ဟာနမိ-ချယ်ရီ

မနေ့က ချယ်ရီတွေ မကြွေခင် ပန်းကြည့်ဖြစ်ခဲ့ပါတယ်။ ရုံးပိတ်ရက်၊ ကျောင်းပိတ်ရက်ဖြစ်လို့ ပန်းကြည့်လာသူတွေ များတာကြောင့် ပန်းခြံထဲဝင်ပြီး ပန်းကြည့်ရဖို့အတွက် ကားတန်းရှည်ကြီးနဲ့ ကားပေါ်မှာ တစ်နာရီလောက်ရပ်စောင့်ခဲ့ရတယ်။ ပန်းတွေကလည်း တကယ်လည်း လှတာမို့ စောင့်ရကျိုးနပ်တယ် ပြောရပါမယ်။ အမှတ်တရ..ပါပဲ..။
ဂျပန်လူမျိုးတွေက ဆာကုရလို့ ခေါ်တဲ့ ချယ်ရီ.ပန်းဟာ Heian Period (794–1191)မှာ တရုတ်ပြည်ကနေပြီးယူလာစိုက်ပျိုးခဲ့တဲ့ပန်းဖြစ်ပါတယ်။လှပတဲ့ပန်းမို့ တော်ဝင်ပန်းလိုမျိုး ဘုရင်နန်းတော်ထဲမှာ စိုက်ပျိုးထားခဲ့ပြီး ဆာကုရပွင့်ချိန်တိုင်းမှာ ဘုရင်က ဆာကုရပန်းလေးတွေကို ကြည့်ဖို့ ထွက်ပါတယ်။ ဒီအချိန်မှာ စာဆိုတော်တွေ၊ ပန်းချီဆရာတွေက ဆာကုရအကြောင်းကို ဖွဲ့နွဲ့ရေးချယ်ပြီး ဘုရင်ကို တင်ဆက်ရအောင် မြင့်မြတ်တဲ့ နန်းဆန်တဲ့ ပန်းလေးလည်း ဖြစ်ခဲ့တယ်။နောက်ပိုင်း အရပ်ထဲမှာပါ အလေးအမြတ်ထား တယုတယ စိုက်ပျိုးလာခဲ့ကြပြီး နေရာအနှံမှာ ဆာကုရပန်းကြည့်ပွဲ (hanami) ကို ပြုလုပ်လာခဲ့ကြပါတယ်။ဆာကုရပန်းဟာ ဂျပန်နိုင်ငံမှာ တချိန်တည်းပွင့်တာတော့ မဟုတ်ပါဘူး။ ဂျပန်နိုင်ငံတောင်ဖျား အိုကီနာဝါမှာ Januaryမှာ စတင်ပွင့်ပြီး တဖြည်းဖြည်း ကျိုတို၊ နောက် တိုကျိုစသည်ဖြင့် တရွှေရွေ့ ပွင့်သွားတာဖြစ်ပါတယ်.။
တိုကျိုမှာ March လကုန် April လဆန်းမှာ အပြီးပွင်ပြီး တဖြေးဖြေး ဂျပန်နိုင်ငံ မြောက်ဖျားကို ပွင့်သွားပါလိုက်တာ မြောက်ဖျားပိုင်း Hokkaido ကတော့ ဧပြီလ အကုန်ကျလောက်ကို ရောက်သွားပါတယ်။ ပန်းပွင့်ချိန်ဆိုရင် ဂျပန်သတင်းဌာနတွေက မိုးလေ၀သသတင်းနဲ့အတူ ပန်းသတင်းကို ကြေငြာလေ့ ရှိပါတယ်။

