရောက်မှာ ရုတ်တရက် သူက မန်နေဂျာဘက်ကို လှည့်ရင်း ပြန်မေးလိုက်တယ်။

“ခင်ဗျာ..၊..ဟာ ဆောရီး ဆရာ။ ဘာပြောတာလဲ ခင်ဗျာ”
“ငါ ဘာမှမပြောဘူး”လို့ မန်နေဂျာက တိုပြတ်ပြတ် ပြန်ပြောတယ်။

ဒီတော့ ဒေးဗစ်က “သြော်...ကျွန်တော့်ကို “ကျေးဇူးပဲကွာ”လို့ လှမ်းပြောလိုက်တယ်ထင်လို့ပါ။ အဲဒီစကားလုံးက ကျွန်တော်ကို ဆုချီးမြှင့်သလို ပျော်သွားစေပါတယ်။ ဘာပဲဖြစ်ဖြစ် ကျေးဇူးတင်ပါတယ် ဆရာ”

တကယ်တော့ စကားလေးတစ်ခွန်းကို နေရာတစ်ကျ သုံးစွဲလိုက်ရုံလေးနဲ့ တစ်ဖက်လူရဲ့ စိတ်ထား၊ ခံစားချက်ကို ပြောင်းလဲစေတယ် မဟုတ်ပါလား။ စကားပုံတောင် ရှိတယ်။ နှုတ်ချို သျှိတစ်ပါး တဲ့..လသာည ဖြစ်ပါတယ်။
မှတ်ချက်။ ။အခုတလော TOEFL test ဖြေမယ့် ဂျပန်ကောင်မလေးတစ်ယောက်က အကူအညီတောင်းလို့ သူမနဲ့ အတူ Reading English ပုံနှိပ်စာအုပ်တွေကို စာကူ ဖတ်ပေးနေဖြစ်ပါတယ်။ သူ့ကို ဂျပန်လိုရော အင်္ဂလိပ်လိုရော တတ်သရွေ့မှတ်သရွေ့ လျှောက်ဖြီးရင်း ကူဖတ်ပေးတာမျိုးပါ။ (အထင်ကြီးသွားမှာစိုးလို့ အမြန်ရှင်းပြတား) အဲဒီစာအုပ်တွေထဲက တချို့တချို့ဟာ စိတ်ဝင်စားစရာကောင်းနေတာမို့ တခါတရံ ဘာသာပြန်ပြီး တင်မယ်လို့ စိတ်ကူးဖြစ်ပါတယ်။ ဒီအပေါ်ကပို့စ်ကတော့ English Street Reading, no. 183, lesson-5 Thank you!!ကို ဘာသာပြန်တာပါ။ လသာည.. နားလည်သလို ဘာသာပြန်တာဖြစ်လို့ အဆီအငေါ်မတည့်ရင် ခွင့်လွှတ်ပါ။ လာဖတ်တဲ့ သူငယ်ချင်း အားလုံးကို Thank you!!ပါလို့...

Monday, November 16, 2009

အာနိုးပြောတဲ့ အိပ်မက်ဆိုတာ

ကျွန်တော် ဆယ်နှစ်သားလောက်တုန်းက ကမ္ဘာပေါ်မှာ တစ်ခုခုမှာ အတော်ဆုံးဖြစ်ရင်ကောင်းမှာပဲလို့ အမြဲစိတ်ကူးယဉ်ဖြစ်ခဲ့တယ်။

ကျွန်တော်ခပ်ငယ်ငယ်ထဲက အမြဲဖြစ်ချင်တာက ကျွန်တော်စကားပြောရင် လူတိုင်းကနားထောင်ပေးရတဲ့သူမျိုးဖြစ်ချင်တယ်။ လူတိုင်းက ကျွန်တော့်စကားကို အလေးထားနားထောင်စေချင်တယ်။ ပတ်ဝန်းကျင်ထက် ပိုထူးခြားတဲ့သူ၊ အများက အသိအမှတ်ပြုတဲ့သူမျိုးဖြစ်ချင်တယ်။ အဲဒါ ကျွန်တော့်ရဲ့ ပထမအိပ်မက်ပါ။

၁၅-နှစ်သားရောက်တော့ ကျွန်တော့်အိပ်မက်က နည်းနည်းပြောင်းသွားတယ်။ ကမ္ဘာပေါ်မှာ ဗလအတောင့်ဆုံးသူ ဖြစ်ချင်တဲ့ အိပ်မက်ပဲဖြစ်ပါတယ်။ ခန္တာကိုယ်ကြီးထွားတဲ့သူဆိုရင် လူတွေက ကျွန်တော်ကို အနည်းအများ လေးစားမယ်လို့တွေးမိလို့ပါ။ ထိုအချိန်ကတဲက အဲဒီအိပ်မက်က ညတင်မဟုတ်ဘူး နေ့တွေမှာပါ မက်လာခဲ့တယ်။ စိတ်ကူးတင်မဟုတ်ပဲ လက်တွေ့လုပ်ကြည့်ခဲ့တယ်။ စိတ်ထဲမှာလည်း ငါလုပ်ရင်ဖြစ်ရမယ်လို့ အမြဲတွေးတယ်။ ကြိုးစားမှုရလာဒ်အဖြစ် တကယ်ပဲ မောင်စကြာဝဠာဖြစ်ခဲ့တယ်..။

လူတိုင်းမှာလည်း စိတ်ကူးဆိုတာ ရှိမှာပဲ။ အဲဒါနဲ့ပတ်သက်လို့ ခံစားချက်ဖီလင်လည်း ရှိမှာပဲ။ ကျွန်တော်တို့ ဘာကိုခံစားခံစား အဲဒီခံစားချက်ကို ဆက်လက်ထိန်းလို့ရသလို လွှတ်ပစ်လို့လည်းရတယ်။ အဲဒါ ကျွန်တော်တို့ပေါ်မှာ မူတည်တယ်။ နောက်တဆင့် ကျွန်တော်တို့ရဲ့ စိတ်ကူးအိပ်မက်ကို ဆက်လက်ရဖို့အတွက် ကိုယ်ကိုကိုယ် အမိန့်ပေးရမယ်။ ငါ အိပ်မက်ဟာ အမှန်တကယ်အောင်မြင်ရမယ်..လို့...။

ဥပမာအနေနဲ့ ပြောရရင် အိပ်မက်မက်တာဟာ အားကစားလုပ်တာနဲ့တူတယ်။ အားကစားလုပ်နေချိန်မှာ ဘယ်လိုပဲဖြစ်ဖြစ် အာရုံစူးစိုက်မှုရှိရမယ်။ အာရုံစူးစိုက်မှုကလည်း တစ်ရာ ရာခိုင်နှုန်း ရှိမှဖြစ်မယ်။ ဒါက အားကစားပဲ။ အဲလိုလုပ်လိုက်တာနဲ့ ကျွန်တော်တို့အာရုံမှာ တခြားအပိုခံစားချက်တွေ၊ အတွေးတွေ ၀င်မလာနိုင်တော့ဘူး။ ဘယ်တခြားခံစားချက်မှ လက်ရှိအာရုံကို မနှောက်ယှက်နိုင်တော့ဘူး။

ကျွန်တော်တို့မှာ သာမာန်ဘ၀ကို ရွေးမလား၊ အောင်မြင်တဲ့ဘ၀ကို ရွေးမလား စိတ်ကြိုက်ရွေးခွင့်ရှိတယ်။ ကျွန်တော်ကတော့ သူများပြောတဲ့နည်းကို နားထောင်၊ သူများစိတ်ကြိုက်လုပ်ပြီး အောင်မြင်သူလို့ မကြွေးကြော်ချင်ဘူး။ ဘာဖြစ်လို့လဲဆိုတော့ သူတို့က မကြိုက်တော့ဘူးဆိုရင် ကိုယ့်ဘ၀က ပြီးသွားပြီလေ။ ဘာပဲဖြစ်ဖြစ် ကျွန်တော့်အတွက် အကောင်းဆုံးဖြစ်မယ်ထင်တဲ့ လမ်းကို ကျွန်တော့်ဘာသာရွေးမှာပဲ။

ဒါကြောင့်လည်း လူတချို့က ကျွန်တော့်ကို ဝေဖန်တယ်။ အတ္တကြီးတဲ့သူ၊ အေးစက်တဲ့သူတဲ့..။ နောက်ပိုင်း ကျွန်တော့်အိပ်မက်ကို အကောင်အထည်ဖော်နိုင်ပြီး၊ ကျွန်တော်အောင်မြင်သွားတဲ့အခါ ကျွန်တော်ဟာ လူတော်တစ်ယောက်လို့ သူတို့က လက်ခံသွားကြတယ်။ ဒါပေမဲ့ တကယ်တော့ ကျွန်တော်အိပ်မက်အတွက် သူတို့လက်ခံမခံက အရေးမကြီးပါဘူး..။

ကျွန်တော်က ဆာလောင်မှုဖလော်ဆော်ဖီကို စွဲမြဲယုံကြည်တယ်။ ဆာလောင်မှုဆိုတာ အစားအစာကို ပြောတာမဟုတ်ပါဘူး။ အိပ်မက်တွေကို ပိုင်ဆိုင်ချင်တာပါ။ အိပ်မက်တစ်ခုမက်တယ်။ ရအောင် အကောင်အထည်ဖော်မယ်။ ရလာရင် အဲဒါနဲ့ ရောင့်ရဲနေလို့ မဖြစ်ဘူး။ နောက်အိပ်မက်တစ်ခုကို တောင့်တရမယ်၊ အိပ်မက်ရမယ်။ ပြီးရင် ဆာလောင်စွာ အကောင်အထည် ဖော်မယ်။ ဒီလိုပဲ အိပ်မက်တစ်ခုပြီးတစ်ခုကို မက်လို့ ကျွန်တော်ကတော့ဆက်လျှောက်နေဦးမှာပါပဲ..
Make Dreams Come True!!

