ရင်ခုန်သံနဲ့ အနီးဆုံး နေရာ

အမေ့ရင်ခွင်ဟာ နွေးထွေးသလောက် ငြိမ်းချမ်းစေပါတယ်။ ဒေါသတွေ၊ သောကတွေ ငြိမ်းစေတဲ့ နေရာတစ်ခုပါ။ ဘာကြောင့် အမေ့ရင်ခွင်ဟာ ငြိမ်းချမ်းစေရသလဲ.. ။

ဒီနေ့ စာအုပ်တစ်အုပ်ကို ဖတ်ရင်း အကြောင်းရင်းကို ကျွန်မသိသွားခဲ့ပါတယ်။ ကျွန်မ ဘယ်တုန်းကမှ မတွေးမိတဲ့ အရာပါ။ အဲဒါနဲ့ ပတ်သက်ပြီး ပထမဆုံး သုတေသနတစ်ခု အကြောင်းကို ပြောပြဖို့ ဖြစ်လာပါတယ်။

ကြံကြံဖန်ဖန် လုပ်တဲ့ သုတေသနကတော့ ကလေးမိခင်တွေဟာ ကလေးငယ်တွေကို ဘယ်လိုချီပွေ့သလဲ စာရင်းကောက်တဲ့ သုတေသနပါပဲ.။ မိခင်ဟာ ကလေးတွေကို ချီပွေ့တဲ့နေရာမှာ ညာဖက်ကနေ ချီပွေ့သလား၊ ဘယ်ဘက်ကနေ ချီပွေ့သလား စသည်ကို လေ့လာခဲ့ပါတယ်.. လုပ်တာက အမေရိကားမှာ လုပ်ခဲ့တာပါ။

ပုံမှန် စဉ်းစားလိုက်ရင်တော့ ညာသန်တဲ့ မိခင်က ညာဖက်ကနေ ပွေ့ပိုက်မယ်၊ ဘယ်သန်တဲ့ မိခင်က ဘယ်ဘက်ကနေ ပွေ့ပိုက်မယ် ဒါပဲပေါ့..။ ဒါပေမဲ့ သုတေသန တွေ့ရှိချက်က နည်းနည်းကွဲသွားတယ်။ မိခင်အများစုဟာ ကလေးကို ဘယ်ဖက် လက်မောင်းဘက်ကနေ ပွေ့ပိုက်ကြတယ်ဆိုတာပါပဲ..။ အတိအကျပြောရရင် ညာသန်မိခင်တွေ ရဲ့ ၈၃ ရာခိုင်နှုန်းနဲ့ ဘယ်သန် မိခင်တွေရဲ့ ၇၈ ရာခိုင်နှုန်းဟာ ကလေးကို ဘယ်ဖက်ကနေ ပွေ့ပိုက်ကြတယ်။ ဘယ်သန်မိခင်တွေရဲ့ ၂၀ ရာခိုင်နှုန်းသာ ကလေးကို ဘယ်ညာ ပွေ့ပိုက်တယ်လို့ ဆိုပါတယ်။ သုတေသီက မိခင်တွေကို “ဘာကြောင့် အဲဒီဘက်ကနေ ပွေ့ကြသလဲ”ဆိုတာကို မေးမြန်းကြည့်တော့ သူတို့ ကိုယ်တိုင်တောင် သတိမထားမိပဲ အလိုလို ပွေ့ပိုက်နေမိတာပါလို့ ဖြေဆိုခဲ့ကြတယ်။

ဒီလိုဆိုတော့ စဉ်းစားစရာဖြစ်လာတာက ဘာကြောင့်များ မိခင်တွေဟာ ကလေးကို ဘယ်ဖက် လက်မောင်းဘက်ကနေ ပွေ့ပိုက်ကြသလဲ ဆိုတာပါပဲ..။ အနီးစပ်ဆုံး ပေးစရာ သဲလွန်စရှိပါတယ်။

အဲဒါကတော့ အဲဒီနေရာမှာ မိခင်ရဲ့ဘယ်ဖက်ရင်အုံဖက်က နှလုံးသား ရှိနေလို့ ဖြစ်ပြီး မိခင့်နှလုံးသားရဲ့ “ဒိတ်ဒိတ်ဒိတ်ဒိတ်”လို့ စည်းချက်မှန် ခုန်နေသံကြောင့် ဖြစ်တယ်လို့ ဆိုပါတယ်။ နောက်ပြီး မိခင်တိုင်းဟာ မိမိကလေးငယ်ကို ညာဖက်ကပဲ ပွေ့ပွေ့၊ ဘယ်ဖက်ကပဲ ပွေ့ပွေ့၊ ဘယ်လိုပဲ ချီပွေ့ပွေ့ နှလုံးခုန်သံနဲ့ အနီးဆုံးမှာ ထိကပ်ပွေ့ကြတာကို တွေ့ရတယ်လို့ ဆိုပါတယ်။ အဲလိုနည်းနဲ့ ကလေးငယ်ဟာ မိခင်ရင်ခွင်မှာ တွယ်မှီရင်း မိခင်ရဲ့နှလုံးခုန်သံကို နားထောင်လို့ မိခင်ဆီမှ ချစ်ခြင်းမေတ္တာကို ခံစား၊ လုံခြုံမှုကို ခံစားရပြီး လောကပင်လယ်ကို စတင်ကူးခတ်ဖို့ သတ္တိမွေးရတာ ဖြစ်နိုင်တယ်လို့ ဆိုပါတယ်။