ကျွန်မ လက်ရှိနေတဲ့ အိုခရာမမှာတော့ ပြီးခဲ့တဲ့တပတ်အတွင်း ပွင့်သွားပြီး ဒီနေ့မနက်စောစောရွာတဲ့ မိုးနဲ့အတူ ကြွေကျသွားတာကို စိတ်မကောင်းစွာ တွေ့ရပါတယ်။ ဒီလို “ခဏလေးပွင်ပြီး ခဏလေး ကြွေကျသွားတဲ့ပန်း”လေးဖြစ်လို့ “တိုတောင်းတဲ့ လူ့ဘ၀”နဲ့ နှိုင်းယှဉ်ပြီး သံဝေင်္ဂယူကြတယ်လို့ ဆိုပါတယ်။ ဒါပေမယ့် ပွင့်ချိန်တော့ သူတို့တာဝန်ကို သူတို့ယူနေသလို အစွမ်းကုန်လှပစွာ ပွင့်ကြတယ်။ လူတွေဟာလည်း တိုတောင်းတဲ့ ဘ၀လေးကို ကိုယ့်တာဝန်ကိုယ်ယူပြီး ပျော်ရွင်စွာ အချိန်ကုန်သင့်တယ်လို့ ဘာသာရေးစာအုပ်တွေမှာ ဆာကုရပန်းနဲ့ နှိုင်းယှဉ် ဆုံးမကြတယ်လို့ ဆိုပါတယ်။
စစ်အတွင်းကဆို ချယ်ရီပန်းဟာ ဂျပန်လူမျိုးတွေရဲ့ မျိုးချစ်စိတ်ကို လှုံဆော်ပေးတဲ့အရာတစ်ခုဖြစ်ခဲ့တယ်။ စစ်ထဲကို ၀င်ရောက်ဖို့ ဂျပန်လူမျိုးရေးစိတ်ကို လှုံ့ဆော်တိုင်း ချယ်ရီဟာ ဂျပန်လူမျိုးကို ကိုယ်စားပြုတဲ့ပန်းအဖြစ် လှုံဆော်ခဲ့ကြတယ်။ ဒီနှစ်ချယ်ရီပွင့်သလို နောက်နှစ်ချယ်ရီလှပစွာပွင့်နိုင်နေသ၍ ဂျပန်ဟာ အဓွန်ရှည်မယ်လို့ ယုံကြည်တယ်။ ချယ်ရီလှလှပပပွင့်တာဟာ ဂျပန်တွေ တိုးတက်ဖို့ လက္ခဏာ၊ လှပစွာ မပွင့်နိုင်တာဟာ ဆုတ်ယုတ်တဲ့လက္ခဏာဖြစ်တယ် စသည်ဖြင့် ဂျပန်နဲ့ ချယ်ရီ တထပ်တည်းဖြစ်အောင် ချစ်ခဲ့ကြတယ်လို့ ဆိုတယ်။နောက်ပြီး ချယ်ရီပန်းကို ဂျပန်လူမျိုးတွေက အရမ်းနှစ်သက်တန်ဖိုးထားရတဲ့ နောက်တချက်ကတော့ ဆာကုရပွင့်ချိန်မှာ မိသားစုလိုက် ချယ်ရီပန်းတွေအောက်မှာ အနားယူလို့ စိတ်ဓါတ်ခွန်အားကို ရယူနိုင်လို့ လို့ ဆိုပါတယ်။ ဆာကုရပွင့်ပြီးချိန်ဟာ ကျောင်းသားတွေဆို စာသင်နှစ်အသစ်ကို စတင်ရတော့မယ်။ အလုပ်သမားတွေ၊ ရုံးဝန်ထမ်းတွေကလည်း နေရာအကူးအပြောင်းတွေနဲ့ အလုပ်တွေရှုပ်တော့မယ်။ ဒီလိုနဲ့ တစ်နှစ်စာ အလုပ်တွေအတွက် ချယ်ရီပန်းကနေ အားသစ်ယူတယ်လို့ ဆိုပါတယ်။ ချယ်ရီပန်းရဲ့အထိမ်းအမှတ်အနေနဲ့ ဂျပန်ပိုက်ဆံ ယမ်းတစ်ရာစေ့မှာ ချယ်ရီပန်းပုံတင်ထားပါတယ်။
ချယ်ရီပန်းဟာ အလှသက်သက်တင်မဟုတ်ပါဘူး။ သူ့ရဲ့ အရွက်နဲ့ ပွင့်ဖတ်တွေဟာလည်း အသုံးဝင်ပါတယ်။ အရွက်ကို မုန့်ဖက်ထုပ်လိုမျိုး ထုပ်ပြီး( sakuramochi) စားကြသလို၊ အပွင့်ကို ဆားနဲ့အချဉ်ထည်ပြီး စားကြတယ်။ ဘီစကစ်ထဲမှာ အနံ့ထည့်ဖို့ သုံးကြပါတယ်။ နောက်ပြီး Oshima လို့ခေါ်တဲ့ ချယ်ရီပန်းရဲ့ ပွင့်ဖတ်တွေဟာပို နှုးညံ့လို့ လက်ဖက်ခြောက်လိုမျိုး အခြောက်ခံပြီး မင်္ဂလာပွဲတွေမှာ ရေနွေးကြမ်းလိုမျိုးသောက်တတ်ကြတယ်။ ဒါပေမယ့် ချယ်ရီကို အများကြီးမစားမိ၊ မသောက်သင့်ဖူးလို့ သတိပေးထားတာလည်း တွေ့ရပါတယ်။


ဂျပန်သတိုးသားနဲ့ သတိုးသမီးကလည်း ချယ်ရီပန်းကြည့်ရင်း.
သူတို့လေးတွေကလည်း အားကျမခံပေါ့...း)ကျွန်မလည်း အားကျမခံ ဘလော့ဂါ ညီမလေးတစ်ယောက်အတူ.... ;))

ဒါကတော့ အိုခရာမ မောင်နှမများနှင့် ဂျပန်မိတ်ဆွေ အာစမိ စံ..တို့နဲ့အတူ ပါ။

ချယ်ရီတွေကို ကြည့်လို့ ချယ်ရီအကြောင်းကို ရေးချနေရင်းက ကျွန်မ မြန်မာပြည်က ပိတောက်ကို အရမ်းကို လွမ်းနေမိပါတယ်..။ အခုလောက်ဆို မြန်မာပြည်မှာ သင်္ကြန်သီချင်းတွေနဲ့အတူ ပိတောက်နံတွေ သင်းနေရောပေါ့..။ အခြေအနေအရ မြန်မာပြည်ရဲ့အဝေးမှာ ရောက်နေတဲ့ ကျွန်မအတွက် တစ်ပတ်ခံတဲ့ ပန်းချယ်ရီထက် တစ်ရက်ခံပန်း ပိတောက်ကိုသာ ပိုမြတ်နိုးလို ပိုလွမ်းမိတာ မဆန်းတော့မဆန်းပါဘူးနော်..။

လသာည..