မှတ်ချက် ။ ။Arnold Schwarzeneggerရေးတဲ့ Make Dreams Come True မှ ကောက်နှုတ်ချက်တချို့ကို နားလည်သလို ဘာသာပြန်ထားပါတယ်..
အခုဆိုရင် အာနိုးဟာ ကာယဗလမောင်၊ သရုပ်ဆောင်၊ စီးပွားရေးသမား၊ နိုင်ငံရေးသမား၊ လက်ရှိမှာကယ်လီဖိုးနီးယားပြည်နယ်ရဲ့ ၃၈ကြိမ်မြောက် ပြည်နယ်လွှတ်တော်အမတ်အဖြစ် အိပ်မက်ကို အကောင်အထည်ဖော်နေပါတယ်..။
သူ့အကြောင်းအသေးစိတ်ကို ဒီမှာလေ့လာနိုင်ပါတယ်.။ ဓါတ်ပုံများမှာ googleမှ..ဖြစ်ပါတယ်။

လသာည.. ဖြစ်ပါတယ်။

Saturday, November 14, 2009

အိုခဲရ၊ ဇော်ကန့်လန့် နဲ့ လသာည

ရှေးတုန်းက အိုခဲရ ခေါ် တင်းဝါးနဲ့ စည်ပိုင်းလုပ်သူတစ်ယောက် ရှိတယ်။ တခါမှာသူက တင်းဝါးကို ခွဲလိုက်ချိန်မှာ တင်းဝါး အဖျားခတ်မိပြီး လူလွင့်ထွက်သွားတယ်။ ဘယ်အထိလွင့်သွားသလဲဆိုရင် မိုးမင်းကြီးနေတဲ့နေရာထိ တဲ့။

လူပြည်ကို မိုးရွာပေးဖို့ အလုပ်များနေတဲ့ မိုးမင်းကြီးက.
“အမောင်လူသား၊ ငါ အလုပ်များနေတယ်။ ဒီကို ရောက်လက်စနဲ့ ငါ့အလုပ်ကိုကူလုပ်ပေးပါ။ အခု ငါက ဒီစည်ကိုတီးမယ်။ မင်းက လူရွာကို မိုးခဲ ကျဲပေးပါ”
ပြောပြောဆိုဆို မိုးမင်းကြီးက စည်ကိုတီးလိုက်တော့ လူပြည်မှာ မိုးချိမ်းသံမြည်ဟီးသွားတယ်။ ဒါနဲ့ အိုခဲရလည်း မိုးခဲလေးတွေကို ကြဲပေးလိုက်တယ်။

မိုးမင်းကြီးက သူ့ကို “မိုးခဲကို ဖြည်းဖြည်းပဲ ကြဲချနော် လို့ လှမ်းသတိပေးရင်း ရှေ့ကို ဆက်သွားတော့ သူကပျော်ရွှင်စွာ နောက်ကလိုက်ရင်း မိုးခဲကို တဖွဲဖွဲ ကြဲချလိုက်တယ်။ ဒီလိုနဲ့ သူတို့ရွာနားကို ရောက်တော့ သူ့ရွာကို မိုးရေရစေချင်စောနဲ့ မိုးတွေကို အများကြီးပစ်ချလိုက်တယ်။ အဲဒီနေ့က ရွာသားတွေက Tanabata Matsuri (Star Festival)စုပေါင်းလုပ်ပြီး ၀ါးပင်ထိပ်မှာ လိုရာဆုတောင်းပွဲလုပ်နေကြတယ်။ မိုးရွာလာတော့ ပျော်သော်လည်း များပြားလွန်းတဲ့ မိုးခြိမ်းသံနဲ့ အတူ မိုးသီးတွေကြွေကျလာတာမို့ အိမ်ထဲကို ပြေးဝင်ကြရတယ်။ ပြောရရင် တရွာလုံး ရေကြီးသွားတယ်တဲ့..။
ဒါကို မသိတဲ့ အိုခရက သူ့ရွာကလူတွေ ပျော်နေကြပြီလားလို့ ရွာကိုလှမ်းကြည့်လိုက်တာ ကြဲထားတဲ့ မိုးခဲအစအနနဲ့ချော်လဲပြီး အိုခရတစ်ယောက် လူပြည်ကို ပြန်ပြုတ်ကျလာခဲ့တယ်။
ဒါပေမဲ့ပေါ့....
“ဟာ.. ဟိုမှာ အိုခရတစ်ယောက် ဘုန်းကြီးကျောင်းအမိုး ဘုံ ၅ဆင့်မှာ တွဲလောင်းကြီးကျနေပါလား”
ဟုတ်တယ်။ အိုခရတစ်ယောက် မိုးပေါ်ကတော့ ပြုတ်ကျလာပါတယ်။ ဒါပေမဲ့ အောက်ကို တန်းမရောက်ပဲ တွဲလောင်းဖြစ်နေတယ်။ နောက်တော့ ဘုန်းကြီးရဲ့အကြံနဲ့ အားလုံးရဲ့ အ၀တ်တွေကို ဆက်ပြီး အ၀တ်တန်းကို လုပ်ကြတယ်။ ပြီးတော့မှ သူ့ကို ခုန်ချခိုင်းတယ်။ မိုးပေါ်ရောက်ဖူးတဲ့ အိုခရအကြောင်း ပြောမဆုံးပေါင် တောင်သုံးထောင်ဖြစ်နေချိန်မှာ အိုခရလည်း မိုးပေါ်ကို မော့ကြည့်ရင်း မော့ကြည့်ရင်း ......သစ်သားကို အဆက်မပြတ်ခွဲနေတော့တယ်..ဒုန်း ခွမ်း....

:P ဒါက ဂျပန်ပုံပြင်လေးပါ။ ကလေးတွေကို ဒီပုံပြင်ပြောပြပြီး “ရွာသားတွေနဲ့ အိုခရရဲ့ အပြန်အလှန်မေတ္တာထားမှု၊ စည်းလုံးမှုကို အတုယူဖို့ သင်ကြတယ်။ ဒါပေမဲ့ ကလေးတွေရဲ့ အာရုံထဲမှာတော့ ဘုန်းကြီးကျောင်းအမိုးကနေ စောက်ထိုးကျနေတဲ့ အိုခရ၊ ကောင်းကင်ကို မော့ကြည့်လို့ သစ်သားခွဲနေမယ့် အိုခရကို ပဲ ပိုအမှတ်ရကြတယ်တဲ့..

ဒါမျိုးဆန်ဆန်ပုံပြင်လေးတစ်ခုရှိသေးတယ်။ လသာည ဆယ်တန်းကျောင်းသူဘ၀တုန်းက ကျောင်းအုပ်ဆရာကြီးက အတန်းထဲမှာ ပြောသွားတဲ့ ပုံပြင်လေးပါ။ အားလုံးလည်း ကြားဖူးကြမယ်ထင်ပါတယ်။ ပုံပြင်က ဇော်ကန့်လန်တဲ့..။ သူပြောပြပုံက သဘောကျဖို့ ပိုကောင်းတယ်။

တခါက နွားကျောင်းသားတစ်ယောက်က တောထဲမှာ နွားကျောင်းရင်း ဇော်ဂျီကို သွားတွေ့တယ်။ ဇော်ဂျီက သူ့ဆေးတောင်ဝှေးကြီးနဲ့ ယူလာတဲ့ ဆေးတွေကို ကြိတ်နေတာကို မြင်တာမို့ ဆက်ချောင်းကြည့်နေမိတယ်။ ဇော်ဂျီက ဆေးတွေကို ကြိတ်ကြိတ်ပြီး ထမင်းဆုပ်လောက် အလုံးလေးတွေကို ၃ လုံး လုံးတယ်။ ပြီးတော့ တစ်လုံး ပြီး တစ်လုံး ခပ်မြန်မြန်စားလိုက်ပြီး ဆေးတောင်ဝှေးကို ပုခုံးမှာထမ်းလိုက်တယ်။ ပြီးတော့ “ငါ့ဟဲ့ ယောက်ျား”လို့ မြည်တမ်းပြီး ခုန်လိုက်တာ ကောင်းကင်ပေါ် ပျံတက်သွားတယ်။

ဒါကို မြင်တဲ့ နွားကျောင်းသားဟာ ဇော်ဂျီကို အားကျသွားတယ်။ ဇော်ဂျီဆေးကြိတ်ခဲ့တဲ့ နေရာကို သွားကြည့်တယ်။ အဲဒီမှာ ဇော်ဂျီစားသွားလို့ ကျန်နေတဲ့ ဆေးအကြွင်းအကျန်လေးကို မြင်တော့ သူလည်း စားကြည့်ချင်စိတ်ပေါက်သွားတယ်။ ဒါနဲ့ ဇော်ဂျီလိုပဲ ဆေးအကြွင်းအကျန်လေးတွေကို စုပြီး သုံးလုံး တိတိလုံးတယ်။ အရွယ်ကတော့ နှာချီးလုံးလောက်ပဲ ရှိတော့တယ်။ ဇော်ဂျီက အကုန်စားသွားတာဆိုတော့ ဒီလောက်ရတာတောင် တော်သေးတယ်ပေါ့။ ဒါနဲ့သူက ဆေးလုံး ၃ လုံးကို ပါးစပ်ထဲပစ်ထည့်လိုက်ပြီး နွားကျောင်းတဲ့ နှင်တံလေးကို ဟန်ပါပါ ပုခုံးပေါ်ထမ်းလိုက်ပြီး “ငါဟဲ့ ယောက်ျား”လို့ အော်ရင်း ခုန်လိုက်တယ်။

ဟာ.. တကယ်ပါပဲ တော်တော်စွမ်းတဲ့ ဆေးဖြစ်တော့ သူလည်းပဲ ကောင်းကင်ပေါ်ပျံတက်သွားတယ်။ ဒါပေမဲ့.. ၀ါးတစ်ပြန် (၀ါးပင်အဖျား)လည်း ရောက်ရော ရပ်နေတယ်။ ဆက်မတက်တော့ဘူး။ ဒါပေမဲ့ သူက ဒီလောက် လေထဲပျံရလည်း မနည်းဘူးဆိုပြီးတော့ တောထဲမှာ လျှောက်သွားလိုက်တယ်။

အဲဒီမှာ သီချင်းသံတစ်ပုဒ်ကြားမိတယ်။ သီချင်းက“အလွန်အေးတဲ့ရာသီ၊ အလွန်ချမ်းတဲ့ရာသီ၊ မေတရွာ မောင်တမြို့တော့ နေလို့လည်း မဖြစ်နိုင်ပါသည်” ဆိုတဲ့သီချင်းဖြစ်ပြီး. ဆိုနေတဲ့သူက သူ့ရည်းစား မအေးဖြစ်နေသတဲ့။ ဒါနဲ့ ၀မ်းသာအားရ ဘဒင်ရဲ့ “ချစ်တာမင်းတစ်ယောက်တည်း အချစ်ရေ သိလား”ကို ကျယ်လောင်စွာဆိုရင်း သူ့ရည်းစားဆီ ပျံသွားလိုက်တယ်။ ဒါပေမဲ့ သူသွားလို့မရဘူးဖြစ်နေတယ်။ သူက ဇော်ဂျီရဲ့ ဆေးကိုနှာချီးလုံး သုံးလုံးစားမိထားတော့ ဘယ်လိုမှ အောက်ဆင်းပြီး သွားလို့မရဘူး။

မအေးခမြာလည်း အံသြပေမဲ့ ၀မ်းမသာနိုင်ဘူး ဖြစ်နေတယ်။ သူ့ချစ်သူက မိုးပေါ်ကနေ သစ်ပင်ဖက်ပြီး ဆင်းလာလိုက် သစ်ပင်ကိုလက်လွတ်ပြီးသူမဆီ ပြေးလာတာနဲ့ ကောင်းကင်တက်သွားလိုက်နဲ့ ဖြစ်နေတာကိုး။ စိတ်မကောင်းစွာနဲ့ ဖြစ်ကြောင်းကုန်စင်မေးရင်း ဒီလိုညည်းသတဲ့..။ “မောင်တစ်ယောက် ဇော်ကန့်လန့် ဖြစ်သွားပြီ။ ဒီလို ဟိုမရောက်ဒီမရောက် ကန်လန့်မင်းသားကို ကျွန်မဘယ်လို အိမ်ထောင်ဖက်အဖြစ် ရွေးချယ်ရမလဲ။ ကဲ ရှင်းရှင်းပဲ မောင့်ကို ပြောမယ် သွားတော့...”လို့ အဆုံးမှာ မေခလာ သီချင်းနဲ့တောင် ရန်တွေ့သတဲ့..။