အစောပိုင်းကာလမှာ ဒီယူဆချက်ဟာ သိပ္ပံနည်းကျ မဟုတ်တဲ့အတွက် ကြားရသူတွေက သိပ်မယုံခဲ့ကြပါဘူး။ ဒါနဲ့ စိတ်ပညာရှင်တစ်ချို့က သုတေသန ထပ်လုပ်ပါတယ်။ အဲဒါကတော့ ဆေးရုံမှာ မွေးလာတဲ့ ကလေးတွေကို အုပ်စု နှစ်စု ဖွဲ့ပြီး တစ်စုကို မွေးစကတဲက နှလုံးခုန်သံအတုတစ်ခုကို နားထောင်ပေးစေပြီး တစ်ဖွဲ့ကိုတော့ ဒီအတိုင်းပဲ ထားတာဖြစ်ပါတယ်။ နှလုံးခုန်ချိန်က တစ်မိနစ်ကို ၇၂ ကြိမ် ခုန်တဲ့ နှလုံးခုန်သံ...။ (ကျန်တဲ့ အစာ စသည်အားလုံးကို တန်းတူပေးပါတယ်)

သုတေသန ရလာဒ်ကတော့ နှလုံးခုန်သံကို နားထောင်ရတဲ့ ကလေးတွေဟာ နှလုံးခုန်သံကို နားမထောင်ရတဲ့ ကလေးတွေထက် ပိုသန်မာ ကြီးထွားကြတယ်..။ နှလုံးခုန်သံ မရတဲ့ ကလေးတွေကတော့ ရတဲ့ ကလေးတွေထက် ဖွံဖြိုးမှု အားနည်းတယ်။ စိတ်တိုစိတ်ဆတ်ပြီး ငိုကြောရှည်တတ်တာကို တွေ့ရတယ်လို့ ဆိုပါတယ်။ မွေးစကတဲက နှလုံးခုန်သံကို ပေးနားထောင်တဲ့ ကလေးများဟာလည်း ကြားနေကျ နှလုံးခုန်သံ မကြားရရင် (နှလုံးခုန်သံ အတုလုပ်စက် ကို မဖွင့်ရင်) ငိုတတ်တယ်ဆိုတာပါပဲ..။

နောက်ထပ် စမ်းသပ်ချက်တစ်ခုကတော့ နည်းနည်းလေး အသက်ကြီးလာတဲ့ ကလေးငယ်တွေကို စမ်းသပ်တာပါ။ အိပ်ရာဝင်ချိန်မှာ အုပ်စုတစ်စုကို တိတ်ဆိတ်တဲ့ အခန်းထဲမှာ သိပ်ပေးတယ်။ နောက်အုပ်စုကိုတော့ နှလုံးခုန်သံ စည်းချက်လိုမျိုး ဖန်ဆင်းထားတဲ့ နာရီသံပတ်သံကို မြည်ပေးထားတယ်။ တစ်မိနစ်ကို ၇၂ ကြိမ်မြည်တဲ့ အသံမျိုးနဲ့လေ.. အဲဒီမှာ နှလုံးခုန်သံ ကြားရတဲ့ အခန်းက ကလေးငယ်တွေဟာ ပိုပြီး လျင်လျင်မြန်မြန် အိပ်မောကျသွားတာကို တွေ့ရပါတယ်။ ဒါဟာ မိခင်ရဲ့ နှလုံးခုန်သံဟာ ကလေးငယ်ကို စိတ်အေးချမ်းအောင် တမျိုးပြောရရင် စိတ်လုံခြုံအောင် လုပ်ပေးနိုင်တဲ့ အစွမ်းသတ္တိတွေပေးတယ်ဆိုတာကို သက်သေပြလိုက်တာပါပဲ..

ဒါကြောင့် အမေ့ရဲ့ နွေးထွေးတဲ့ နှလုံးခုန်သံဟာ ကလေးငယ်ကို စိတ်လုံခြုံမှုပေးတဲ့အရာ၊ မေတ္တာ ရေလျဉ်စီးဆင်းရာ ဗဟိုပဲ ဆိုတာ ဘယ်သူမှ ငြင်းလို့ မရတော့ပါဘူး.။

( ကျွန်မ ဒီပိုစ်ကိုရေးရင်း မေမေ့ကို အရမ်းလွမ်းမိသွားပါတယ် (..")
photos from www.spraguephoto.com and artfiles.art.com ဒီနေရာမှ ယူပါတယ်
လသာည.. ပါ။