:D ကျောင်းအုပ်ကြီးက အပြောကောင်းအဆိုကောင်းနဲ့ ပုံပြင်လေးကို အဆုံးသတ်သွားပုံက “သားတို့ သမီးတို့လည်း စာကြည့်ချိန်မှာ စာမကြည့်ရင် နောင်တချိန်မှာ ဘ၀ရဲ့ ဟိုမရောက်ဒီမရောက် ဇော်ကန့်လန့် ဖြစ်သွားမယ်နော်”တဲ့..။ ကျွန်မတို့အားလုံးက အားရပါးရ ရယ်ဖြစ်ခဲ့ကြတယ်။

ပုံပြောကောင်းတဲ့ ဆရာကြီးကို မမေ့သလို ဇော်ကန့်လန့် ပုံပြင်ကိုလည်း အခုထိ မမေ့ပါဘူး။ အခုတလော ပိုတောင်သတိရသေးတယ်။ လသာညလည်း.... မိုးပေါ်ကပြုတ်ကျပြီး ဘုန်းကြီးကျောင်း အမိုးပေါ်က ဆင်းမရတက်မရ ဒုက္ခရောက်ရတဲ့ အိုခရလို၊ ကောင်းကင်ပေါ်တော့ မဖြစ်စလောက် ပျံရပါရဲ့၊ ဆက်တက်လို့မရ၊ ဆင်းလို့မရ ဒုက္ခရောက်နေတဲ့ ဇော်ကန်လန့်လို့... ဖြစ်နေပြီလားလို့ တွေးမိလို့ပါ။ မိုးပျံနေတဲ့ ဇော်ဂျီတွေလောက် ဆေးတန်ခိုးမရှိပါပဲနဲ့ မိုးပေါ်ကို ပျံဖို့ ကြိုးစားမိသလို အရမ်းတော်တဲ့ ဘလော့ဂါတွေကိုအားကျလို့ ဗဟုသုတမတောက်တခေါက်နဲ့ ဘလော့တစ်ခုကို အစပြုဖွင့်လို့ တစ်ခုပြီးတစ်ခု ရေးလာမိတယ်၊ ပျော်တဲ့အခါ ပျော်လိုက်၊ ခေါင်းစားတဲ့အခါ ခေါင်းစားလိုက်နဲ့ ကျောင်းသားဘ၀ရဲ့ အချိန်တွေများစွာက ဘလော့ဘ၀ထဲမှာ တိုက်စားရင်း အခုဆို အမြင့်ဝါးတစ်ပြန်လောက်ရောက်ရောမယ်။:D

သူများတွေကို အားကျလို့ အမြင့်ကြီးလည်း တက်ချင်တယ်။ ဒါပေမဲ့ အောက်ကနေပြီး (စာမကျက်တဲ့ တပည့်ကို စိတ်ဆိုးနေတဲ့) ပရော်ဖက်ဆာက ကြိမ်လုံးကိုင် စောင့်နေလေရဲ့။ (ဘလော့)ဇော်ဂျီကန့်လန့် အမြန်ဆုံးဆင်းလာချင်လာ ဆင်းမလာလို့ကတော့ (ဘွဲမပေးပဲ) မြန်မာပြည်ပြန်ဖို့ လက်မှတ်ထိုးပေးမယ်တဲ့..။ အဲတော့ သယ်ရင်းတို့ရေ.. လသာညလည်း ဆေးနှာချီးအစွမ်းကုန်ရင်တော့ အောက်ကိုပြန်ဆင်းပြီး ပရော်ဖက်ဆာကို တောင်းပန်လို့ ကျောင်းသားဘ၀ထဲကို လုံးလုံးလျားလျားဝင်ပါဦးမယ်..လို့..။ ကံမကုန်ရင် နောက်များမှ ပြန်ဆုံကြသေးတာပေါ့.. :P

မှတ်ချက် ၊ ၊ဒါပေမဲ့ မိုးပေါ်က စောက်ထိုးကျလာတဲ့ အိုခရ တစ်ယောက် ကောင်းကင်ကို မော့ကြည့်လို့ သစ်သားခွဲနေသလို လသာညလည်း ကောင်းကင်ကို ကြည့်လို့ အဲလေ ဘလော့စာမျက်နှာများကို ငေးရင်း ကျောင်းစာကြည့်နေမှာပါလို့ ...:D

လသာည ဖြစ်ပါတယ်။

Thursday, November 12, 2009

အင်တာနက်မှ ဟာသများ :)

သူမရဲ့ အသက်
မိန်းမတစ်ဦးဟာ ပြန်လည်နုပျိုစေမယ်လို့ အာမခံထားတဲ့ အလှပြင်ပစ္စည်းအချို့ကို ဈေးကြီးပေးပြီး ၀ယ်လာပါတယ်။
အလှပြင်ပြီးနောက် သူမက သူမအမျိုးသားကို လှမ်းမေးလိုက်ပါတယ်။
"ကဲ..ကျွန်မကို ကြည့်ပါဦး အခုဆို ကျွန်မအသက် ဘယ်လောက်အရွယ်အဖြစ် မြင်ရလဲဟင်”
သူက သေသေချာချာ ဂရုတစိုက်ကြည့်ပြီး ဖြေလိုက်တယ်။ “ အသားအရေကိုကြည့်ပြီး ဖြေရရင် အသက် ၂၀၊ ဆံပင်ဆိုရင် ၁၈နှစ်၊ ခန္ဓာကိုယ်အသွင်အပြင်ဆိုရင် ၂၅နှစ်”
“အိုး.. ဒါတော့ ရှင်မြှောက်နေတာ မဟုတ်လား”လို့ သူမက ရှက်ပြုံးနဲ့ ပြန်ပြောတယ်။
“ နေပါဦး၊ စကားမဆုံးသေးပါဘူး၊..”
“ကဲ..ဒါဖြင့် ဘာကျန်သေးလဲ ပြော”လို့ သူမက ကြည်နှုးစွာ ဖြေလိုက်တယ်။
“ငါ တစ်ခုချင်းဆီပဲ ပြောရသေးတာ။ အားလုံးကို ပေါင်းမပြောရသေးဘူးလေးကွာ”

မိန်းမများ ကြိုက်နှစ်သက်သော အားကစား
17နှစ် - shopping
25နှစ် - shopping
35နှစ် - shopping
48နှစ် - shopping
66 နှစ်- shopping

ရွေးချယ်မှုစံ
17နှစ် - tall, dark and handsome (ဒီလောက်ပြည့်စုံရင် တော်ပြီတဲ့)
25နှစ် - tall, dark and handsome with money (နေဦး ပိုက်ပိုက်ရှိမှ လျှောက်လည်လို့ရမှာ)
35နှစ် - tall, dark and handsome with money and a brain (နေဦး ထက်မြက်ဖို့လည်း လိုတယ်)
48နှစ် - a man with hair (ကျန်တာထက် ဆံပင်ပါမှဖြစ်မယ် အလှူ ဘာညာသွားရင် လူမြင်ကောင်းဖို့လိုတယ် :))
66နှစ် - a man (ဆံပင်မပါလည်း ရပြီ ဆေးပေးမီးယူပဲ :))

အိမ်မွေးတိရစ္ဆာန်လေးများ
17 နှစ်- Muffy the cat
25နှစ် - Unemployed boyfriend and Muffy the Cat
35နှစ် - German Shepherd and Muffy the Cat
48နှစ် - Children from his first marriage and Muffy the Cat
66နှစ် - Retired husband and Muff the Cat
(ကြောင်ကတော့ အဆင့်မလျော့တဲ့ အိမ်မွေးအသည်းကျော်ပါပဲ:))

ဒါမှအိမ်ထောင်ဦးစီး
17 နှစ်- ပိုက်ဆံ ရှင်းပါရစေလို့ သူတောင်းဆိုတယ်။
25နှစ် - သူကပဲ ငွေရှင်းသွားတယ်
35နှစ် - မနက်စောစောထပြီး မနက်စာချက်ပေးတယ်။
48နှစ် - နောက်တနေ့မနက်စာ ကလေးထမင်းဗူးအတွက် သူထချက်ပေးတယ်။
66နှစ် - သူ့မနက်စာကို သူဘာသာပဲ ခူးစားတယ်။

စက်ရုံလုပ်သားများ
အမေရိကန်နိုင်ငံက သေးငယ်တဲ့မြို့တမြို့ မှာ အိမ်ထောင်သည်အမျိုးသားများကိုသာ အလုပ်ခန့်တဲ့ နေရာတစ်ခုရှိပါတယ်။
ဒါကိုမြင်တဲ့ အဲဒီမြို့က အမျိုးသမီးတစ်ဦးက မကျေနပ်တဲ့အတွက် စက်ရုံမန်နေဂျာကို မေးပါတယ်။
“ဒီမှာရှင် ရှင်တို့စက်ရုံက အိမ်ထောင်သည် အမျိုးသားကိုပဲ အလုပ်ခန့်တယ်ဆိုတာက ဘာသဘောလဲရှင့်။ ဘာလဲ ကျွန်မတို့မိန်းမတွေက အားနွဲ့လို့လား၊ သုံးမရအောင် တုံးတဲ့သူတွေမိုလို့လား ပြောစမ်းပါဦး”
“အိုး.. မဟုတ်ရပါဘူး ခင်ဗျာ၊ ကျွန်တော်တို့ စက်ရုံက မြန်မြန်သွက်သွက်၊ ပြေးပြေးလွှားလွှားလုပ်တတ်ပြီး ကျွန်တော်ဆူတိုင်း ပြန်မပြောတတ်ပဲ ပါးစပ်ပိတ်အလုပ်လုပ်သူကိုသာခန့်တာပါ။ အဲဒီလို လိုအပ်ချက်နဲ့ကိုက်ညီနေသူများက အိမ်ထောင်သည်အမျိုးသားများဖြစ်နေလို့ပါ။

ယောက်ျားများ နားထောင်ကြပါ။

ယောက်ျားတစ်ယောက် ကျဉ်းမြောင်းတဲ့ တောင်တက်လမ်းသွယ်လေး ဖြတ်သန်း ကားမောင်းနေတုန်း မိန်းမတစ်ယောက်က သူနဲ့အတူ ဘေးချင်းယှဉ်လိုက်မောင်းလို့ ကျယ်ကျယ်လောင်လောင် အော်သွားပါတယ်။ "PIG!!"
ယောက်ျားကလည်း မဆိုင်းမတွ ကျယ်ကျယ်လောင်လောင်ပြန်အော်ပစ်လိုက်တယ် "BITCH!!"
ဒီအတိုင်း ဆက်သွားလို့ နောက်လမ်းကွေ့တစ်ခုအရောက်မှာ လမ်းလည်ခေါင်ရောက်နေတဲ့ ၀က်ကို ယဉ်မောင်းယောက်ျားဝင်တိုက်လိုက်မိပါတော့တယ်။
အားလုံး ရယ်မောခြင်းဖြင့် ဘ၀အမောများပြေပျောက်နိုင်ကြပါစေ..။

လသာည.. ဖြစ်ပါတယ်...။
မှတ်ချက်။။ အင်တာနက်မှ ဖတ်ဖြစ်တာများကို စုစည်းတင်ပြတာပါ။ ဖတ်ပြီးသားဖြစ်နေရင် စိတ်မရှိပါနဲ့ ..
ဒီထက်ပိုပြီး ဖတ်ချင်သေးသူများ ဒီနေရာမှာ ဟာသများစွာ ရှိပါတယ်။ လသာည သွားနေကျနေရာပါ။ အခုဟာသများကိုလည်း ထိုနေရာမှ ယူထားပါတယ်..

Wednesday, November 11, 2009

ဖော်ဝပ်ဒီမေးလ်များ နဲ့ privacy

ဖော်ဝပ်ဒီမေးလ်နဲ့ ပတ်သက်ပြီး လတ်တလော အတွေးတစ်ခု ရှိနေပါတယ်။
အဲဒါကို မပြောခင် ပထမဆုံးဝန်ခံချင်တာက ကျွန်မ ဖော်ဝပ်ဒီမေးလ်များကို အလွန်နှစ်သက်ပါတယ်ဆိုတာပါပဲ..။ ဖော်ဝပ်ဒီမေးလ်တွေကတဆင့် အဖိုးတန် တရားစကားများ၊ ပုံပြင်လေးများ၊ စာနာစရာ ဇာတ်လမ်းလေးများ၊ တခါတခါ ဟာသလေးများကို မရိုးအောင် ဖတ်ရလို့ပါ။ (တခါတလေ မေးလ်တစ်ခုတည်း ပြန်လည်ပြီး လေးငါးခါ ပြန်ရတတ်တာကလွဲရင်ပေါ့)

နောက်တစ်ခုကတော့ ဖော်ဝပ်ဒီမေးလ်ပို့တဲ့ သူငယ်ချင်းရဲ့ခံစားချက်ကို လေးစားမိလို့ပါ။ သူနေရာကနေ၀င်ပြီး ခံစားမိတယ်။ မေးလ်တစ်ခုကို ဖတ်လိုက်ပြီး အရမ်းဖတ်ကောင်းတာပဲလို့ ခံစားမိတဲ့အခါ တခြားကိုယ့်သူငယ်ချင်းကိုလည်း ဒါလေးဖတ်စေချင်လိုက်တာဆိုတဲ့ သူရင်ထဲက ခံစားချက်ကလေး၊ ပြီးရင် အဲဒီ ခံစားချက်ကလေးကို သူနဲ့ထပ်တူခံစားစေချင်တဲ့အတွက် ထပ်ဆင့်ပို့ဖို့ သူရွေးလိုက်တဲ့သူငယ်ချင်းဟာ ကိုယ်ဖြစ်နေတဲ့အတွက်လည်း ဘယ်လောက် ကျေးဇူးတင်ပျော်ဖို့ကောင်းသလဲနော်။ ကိုယ့်နာမည်ကို ပါအောင် ရွေးလိုက်ပြီဆိုကတဲက သူကိုယ့်ကို ဘယ်လောက်ထိ အလေးထားတယ်ဆိုတာသိသာစေတဲ့ သူရဲ့ခင်မင်မှုလေး.ပါပဲ. အဲဒါတွေအားလုံးကို ခံစားပြီး ကျေးဇူးတင်လေးစားမိလို့ပါ။

တကယ်တော့ ဖော်ဝပ်ဒီမေးလ်ရောက်လာပြီဆိုရင် အထဲကစာထက် (စာမဖတ်ရသေးပေမဲ့လည်း) ပို့တဲ့ သူငယ်ချင်းက ကိုယ့်နာမည်ကို သူမမေ့သေးဘူး၊ ကိုယ့်ကို သတိရနေတယ်ဆိုတာ စာလက်ခံရသူက ခံစားလို့ရတယ် မဟုတ်ပါလား..

အချိန်ဟာ ငွေဖြစ်နေတဲ့ ဒီလိုခေတ်ကြီးမှာ၊ အချိန်တိုင်းမှာ အလုပ်မလုပ်လို့ မဖြစ်တော့တဲ့ ဒီလိုအခါကြီးမှာ လူတစ်ယောက်က သူ့ရဲ့ ကိုယ်ပိုင်အချိန်ထဲက တစက္ကန့်ပဲဖြစ်ဖြစ် ဖဲ့ပြီး အခြားလူတစ်ယောက်ကို သတိတရနဲ့ ခံစားချက်ဝေမျှပေးနေတာ ဘယ်လောက်နွေးထွေးတဲ့ ဂရုစိုက်မှုလေးလဲ. ဘယ်လောက် ပျော်ရွှင်စရာ အရမ်းကောင်းပါသလဲ..။ ကိုယ်က အလုပ်တွေသိပ်ရှုပ်ပြီး တော်တော်တန်တန် replyမပြန်ဖြစ်လည်း ခင်မင်တဲ့ သူငယ်ချင်းချင်းဆိုတော့ကာ ဗွေမယူပဲ ပို့မြဲပို့ပေးနေကြတာပါပဲ။ ဒါကြောင့်လည်း ကျွန်မ ဖော်ဝပ်ဒီမေးလ်တွေကို နှစ်သက်မိရတာပါ။

ဒါပေမဲ့ အခုတလော ဖော်ဝပ်ဒီမေးလ်နဲ့ ပတ်သက်ပြီး ရယ်စရာ ဒါပေမဲ့ စိတ်ရှုပ်စရာ တစ်ခုတွေ့ထားမိတယ်။ ပြီးခဲ့တဲ့ အပတ်က ကျွန်မဂျီတော့ခ်ကို လာaddသူများနဲ့ ပတ်သက်တာပါ။ သူပြော ငါပြော ပြောသံကြားဖူးတဲ့အတွက် အရင်က သူများက မေးလ် addတိုင်း acceptမလုပ်တတ်ပါဘူး။ အခုနောက်ပိုင်း ဘလော့မှာ တင်ထားတဲ့ g-mail လိပ်စာကို addလာခဲ့တာမျိုးကျတော့ ကိုယ့်ရဲ့ဘလော့သူငယ်ချင်း၊ ဒါမှမဟုတ် ကိုယ့်ရဲ့ စာဖတ်ပရိတ်သတ် (..အဲလိုပြောမိလို့ လိပ်ပြာတော့ မလုံပါဘူး၊ အဲဒီ စာဖတ်ပရိတ်သတ်ဆိုတဲ့ စကားလုံးကို သုံးစွဲရအောင် စာရေးကောင်းသူ ဘလော့ဂါမဟုတ်ပါ၊ လူအထင်ကြီးအောင် ခဏယာယီ ဌားသုံးတယ်လို့ သဘောထားပေးပါနော် :D)၊ ဖြစ်နေမှာစိုးလို့ acceptလုပ်ဖြစ်နေမိတယ်။ နောက်ပြီး ကိုယ့်မေးလ်လိပ်စာ အခုမှ သိလို့ဆက်သွယ်လာတဲ့ ကိုယ့်ရဲ့ အရင်ကတဲက အသိသူငယ်ချင်း ဖြစ်နေရင်လည်း အားနားစရာလို့ တွေးမိတာလည်းပါပါတယ်။

နောက်ပြီး ပထမပိုင်းတုန်းက အခု မေးလ်လိပ်စာ(လသာည.gmail.com) မဟုတ်ပဲ နုနုဆိုတဲ့ မေးလ်လိပ်စာ (လူက မနုပါဘူး၊ နာမည်ကနုတာပါ :P)ကိုလည်း ဘလော့မှာ တင်ဖူးတဲ့အတွက် ဘလော့မိတ်ဆွေ သူငယ်ချင်းတချို့က အဲဒီမေးလ်မှာ ဆက်လက်ရှိနေပါတယ်။ ဒါနဲ့ အဲဒီ နုနုဆိုတဲ့ မေးလ်မှာလည်း လာaddတာ တွေ့တဲ့အခါ အပေါ်ကလို အတွေးမျိုးရှိနေတော့ (ငြင်းရမှာ အားနာတာနဲ့) accept လုပ်ဖြစ်မိသွားတယ်။ အဲလိုနဲ့ပဲ လေး၊ ငါးယောက် အခုတစ်လော acceptလုပ်ဖြစ်ခဲ့တယ်။

ပြောလို့ ပြောရပေမဲ့ ကျွန်မ g-talkအထိ မတက်ဖြစ်ပါဘူး။ g-mailရိုက်ရင်း လာchatတဲ့ သူငယ်ချင်းတချို့နဲ့ပဲ စကားပြောဖြစ်တာများပါတယ်။ ပြီးခဲ့တဲ့ အပတ်ကတော့ အသစ်စက်စက် acceptလုပ်ဖြစ်တဲ့ မောင်ဘို (တကယ်က နာမည်သုံးလုံးပါ၊ နာမည်ကို လွဲပြောထားပါတယ်) ဆိုတဲ့ တစ်ယောက်က အွန်လိုင်း တက်လာပြီးတော့ “အခုဘယ်မှာလဲဟင်”ဆိုတဲ့ စကားက စပြီး နှုတ်ဆက်ပါတယ်။ တခြားသူငယ်ချင်းတစ်ယောက်နဲ့ စကားပြောနေတာမို့ သူ့ကို ချက်ချင်းမပြန်ဖြစ်ခင် အတောအတွင်းမှာပဲ “ စားပြီးပြီလား၊ ကျောင်းသားလား၊ ဘယ်မှာတက်တာလဲ၊ အသက်က....” စသဖြင့် မနားမနေ ချက်ပါတော့တယ်။ chatရင်း checkနေတာနဲ့တူပါရဲ့..။ အစက ဘလော့သူငယ်ချင်းလား၊ အပြင်က အခုမှ မေးလ်လိပ်စာသိလို့ ဆက်သွယ်လာတဲ့ အသိလားလို့ တွေးနေတဲ့ အတွေးက ချက်ချင်းပြယ်သွားပါတယ်။ ဒါနဲ့ “စားပြီးပါပြီ၊ ဒါနဲ့ စိတ်မရှိနဲ့နော် ဒီမေးလ်လိပ်စာ ဘယ်ကရပါသလဲ”လို့ မေးလိုက်တော့ ခဏရပ်သွားပြီး “ဖော်ဝပ်မေးလ်က ရတာပါ တဲ့..” ကဲ.. (*^^*)အဲဒါပဲ. ..တခြားမဟုတ်ဘူး အဲဒါပါပဲ.. :D

တကယ်တော့ သူ့အနေနဲ့ ကြည့်ရတာ အသက်ငယ်ငယ်ပဲ ရှိဦးမှာပါ။ အွန်လိုင်းမှာ သူငယ်ချင်းရှာချင်နေတဲ့ သဘောဖြစ်ပြီး အားရင် သူကထိုင်ချက်နေမယ့်သဘောဖြစ်မှာပါ။ ဒါပေမဲ့ အွန်လိုင်းသူငယ်ချင်းက သိပ်မရှိလို့ အပေါင်းအသင်းရှာတယ်ထင်ပါတယ်။ (နည်းနည်း ဖော့တွေးပေးလိုက်တာပါ)။ ကျွန်မအနေနဲ့က အဲလိုထိုင်ချက်ဖို့ မအားတဲ့အတွက် “တို့က မအားလို့ ပြန်မချက်နိုင်တာ ဆောရီးပါ”လို့ ပြောလိုက်ပါတယ်။ အားနားစရာတော့ ဖြစ်သွားပါတယ်။ ကိုယ့်နာမည်ကို ရွေးလာတဲ့ မိတ်ဆွေကို ရိုးသားစွာ လက်ခံ ကျေးဇူးတင်သော်လည်း ပြန်လည်ပြောဆိုဖို့ အမြဲတမ်းအချိန်မပေးနိုင်လို့ပါ။

သူ့တစ်ယောက်တည်းဆိုရင်တော့ ဒီကိစ္စကို ကျွန်မ ဒီလိုပဲ မေ့မေ့လျော့လျော့ နေဖြစ်သွားမှာ ဖြစ်ပေမဲ့ ဒီတပတ်ထဲတင် အဲလိုပုံစံတူ သုံးယောက်တိတိ တွေ့ခဲ့ပါတယ်။ နှစ်ယောက်က နေရာတောင် ပြောသွားပါတယ်။ မုံရွာက (အင်တာနက်ဆိုင်ကတဲ့)၊ နောက်တစ်ယောက်က သစ်တောကတဲ့။ သုံးယောက်လုံးက ဖြေတဲ့ အဖြေက ဖော်ဝပ်ဒီမေးလ်က ရတယ်လို့ ဖြေပါတယ်။ (အဖြေမှန်မမှန်တော့ ဖြေဆိုသူတွေပဲ သိမယ်ထင်ပါတယ်)။ ရိုးရိုးသားသား ဖြေတယ်လို့ ယူဆမိတဲ့ဘက်က ပြန်တွေးရင် ဖော်ဝပ်ဒီမေးလ်တွေထဲကနေပြီး ပါလာတဲ့ နာမည်တွေကို အကုန် (သို့မဟုတ်) ကျပမ်းရွေးပြီး g-talk အက်တယ်ထင်ပါတယ်။

အဲဒီလိုလူတွေအတွက်ကတော့ မေးလိပ်စာတွေကို ဖော်ဝပ်ဒီမေးလ်ကနေ အများကြီးရနိုင်ပါတယ်။ တချို့ ဖော်ဝပ်မေးတွေဆိုရင် အဆင့်အဆင့်ပေးလာကြတာ ပါလာတဲ့ မေးလိပ်စာအရေအတွက်က လူအယောက် တစ်ရာစာလောက်တောင် မကတတ်ပါဘူး။ တကယ်တော့ အဲဒီကနေတဆင့် ကျွန်မတို့ရဲ့မေးလ်လိပ်စာက နေရာတိုင်းက လူတိုင်းဆီကို ရောက်သွားတော့တာပါ။

တကယ်တော့ ဖော်ဝပ်ဒီမေးနဲ့ ပတ်သက်တာကိုတော့ အရင်က သိပ်မစဉ်းစားခဲ့ပေမဲ့ ရုံးပိုင်းဆိုင်ရာ အကြောင်းကြားစာဆိုရင် privacyကို ထိန်းသိမ်းတဲ့အနေနဲ့ Group-mail သို့မဟုတ် bcc နဲ့ ပို့ရတာပါ။ ဒါဆိုရင် ကိုယ်ပေးပို့လိုသူဆီ အကြောင်းကြားစာရောက်သလို ထိုသူများရဲ့ ကိုယ်ရေးအချက်အလက်လည်း လျို့ဝှက်ပေးရာရောက်ပါတယ်။

ဒါကြောင့် ဖြစ်နိုင်မယ်ဆိုရင် ကျွန်မ နည်းနည်း အကြံပေးချင်တာ ရှိပါတယ်။ အားလုံးရဲ့ privacy မထိအောင် ဖော်ဝပ်ဒီမေးလ်ကိုလည်း bccနဲ့ ပို့ရင် မကောင်းဘူးလားလို့ ဆိုတဲ့ အကြံပါ။ ဒါဆို ဖော်ဝပ်ပို့ပေးသူ သူငယ်ချင်းရဲ့ လိပ်စာကိုရော? အဲဒါကိုလည်း ဖြစ်နိုင်ရင် ဖျက်ပြီးပေးရင်ကောင်းမယ်ထင်တယ်လို့ အခုပို့စ်ရေးရင်း တွေးမိတယ်။ (မှတ်ချက်၊ ။ ဘလော့စာကို ကူးဖော်ပြတဲ့ ဖော်ဝပ်ဒီမေးတွေမှာ ဘလော့စာရေးသူနာမည်ကို ဖျက်ပြီးပို့တာကတော့ မလုပ်ကောင်းတဲ့အတွက် အဲဒါလေးတော့ လေးစားစွာ ထိန်းသိမ်းချန်ထားရမှာပေါ့နော်)

ဖော်ဝပ်ဒီမေးလ်နဲ့ ပတ်သက်တဲ့ နောက်တစ်ခုက ဖော်ဝပ်ဒီမေးလ်မှာ ဒါကို ဖတ်ပြီး ဘယ်နှစ်ယောက်ဝေရင် ဘာဖြစ်မယ်၊ မဝေရင် ဘာဖြစ်မယ်ဆိုတဲ့ ခြိမ်းခြောက်စာတွေ ပါတတ်တယ်လေ.. တခါတလေများ အယောက်၁၀၀ ဝေရင် ဆိုတာတောင် ပါသေးတယ်။ လူတစ်ယောက်ချင်းစီက အယောက်၁၀၀ ဝေနေရင်..ခက်ပြီ။ အဲဒါကို အတိအကျလိုက်နာရရင်တော့ မေးလ်လိပ်စာတွေ ဖောင်းပွလို့ အခုနကလို ပြဿနာရှိနေနိုင်သလို တစ်ရာပြည့်အောင် သူငယ်ချင်းအချင်းအချင်း အပြန်အလှန်ပို့ရင်း မေးလ်သံသရာလည်တော့မှာ ဖြစ်ပါတယ်။ ကျွန်မတော့ အဲဒါမျိုးသိပ်ပြီး ခေါင်းထဲ သိပ်မထည့်တတ်လို့ မလိုက်နာတတ်ပါဘူး။

တခါက ဖော်ဝပ်မေးလ်ပို့နေကျ သူငယ်ချင်းက မေးလာပါတယ်။ “မဲပေးပြီးပြီလား”တဲ့။ “ဘာလဲ”လို့ မသိလို့ မေးလိုက်တော့ သူဖော်ဝပ်ပို့ပေးတဲ့ မေးလ်အကြောင်းပြောတာဖြစ်နေပါတယ်။ (တကယ်တော့ သူကမေ့ပြီး လသာညနာမည်ကို မထည့်လိုက်တဲ့အတွက် လသာညဆီရောက်မလာခဲ့တဲ့ ဖော်ဝပ်မေးပါ)။ သူက တကယ့်ကို မဲပေးဖို့ seriously ပြောလာပါတယ်။ ဘာမဲလဲဆိုတော့ လူတိုင်းလည်း ရဖူးလားတော့ မသိပါဘူး။ မြန်မာနိုင်ငံက သန္တာကျွန်းကို ကမ္ဘာ့အလှပဆုံး စာရင်းဝင်အောင် အွန်လိုင်းကနေ အကြံပြုမဲပေးခိုင်းတာဖြစ်ပါတယ်။

မေးလ်ကိုလည်း မဖတ်ရတော့ အသေးစိတ်မသိတဲ့ ကျွန်မက “ဘာလဲဟ..အဲလိုမျိုး ဘလိုင်းချည်း ဘာလုပ်ပါ ညာလုပ်ပါ အမိန့်ပေးခိုင်းတာမျိုး မကြိုက်ဖူး၊ မလုပ်ဖူး”လို့ ပြန်ပြောဖြစ်ပါတယ်။ အဲဒါက ကျွန်မစိတ်ပါ။ အိမ်မှာ ကိုယ့်ဘာသာ အိမ်အလုပ် ကူလုပ်မလို့ပြင်နေတုန်း ကျွန်မ့အစ်ကိုက “အဲဒါလုပ်”လို့ လာပြောရင် လုပ်လက်စကနေရပ်ပြီး ထွက်သွားတတ်တယ်။ သူများခိုင်းမှ လုပ်တယ်ထင်ခံရမှာစိုးတာလည်း ပါမယ်ထင်ပါတယ်။ ပြီးရင် သီချင်းစောင်းဆိုတတ်သေးတာ “အမိန့်တွေပေးတာ မကျေနပ်ဖူး.....”လို့။ ဆိုးတယ်နော်..

ဒါပေမဲ့ အဲဒီသူငယ်ချင်းကလည်း အာဂသူငယ်ချင်းပါ (:D) သူနဲ့ ဖုန်းချတယ်ဆို အဲဒီဖော်ဝပ်မေးကို ချက်ချင်းပို့ပြီး မေးလ်မှာလည်း ဒီလိုရေးပေးလိုက်တယ်။ “အထဲကစာကိုဖတ်ကြည့်ပါဦး၊ ဖတ်ပြီး မဲပေးမပေးကတော့ သဘောပါ၊ မဲမပေးချင်တောင် ဗဟုသုတရတာပေါ့”တဲ့..။ အဲဒီလိုမျိုး သူက..။ အနားနီးရင် ခေါင်းခေါက်ချင်တယ် (အတင်းလည်း တအားမတုပ်ရဲဘူး။ ကွန်မန့်မှာ လာရန်တွေ့မှာစိုးလို့ ::D )

ဒါပေမဲ့ အဲဒီစာကို ရေးသူရဲ့ ရည်ရွယ်ချက်က တကယ့်ကို ကောင်းပါတယ်။ မြန်မာနိုင်ငံမှာ သဘာဝအလှအပတွေ ရှိနေရဲ့နဲ့ ကမ္ဘာက အသိအမှတ်ပြုအောင် မလုပ်ပေးနိုင်တာကို မချင့်မရဲ့ဖြစ်နေမိလို့ ကိုယ့်နိုင်ငံက ကျွန်းတစ်ခု လှပကြောင်းကို အွန်လိုင်းကနေ မဲပေးဖို့၊ မြန်မာနိုင်ငံအတွင်းက လူအများစုက အွန်လိုင်းသိပ်မသုံးဖြစ်လို့ နိုင်ငံခြားရောက် မြန်မာများအနေနဲ့ ရှိသမျှမေးလ်လိပ်စာနဲ့ မဲပေးကြဖို့ ဆော်သြထားတာ ဖြစ်ပါတယ်။

ဒါနဲ့ ကျွန်မလည်း ကိုယ့်နိုင်ငံဆိုတာကို ဦးတည်ထားတဲ့ ရည်ရွယ်ချက်ကောင်းတဲ့ ဒီ မဲပေးပွဲကို (စိတ်ပါလက်ပါ) လုပ်ဖို့ကြိုးစားပါတယ်။ အဲဒီမှာ စည်းကမ်းကပါလာတယ်။ မဲက ကိုယ့်နိုင်ငံတင် ကွက်ပေးလို့မရဘူး၊ သူများနိုင်ငံက အရာကိုပါ ရောပေးရတယ်။ ကျွန်မက အဲလိုမလုပ်ချင်ဘူး။ ဘယ်နဲ့ကွာ.. သကြားလိုချင်ပါတယ်ဆို ဆပ်ပြာနဲ့တွဲယူမှ ရမယ်လို့ လာပြောနေသလို ခံစားရတယ်။ ဒါပေမဲ့ သူ့စည်းကမ်းဆိုတော့ မတတ်နိုင်ဘူး၊ ကိုယ်ကလည်း ဘယ်လိုပဲဖြစ်ဖြစ် ကိုယ့်နိုင်ငံက သဘာဝရေမြေလှကြောင်း ကမ္ဘာသိစေချင်တော့ (မကျေနပ်ပေမဲ့) သူပြောတဲ့အတိုင်း ကိုယ့်နိုင်ငံကအရာနဲ့ သူများနိုင်ငံကအရာနဲ့ တွဲပေးခဲ့ရတယ်။

အဲတော့ သူများက ဘလိုင်းချည်း အမိန့်လာပေးရင် သိပ်မကြိုက်တတ်တဲ့ကျွန်မက ကျွန်မနဲ့ စိတ်တူသူငယ်ချင်းများကို တောင်းပန်ချင်ပါတယ်။ အခုလို ဖော်ဝပ်ဒီမေးလ်ကို bcc နဲ့ပို့ဖို့ အကြံပြုမိတာကိုလည်း အမိန့်ပေးတယ်လို့ မယူဆပါနဲ့လို့ :P။ တကယ်လို့များ အမိန့်ပေးတယ် ယူဆပြီး မလိုက်နာဘူးလို့ လာပြောရင်တော့ လသာညလည်း (သကြားနဲ့ ဆပ်ပြာ ဥပမာလို) သူငယ်ချင်းပို့ပေးတဲ့ ဖော်ဝပ်ဒီမေးကို ဆက်လိုချင်နေသေးတဲ့အတွက် privacyထိတဲ့ကိစ္စက နောင်ခါလာနောင်ခါဈေး သဘောထားပြီး နေပေးလိုက်ပါ့မယ်။ စိတ်ကြီးကြီးနဲ့ အဆက်အသွယ်တော့ မဖြတ်ပါနဲ့ .. ဖော်ဝပ်ဒီတော့ ဆက်ပို့ပါလို့.. :D

လသာည.. ဖြစ်ပါတယ်။
မှတ်ချက်။ ။ လသာည၏ အမြင်သက်သက်သာဖြစ်ပါတယ်။ ဒီထက်ကောင်းတဲ့ အကြံဥာဏ်များ ရှိရင်လည်း ပေးကြပါလို့...
နောက်တစ်ခုက တကယ်လို့များ လသာညကို မေးလ် add ချင်တယ်ဆိုရင် စီဘောက်မှာ သို့မဟုတ် g-mailနဲ့ “add”ထားကြောင်း အရင်ပို့ပြီးမှ addပါလို့..။ အဲလိုမဟုတ်ရင် add သမျှကို reject လုပ်တော့မှာ ဖြစ်လို့ပါ...

Monday, November 9, 2009

ဘာလို့ ဗိုက်ဆာရတာလဲ

အခုတလော ခဏခဏ ဗိုက်ကဆာတတ်နေတယ်။ စားပြီးလို့ ၃ နာရီလောက်ရှိတော့ တခါ ဆာသလိုလို ဖြစ်လာတယ်။ အော် ၀ိတ်တက်တော့မှာပဲလို့ တွေးရင်းကနေ ထပြီး စားစရာသို့မဟုတ် ကော်ဖီ ထသောက်ဖြစ်နေတယ် :P မြန်မာပြည်က လာခါစက ၄၇ကီလို အခု ၄၉နဲ့ ၅၀ကို ဆင်းလိုက်တက်လိုက်ဖြစ်နေတယ်။

ဒီနေ့တော့ ဘာလို့ ဗိုက်ဆာရသလဲဆိုတဲ့ အူလည်လည်မေးခွန်းကို ကိုယ့်ဘာသာမေးဖြေကြည့်မိတယ်။ ဗိုက်ဆာပါတယ်ဆို ဗိုက်ထဲအစာမရှိလို့ ဗိုက်ဆာတာပေါ့လို့ ဘုကျကျ (ယထာဘုတကျကျ?) တွေးကြည့်မိတယ်။

ဗိုက်ဆာတယ်ဆိုတာ ဗိုက်ထဲမှာ အစာလုံးဝမရှိတော့လို့ ဗိုက်ဆာတာလို့ တွေးကြည့်မိပေမဲ့ တချို့နေမကောင်းတဲ့သူတွေကျတော့ အစာမစားပဲနဲ့ (ဗိုက်ထဲ အစာမရှိတာတောင်) ဗိုက်မဆာကြဘူး။ ဘယ်လောက်အကောင်းစားကျွေးကျွေး မစားချင်ဘူး မစားချင်ဘူးနဲ့ ပြောကြတယ်။ တော်တော်တွေးရခက်တာပဲ...အင်း..... (@@)

မနက်ဖြန်အပြီးတင်ရမယ့် ကျောင်းစာတွေရှိနေရဲ့သားနဲ့ အဲဒီဆာလောင်မှုပြဿနာကိုပဲ ရှာကြံတွေးနေတာ နောက်ဆုံးစိတ်မရှည်တဲ့အဆုံး အနားရှိတဲ့ ဆိုက်ကိုစာအုပ်ကြီးထဲကပဲ ဆာလောင်မှုဆိုတာကို ရှာဖွေလှန်လှောပြီး ဖတ်ဖြစ်ပါတယ်။ တွေ့ပါပြီ။ ဒါပေမဲ့ သူမေဂျာ မဟုတ်တော့ အရှည်ကြီးတော့ ရှင်းမထားဘူး။ အနှစ်ချုပ်ကလေးပါ..။

အဲဒီထဲမှာ ဘယ်လိုရေးထားသလဲဆိုတော့ လူသားတွေ ဆာလောင်မှု (ဆာလောင်တဲ့ ခံစားမှု)ဆိုတာဟာ သွေးထဲမှာ အာဟာရဓါတ်မရှိတော့တဲ့အခါမှာ ခံစားရတာပါတဲ့..။

သွေးထဲမှာ အာဟာရဓါတ်မရှိတော့တဲ့အခါ သူကဦးနှောက်ဌာနကို B မေးလ်နဲ့ သတင်းပို့သတဲ့ (Blood mailလေ :D)။ ဦးနှောက်မှာလည်း ဌာနခွဲတွေက အများကြီးဆိုတော့ အတိအကျ သတင်းမပို့လို့မရဘူး။ မှတ်ဥာဏ်ဌာနခွဲ၊ နှလုံးသားရေးရာ ခံစားမှုဌာနခွဲ၊ ဆာလောင်မှုဗဟို ဌာနခွဲ (hunger center)စသည် များစွာ ရှိတယ်။

သွေးကတော့ B မေးလ်နဲ့ ဆာလောင်မှုဗဟို ဌာနခွဲကို သတင်းပို့တယ် အခု သွေးထဲမှာ လိုအပ်တဲ့ အဟာရတော့ ပြတ်နေပြီ အမြန်အရေးတယူဆောင်ရွက်ပါဆိုပြီးပေါ့...

ဆာလောင်မှုဗဟိုဌာနက ဘာလုပ်သလဲဆိုတော့ အစာအိမ်ကို ထိန်းချုပ်ရတယ်။ စက်ဘီး ဘရိတ်နင်းသလို ဆာလောင်မှုဗဟိုဌာနက အစာအိမ်ရဲ့လည်ပတ်နေတဲ့ စက်ကြီးကို ဘရိတ်အုပ်ပေးတာပေါ့..။ သွေးထဲမှာ အဟာရဓါတ်ရှိနေသ၍ ဆာလောင်မှုဗဟိုဌာနက အစာအိမ်ကို ဘာ pressureမှ မပေးပါဘူး။ အေးအေးဆေးဆေးပါပဲ..။ အဲ.. လိုအပ်တဲ့ အဟာရဓါတ်မရှိတော့ဘူးဆိုရင်တော့ သူက တဆူဆူတပူပူလုပ်ပါတော့တယ်။ ဒါကြောင့်လည်း ဗိုက်ထဲက သံစုံတီးဝိုင်းတွေနဲ့ အရေးဆိုတာကို ကြားရတတ်တာပါ။

ကျွန်မတို့ဆာလောင်တဲ့အခါမှာ သူကဘယ်အစားအစာကိုစားမှရယ်လို့ သတ်မှတ်တောင်းဆိုတာတော့ မဟုတ်ပါဘူး။ အဟာရဖြစ်ရင် ပြီးတာပဲ။ ကြက်ဥကြော် နဲ့ ထမင်းပဲ စားစား၊ ပီဇာကိုပဲ စားစား စားတဲ့အဟာရကတော့ ၀င်သွားတာပါပဲ (ဗိုက်ပြည့်သွားတယ်၊ ဗိုက်ဆာ ပျောက်သွားတယ်)။ ဒါပေမဲ့ အဲဒီလို မြန်မြန်ဗိုက်ပြည့်အောင် ပြီးပြီးရော တစ်ခုထဲချည်းပဲ စားနေရင် ကျန်းမာရေးနဲ့ မညီညွှတ်မှန်းသိတဲ့ ဦးနှောက်ဌာနက ပြန်စည်းကမ်းကျပ်ထားတာ ရှိပါတယ်။ ဘာလဲ ဆိုတော့ စားချင်စိတ် (appetite)ကို အမိန့်ပေး ထိန်းချုပ်ထားတာ ဖြစ်ပါသတဲ့..။

အဲဒီတော့ ပေါင်မုန့်တမျိုးတည်းကို ၅ချပ် စားတာနဲ့ ငါးပိရည်နဲ့အတို့၊ ချဉ်ရည်ဟင်း၊ ကြက်သားကာလသားဟင်း၊ ပြောင်းဖူးကြော် စတာတွေနဲ့ ထမင်းတစ်ပန်းကန်စားရတာ ( appetite) က ဘယ်လိုမှ မတူနိုင်ဘူးလေ။

အဲဒါကြောင့်လည်း စားပြီး ဗိုက်ပြည့်နေရဲ့နဲ့ အာသီသမပြည်ဘူးဆိုတာရှိတာနေမှာ။ ဗိုက်ဆာတာကို တာဝန်ယူတဲ့ဌာနကတစ်ခု၊ စားကောင်းမကောင်း ဆက်စားလိုစိတ် အာသီသကို ထိန်းချုပ်တာက ဌာနတစ်ခု၊ ဌာနက နှစ်ခုဖြစ်နေလို့ ထင်ပါရဲ့..။

ဒါဆို အစာမရှိပဲနဲ့ ဘယ်လောက်ကြာကြာနေနိုင်သလဲ ဆက်တွေးမိပြီး ဆက်ရှာဖတ်ကြည့်တော့။ ဒါလည်း တစ်ဦးနဲ့တစ်ဦး ခံနိုင်ရည်မတူပါဘူး။ နောက်ပြီး လှုပ်လှုပ်ရှားရှားနေတဲ့သူရဲ့ ခန္ဓာကိုယ်က ပရိုတိန်းဓါတ်ကို များများသုံးပစ်လို့ ငြိမ်ငြိမ်နေတဲ့သူထက်စာရင် မြန်မြန်ဆာလွယ်တာလည်း လူတိုင်းအသိလေ။ ကမ္ဘာပေါ်မှာ အစာမစားပဲနဲ့ အကြာဆုံး အဖြစ် စံချိန်တင်နေနိုင်သူ တောင်အာဖရိက အမျိုးသမီးတစ်ယောက်ဆိုရင် အစာလုံးဝမစားပဲ ရေနဲ့ ဆိုဒါရည် သောက်ပြီးနေတာ ၁၀၂ရက်တောင် နေနိုင်တယ်ဆိုပဲ..။ လသာညတော့ နေနိုင်ပါဘူး။ အစာမစားပဲ ၆ နာရီလောက်နေရင်တောင် အစာအိမ်က ကုလားဘုရားပွဲလှည့်သလို့........

ဗိုက်ဆာတာနဲ့ စိတ်ပညာကို ဆက်စပ်ဖတ်ကြည့်တော့ အများအားဖြင့် ဗိုက်ဆာရင် စိတ်တိုတတ်ကြတယ်လို့ ဖော်ပြထားပါတယ်။ ဒါကြောင့် စိတ်မတိုတတ်အောင် ဗိုက်ဆာမခံတာ အကောင်းဆုံးထင်ပါကြောင်း မရဲတရဲ အဖော်ညှိတိုက်တွန်းအပ်ပါတယ်။ သူငယ်ချင်းတစ်ယောက်ကလည်း သူ့ဂျီတော့မှာ ဒီလိုလေးရေးထားတယ်
Please..God...
if you can't make me slim...make my friend fat..!!!!
အားလုံးဗိုက်ဆာရင် စားသာစား လသာည အဖော်ရှိတယ်...:D

မှတ်ချက်။ ။ ခန္ဓာဗေဒကို နားမလည်ပါ။ ဆေးပညာလည်း နားမလည်ပါ။ စဉ်းစားမိသမျှ ရေးမိပါသည်

လသာည.. ဖြစ်ပါတယ်

Saturday, November 7, 2009

ဌက်ဖြူ

ဇွန်လရဲ့ တစ်ခုသော ည ၈ နာရီမှာ ဖြစ်ပါတယ်။ နေလုံးကြီးလည်း ၀င်သွားပြီဆိုတော့ သစ်တောတစ်ခုလုံး အမှောင်ထဲမှာ တိတ်ဆိတ်နေခဲ့တယ်။ ကလေးမလေးဆစ်ဗီးယားတစ်ယောက်ကတော့ သူမရဲ့နွားမလေးနဲ့အတူ မှောင်နေတဲ့ သစ်တောထဲကို ဖြတ်လို့ အိမ်ကို ပြန်လာခဲ့တယ်။

ဆစ်ဗီးယားတို့ တောအုပ်ထဲကဖြတ်လာစဉ် သိပ်မဝေးလှတဲ့တနေရာက အသံတစ်သံကို ကြားလိုက်မိတာမို့. တောလမ်းမှောင်ရိပ်ထဲမှနေပြီး အသံနားစွင့်လိုက်တယ်။
ဒါ.. လူတစ်ယောက်ရဲ့ အသံပဲ..
ဒါနဲ့ ချက်ချင်းဆစ်ဗီးယားဟာ နွားကို နေရာမှာ ခဏထားခဲ့ပြီး ချုံပုတ်နားမှာ ပုန်းမလို့ လုပ်လိုက်တယ်။ ဒါပေမယ့် သူမနောက်ကျသွားတယ်။ တဖက်က သူမကို မြင်သွားပြီဖြစ်ပါတယ်.။

“ မိန်းကလေး လမ်းမကြီးရောက်ဖို့ ဘယ်လောက်လိုသေးလဲကွ”
ဆစ်ဗီးယားက “လမ်းမကြီးရောက်ဖို့ တော်တော်လှမ်းပါသေးတယ်”လို့ တုန်လှုပ်စွာဖြေလိုက်ပါတယ်။

အရပ်ရှည်ရှည်နဲ့ တစိမ်းလူငယ်ကို သူမ မျက်နှာချင်းဆိုင် မကြည့်ရဲခဲ့ဘူး။ ချုံပုတ်နားက ခွာလို့ သူမရဲ့ နွားဆီပြန်လျှောက်လာခဲ့တော့ သူကပါ သူမဘေးက လိုက်ပါလာပါတယ်။ လူငယ်ရဲ့ ပုခုံးပေါ်မှာ သေနတ်တစ်လက်ကို ထမ်းထားတာကို သူမ လမ်းလျှောက်ရင်း သတိထားမိသွားတယ်။

“ငါက ဌက်ပစ်သမားပါ” လို့ သူက ပြုံးရင်း ပြောလာတယ်။ ပြီးတော့ “ ငါ ..လမ်းမှားမျက်စိလည်ပြီး ရောက်လာတာပါ။ ငါ့ကို မကြောက်ပါနဲ့။ ငါ့မှာ လမ်းပြမိတ်ဆွေလိုနေလို့ပါ။ မင်း ငါ့ကို ကူညီနိုင်မလား”

ဆစ်ဗီးယား က ဘာမှပြန်မဖြေခဲ့ပါ။ ဒီတော့ လူငယ်က ဆက်ပြောတယ်.။
“ ငါ မင်းအိမ်မှာ တစ်ညလောက် တည်းလို့ရမလားဟင်”
ထုံးစအတိုင်း ဆစ်ဗီးယားကတော့ ဘာမှ ပြန်မပြောပါ. လူငယ် ဇွဲမလျှော့ပဲ ဆက်မေးလာပါတယ်။ “မင်းနာမည် ဘယ်သူလဲ”တဲ့။
ဆစ်ဗီးယားဟာ ကြောက်သထက် ကြောက်လာတယ်။ နောက်ဆုံးတော့ အားတင်းပြီး ဖြေလိုက်တယ် တိုးတိုးလေး.. “ဆစ်ဗီးယား”သူမ့အဖွားက အိမ်အ၀င်ကနေ ရပ်စောင့်နေခဲ့တယ်။ လူငယ်က သူ့သေနတ်ကို တံခါးဝမှာ ထောင်လိုက်ပြီး လွယ်လာတဲ့ ကျောပိုးအိပ်ကြီးကို လေးပင်စွာချလိုက်တယ်။ ပြီးတော့ အဖွားဘက်လှည့်လို့ မင်္ဂလာညနေခင်းပါ အဖွားလို့ နှုတ်ဆက်ပြီး သူ့အကြောင်းအခုနကလို့ ပြောပြပါတယ်။ ပြီးတော့ တစ်ညတည်းခွင့်ရှိမရှိပါ မေးတယ်။

“တည်းလို့ရပါတယ်”လို့ အဖွားကဖြေလိုက်တယ်။ “မိန်းလမ်းမကြီးကိုတော့ မင်းဘာသာရှာဖွေရင် ပိုကောင်းပါတယ်။ တည်းတာကတော့ လွတ်လွတ်လပ်လပ်တည်းပါ။ ဆစ်ဗီးယား- ဒီလူကြီးမင်းအတွက် စားပွဲတစ်လုံးစီစဉ်ပေးလိုက်ပါ။”

ဆစ်ဗီးယားက သူ့အဖွားပြောတဲ့အတိုင်း လုပ်ပေးလိုက်တယ်။ သူမ့အဖွားက လူငယ်ကို မကြောက်တာကို မြင်တော့ သူမ့ရဲ့ ကြောက်ရွံမှုလည်း လျော့သွားတယ်။အဖွားက ဆက်ပြောတယ်။ “ဆစ်ဗီးယားက ဒီသစ်တောထဲက အသီးအနှံတွေအကြောင်းကို ကောင်းကောင်းသိသလို ကျေးဌက်လေးတွေ၊ တောရိုင်းတိရစ္ဆာန်လေးတွေအကြောင်းလည်း သိတယ်။ ဌက်လေးတွေဆိုရင် သူမဆီပျံလာပြီး သူမလက်ပေါ်အစာလာစားတာ”

“အိုး ဒါဆို ဆစ်ဗီးယားက ဌက်အားလုံးအကြောင်းကို အကုန်သိတယ်ပေါ့ ဟုတ်လား” လို့ အဖွားကို ပြောရင်း သူမဖက်ပါလှည့်လာတယ်။ “ငါက အခု ဌက်မျိုးစုံကို စုဆောင်းတဲ့သူလေ။ ကလေးဘ၀ကတဲက ဌက်စုဆောင်းလာတာကွ”

အဖွားက “ ဌက်ကို လှောင်အိမ်ထဲ ထည့်မွေးတာလားကွဲ့” လို့ မေးတယ်။
“ဟာ မဟုတ်ပါဘူး။ သူတို့ကို ချက်စားတဲ့သူဆီ ရောင်းတာပါ၊ မကုန်ရင် အခြောက်လှမ်းတာလေ။ ပြီးတော့ ကျွန်တော့်အတွက် ဌက်တစ်မျိုးကို တစ်ကောင်နှုန်း ယူထားတယ်။ ပြီးခဲ့တဲ့ စနေနေ့က ဒီနေရာကနေ ၃ မိုင်လောက်ဝေးတဲ့နေရာမှာ ဌက်ဖြူတစ်ကောင်တွေ့တယ်။ ဒါနဲ့ နောက်ကနေ လိုက်သွားတာ လုံးဝကို ပေါ်မလာတော့ဘူး။ ဒီနေရာတ၀ိုက်မှာပဲ ရှိမလားမသိဘူး”

လူငယ်က ပြောရင်း ဆစ်ဗီးယားကိုလည်း လှမ်းကြည့်လိုက်ပါတယ်။ ဒီလို ရှားပါးတဲ့ ဌက်ဖြူဟာ ဆစ်ဗီးယားဆီ မလာတတ်ဘူးလားဆိုသည့် အမေးမျှော်လင့်ချက်နဲ့ပါ။

ဆစ်ဗီးယားကတော့ လူငယ်ပြောတဲ့စကားတွေကို ကြားဟန်မပေါ်ပါဘူး။သူမ.. ရင်တွေ ခုန်ပြီးရင်း ခုန်လာခဲ့တယ်။ သိတယ်လေ အဲဒီဌက်ကို..။ လူငယ်က ဌက်အကြောင်း စကားတွေ ဆက်ပြောနေပေမဲ့ သူမကတော့ စိတ်ဝင်စားဟန် မပြဖြစ်တော့ပါဘူး။ သူမဘာသာ အတွေးထဲ နှစ်မြောနေသလိုပါပဲ..။

နောက်တနေ့ရောက်တော့ လူငယ်ဟာ တောအုပ်ကိုသွားပါတယ်။ ဆစ်ဗီးယားက သူ့ဘေးမှာ အတူလိုက်ပါလာခဲ့တယ်။ ဒီနေ့တော့ သူမကို ကြည့်ရတာ လုံးဝကြောက်ရွံပုံ မပေါ်တော့တဲ့အပြင် ဂရုစိုက်ကြင်နာတတ်သူလေး ဖြစ်နေပါတယ်။ သေနတ်တာမပါရင် ဒီထက်ပိုပြီး လူငယ်ကို ခင်ဖြစ်မယ့်ထင်ပါတယ်။ တစ်ခုတော့ သူမနားမလည်ပါဘူး။ သူဟာ ဌက်ကလေးတွေကို ချစ်တတ်ပုံရပြီး ဘာကြောင့်များ ဌက်ကလေးတွေ သေနတ်နဲ့ ပစ်ခတ်ဖမ်းရသလဲဆိုတာ.. သူမစဉ်းစားလို့ မရတော့ပါ။ နေမြင့်လာသည်နှင့်အမျှ သူမ လူငယ်ကိုသဘောကျလာခဲ့တယ်။ သူဟာ တကယ့်ကိုကြင်နာပြီး သဘောကောင်းမယ့် လူကောင်းတစ်ဦးဖြစ်နေတာကို တွေ့ရလို့ပါ။

ရှာနေတဲ့ ဌက်ဖြူအတွက်တော့ သူမစိတ်မကောင်းဖြစ်မိတယ်။ လမ်းခရီးကို လူငယ်က ဦးဆောင်သူဖြစ်ပြီး သူမကတော့ နောက်ကလိုက်ပေးခဲ့တယ်။ ညနေခင်းကို ရောက်တဲ့အထိ ဌက်ဖြူကို မတွေ့တော့ နွားကို ဆွဲလို့ သူတို့နှစ်ယောက်အိမ်ကို အတူတူ ပြန်လာခဲ့ကြတယ်။ လူငယ်က သူမတို့အိမ်မှာ တစ်ညထပ်တည်းဖို့ ဆုံးဖြတ်လိုက်ပါတယ်။

ဆစ်ဗီးယားတို့ရဲ့ အိမ်ကနေမိုင်ဝက်လောက်၊ ဒီဒေသရဲ့ အမြင့်ဆုံးတစ်နေရာ၊ သစ်တောအုပ်ရဲ့ အစွန်မှာ အလွန် ကြီးမားတဲ့ ထင်းရှုးပင်ကြီးတစ်ပင်ရှိပါတယ်။ သူမ အဲဒီ ထင်ရှုးပင်ကြီးအကြောင်းကို စိတ်လှုပ်ရှားစွာ တွေးနေမိတယ်။ တကယ်လို့ အာရုဏ်တက်မှာ အဲဒီသစ်ပင်ပေါ်တက်ပြီးကြည့်ရင် သူမအိမ်ရှိရာ နေရာတ၀ိုက်ကို အထက်စီးကနေမြင်ရတယ်။ ဒါဆိုရင် ဌက်ဖြူကိုလည်း သူမအလွယ်တကူရှာတွေ့နိုင်မယ်။ သူမရဲ့ မိတ်ဆွေသစ်ရဲ့ ပြောစကားအရ ဌက်ဖြူဟာ အာရုဏ်ဦးမှာ အသိုက်ကနေ စောစောထွက်သွားတတ်တယ်လို့ ပြောတာပဲ။ ဌက်ဖြူရှာပုံတော်က ဘယ်လောက် စိတ်လှုပ်ရှားစရာ စွန့်စားခန်းဖြစ်နေမလဲ..

နောက်တနေ့ မနက်အစောကြီး နေမထွက်ခင် ဆစ်ဗီးယားဟာ အိမ်ကနေ တစ်ယောက်တည်း တိတ်တဆိတ်ထွက်ခဲ့တယ်။ ပြီးတော့ ထင်းရှုးပင်ကြီးနားရောက်တော့ ၀က်သစ်ချပင်ပေါ်ကတဆင့် ထင်းရှုးပင်ပေါ်တက်ဖို့ဆုံးဖြတ်လိုက်တယ်။ ၀က်သစ်ချပင်ရဲ့ အကိုင်းတွေက ထင်ရှုးပင်အကိုင်းနဲ့ ထိနေတာကို သူမတွေ့ထားလို့ပါ။ ထင်ရှုးပင်ကို ခက်ခက်ခဲခဲ အမြင့်ကြီးထိ တက်ခဲ့တယ်။ အကိုင်းတိုတိုတွေက သူမအင်္ကျီနဲ့ ဆံပင်တွေကို ခဏခဏညိုနေလို့ ဖြုတ်နေရသေးတယ်။

နောက်ဆုံး အမြင့်ဆုံးအကိုင်းပေါ် သူမရောက်တော့ သူမတော်တော်အားလျော့နေပါပြီ။ သစ်ကိုင်းကို ခွလို့ မတ်တပ်ရပ်ရင်း ပင်လယ်ဘက်ကို ငေးမိတယ်။ ဟုတ်တယ်..သစ်တောရဲ့တဖက်မှာ ပင်လယ်ကို လှမ်းမြင်နေရတယ်။ ပင်လယ်ထဲမှာ ထွက်ပေါ်စ နေမင်းကြီးရဲ့ အာရုဏ်ဦး အလင်းရောင်ပြန်ကို တွေ့နေရတယ်။ ပင်လယ်ကတဆင့် တောအုပ်တန်းကြီးတစ်ခုလုံး နောက် အခုသူမတို့နေတဲ့ နေရာလေးအထိ အကုန်လုံးကို အပေါ်စီးကနေ မြင်နေရတယ်။တဖြည်းဖြည်းနဲ့ နေမင်းကြီးက နေရောင်ခြည်အပြည့်အ၀နဲ့တောက်ပစွာ ထွက်ပေါ်လာပါတယ်။ အင်း ဌက်ဖြူရဲ့ အသိုက်က ဘယ်မှာပါလိမ့်..။ သူမ ဂရုတစိုက်သေချာရှာကြည့်လိုက်တော့ နောက်ဆုံးမှာ အဖြူရောင် အစက်အပြောက်ကလေးတစ်ခုကို သွားတွေ့တယ်။ အဖြူစက်ကလေးဟာ မြင့်တက်လာပြီး တဖြည်းဖြည်း သူမနဲ့ နီးလာတယ်။ ပြီးတော့ အဲဒီအရာဟာ ထင်းရှုးပင်ကို ဖြတ်သန်းသွားတယ်။ ရုတ်ချင်းဆိုသလိုပဲ ဌက်ဖြူဟာ သူမတို့ အိမ်ဖက်ဆီကို ပျံသန်းသွားတာကို တွေ့လိုက်ရတယ်။ အခုအချိန်မှာတော့ ဌက်ဖြူရဲ့ လှိူဝှက်ချက်ကို သူမသိလိုက်ပါပြီ။ သူမကျေနပ်စွာ သစ်ပင်အောက်ကိုဆင်းခဲ့တယ်။

သူမအိမ်ပြန်ရောက်တော့ တံခါးဝမှာ အဖွားနဲ့ လူငယ်က “ဘယ်ကိုသွားနေသလဲလို့”မေးလို့ စိတ်ပူစွာ စောင့်နေကြတယ်။ လူငယ်က သူမကို ခင်မင်ဖွယ် ကြင်နာတဲ့ အကြည့်နဲ့ စကားတွေ လာပြောတယ်။ ဒါပေမဲ့ သူမကတော့ ဘာမှ ပြန်မပြောဖြစ်ခဲ့ပါဘူး။

ဟုတ်တယ်။ သူမ တိတ်တိတ်နေမှ ဖြစ်မယ်။ ထင်ရှုးပင်ရဲ့ ကိုင်းစိမ်းစိမ်းတွေကြားထဲကနေ သူမအသံတစ်သံကို အခုထိ ကြားယောင်နေတယ်။ နေရောင်အောက်က ဌက်ဖြူက ရွှေရောင်အလင်းတန်းကို ဖြန့်လို့ သူမဆီကို ဘယ်လို ပျံသန်းလာခဲ့တာ၊ နောက်ပြီး သူတို့ အတူတူ ပင်လယ်ကို လှမ်းကြည့်ရင်း နေထွက်တာကို အတူတူကြည့်ခဲ့တာ စတဲ့ သူမနဲ့ ဌက်ဖြူရဲ့ လျိုဝှက်ချက်ကို သူမတသက် ဘယ်သူ့ကိုမှ ပြောဖြစ်တော့မယ် မဟုတ်ပါ။ သူမတသက်စာ ထိန်းသိမ်းသွားတော့မယ် .။

အဲဒီနေ့ ညနေစောင်းမှာပဲ ဧည့်သည်လူငယ်ဟာ စိတ်ပျက်လက်ပျက် ပြန်သွားပါတယ်။ ထွက်ခွာသွားတဲ့ ထိုလူငယ်တစ်ယောက် မြင်ကွင်းက ပျောက်သွားတဲ့အထိ လက်ပြနှုတ်ဆက်နေမိတယ်။ မျက်ရည်တွေက ပါးနှစ်ဖက်မှာ တလိမ့်လိမ့်စီးကျသွားတယ်။ ဒီခွဲခွာခြင်းဟာ သူမဘ၀မှာ ၀မ်းအနည်းဆုံးဖြစ် ကျန်ရစ်တော့မှာပါ။ ထိုလူငယ်ကို ခင်တွယ်မိတဲ့ သူမရဲ့ သံဃောဇဉ်ကို သူမအသိဆုံးပါ။ ဒါပေမဲ့ ဒီတောအုပ်ထဲက တောရိုင်းဌက်ငယ်လေးတွေကို သူမမြတ်နိုးတာလောက်တော့ မမှီနိုင်ပါ။ သူမရှိနေသ၍ သူမဌက်ကလေးတွေ ဘယ်တစ်ကောင်ကိုမှ အနာတရမဖြစ်စေချင်ပါ။

ဘာသာပြန်သူ လသာည.. ဖြစ်ပါတယ်

မူရင်း- A white Heron ( English Reading 1, Lesson 5, Grade -10 Textbook, Japan)