မုန်လာဥနီ အရှူပ်တော်ပုံ

ကို ရွှေယုန် ဟာ လူတော်ဖြစ်တယ်။ အမဲသားလှောင်တဲ့ ကုန်ရုံမှာ အလုပ်လုပ်တာပေါ့.။ သူ့ရာထူးက ဒုမန်နေဂျာပါ။ တာဝန်ကျေပွန်တဲ့အတွက် ရာထူးတိုးပေးဖို့ ဆုံးဖြတ်ကြတယ်။

အဲဒီအချိန်မှာ မုံလာဥနီဂိုထောင်မှာ မန်နေဂျာကြီး ရာထူးတစ်နေရာ လစ်လပ်နေတယ်။ ဒီတော့ ကိုရွှေယုန်ကို မန်နေဂျာကြီး အဖြစ် တိုးတက်ခန့်အပ်ပေးလိုက်တယ်။ အဲဒီတော့ ကိုရွှေယုန်ဟာ အပြင်းအထန် ငြင်းတယ်။

ခန့်အပ်သူက..

“ဘာဖြစ်လို့လဲ ကိုရွေယုန်ရယ် ရာထူးကို မကြိုက်လို့လား” လို့ မေးတယ်။

ကိုရွှေယုန်က “မဟုတ်ရပါဘူးခင်ဗျာ ကျွန်တော်က နားရွက်ထောင်ထောင်နဲ့ ယုန်၊ အုပ်ချုပ်ရမှာက မုံလာဥနီ ဂိုထောင်ဆိုတော့ စားမိမှာ စိုးလို့ပါ” လို့ ဖြေတယ်။

ဒီတော့ ခန့်အပ်သူက “အင်း ခက်တာပဲ၊ တို့ကလည်း မင်းတော်ကြောင်း အထက်ကို စာတွေတင်ပြီးပြီ။ အထက်ကလာတဲ့ အမိန့်ကို ဖျက်လို့မရဘူး။ ဒီတော့ မင်းက မစားမိအောင် သွားတွေကို စေ့ထားပေါ့” လို့ ပြောတယ်။

ဒီတော့ ကိုရွှေယုန်လည်း ပါးစပ်ကို စေ့ပြီး လုပ်ခွင်ကို ၀င်တယ်။ တစ်ရက်၊ နှစ်ရက်၊ သုံးရက်။ စိတ်ထိန်းထားလို့ ရသေးတယ်။ နောက်ရက်တွေမှာတော့ စိတ်မထိန်းနိုင်တော့လို့ မုံလာဥနီအုပ်ချုပ်ရေးအဖွဲ့ချူပ်ကို ကိုရွှေယုန်က သွားပြီးပြောတယ်.

“ကျွန်တော် ဘယ်လိုမှ စိတ်မထိန်းနိုင်တော့ဘူးဗျာ၊ ရာဇ၀တ်မှု ကျူးလွန်မိပါလိမ့်မယ်။ စီမံပေးကြပါဦး”  လို့ မျက်ရည်စက်လက်နဲ့ အသနားခံတယ်။ အုပ်ချူပ်သူ လူကြီးများက “ အင်း ဒီလိုဆို ကျူပ်တို့စီမံပေးမယ် မပူနဲ့” ဆိုပြီး သူ့နှုတ်သီးကို အလုပ်ချိန်မှာ သားရေပတ်နဲ့ သော့ခတ်တော့တာပေါ့။ ဒီတော့ ထိန်းဖို့ လူတစ်ယောက်လည်း ခန့်ပေးရတယ်။ ဒါပေမယ့် ကိုရွှေယုန်က နောက်သုံးလေးရက် အကြာမှာ အုပ်ချုပ်ရေးအဖွဲ့ကို ရောက်လာပြန်တယ်။

“ဆရာ ကျွန်တော်အမှန်အတိုင်း ၀န်ခံပါ့မယ်။ ကျွန်တော် စိတ်မထိန်နိုင်လို့ သော့တူလုပ်မိပါတယ်။ အခု သော့တူက ကျွန်တော့် လက်ဝယ်ရှိနေပါပြီ။ ဒီတော့ဖွင့်ပြီး စားမိမှာ စိုးရပါတယ်။ ကျွန်တော့်ကိုယ် ကျွန်တော်လည်း မထိန်းနိုင်မှာ စိုးလို့လာပြီး အကြောင်းကြားတာပါ။ ပြစ်မှုတော့ မကျူးလွန်ရသေးပါဘူး။ အဲဒါ စီစဉ်ပေးကြပါဦး” လို့ လာပြောပြန်ရော။

ခက်ပြီ။ ဘယ်လိုလုပ်ရပါ့မလဲလို့ စဉ်းစားကြတယ်။ အဲနောက်တော့ အကြံရပြီး သော့ခလောက်ပေါ်မှာ အ၀တ်ကြိုးပတ်၊ နောက် ချိပ်တံဆိပ် ခပ်နှိပ်ထားမယ်လို့ ဆုံးဖြတ်စီမံပေးလိုက်ပြန်တယ်။ ဒီတော့ သင့်တော်တဲ့ အမှုထမ်းတွေ ခန့်ရပြန်တာပေါ့။ သော့ခတ်သူ၊ အ၀တ်ကြိုးပတ်ပေးသူ၊ ချိပ်တံဆိပ်ခတ်သူ၊ ချိတ်ခွာသူ၊ ချိတ်အတွက် စာရင်းကိုင်သူ၊ အားလုံး ၇ ဦးခန့်ရတယ်။ တစ်ဦးတည်းခန့်လို့ မဖြစ်ဘူး။ စိတ်ဖောက်ပြီး အမှားလုပ်နိုင်တယ်။ ဒီလို ၇ ဦးခန့်လိုက်ရတော့ အရာရှိတစ်ဦး လက်ထောက် အုပ်ချူပ်ရေးမှူး တစ်ဦးပါ လိုလာပြန်တယ်။ ဒီအလုပ်သမား ၇ ဦးအတွက် အားလုံး စုစုပေါင်း ၉ ဦးဖြစ်သွားတာပေါ့။

ဒီလိုနဲ့ နေလာလိုက်တာ ကိုရွှေယုန်ဟာ မုံလာဥနီတွေ စားချင်လျက် မစားရ၊ မြင်နေရလျက်နဲ့ ပေနေရ။ စိတ်ဒုက္ခရောက်ပြီး တစ်နေ့တခြား ပိန်လာလိုက်တာ ၁၅ ရက်လောက်အကြာမှာ သေတော့တာပေါ့။

ရော ခက်ပြီ။ ဘယ်လိုလုပ်ရပါ့။ အုပ်ချုပ်ရေးမှူးတွေဟာ အရေးပေါ်အစည်းအဝေးထိုင်ကြတယ်။ ကိုရွှေယုန်သေတာ မသေတာထက် ကိုရွှေယုန်ကို ထိန်းဖို့ ခန့်ထားရတဲ့ အမှုထမ်း ၉ဦးအတွက်ပေါ့။ သူတို့ကို ဘယ်မှာ အလုပ်စားပေးရပါ့။ နေရာလပ်က မရှိ။ သူတို့ကို ဖြုတ်လို့လည်း မဖြစ်။ ကိုရွှေယုန်ထိန်းရတဲ့ အမှုထမ်း၊ အရာထမ်းတွေရဲ့ စားဝတ်နေရေးကလည်း ရှိသေး။

နောက်ဆုံး ဒီပြဿနာဖြေရှင်းနိုင်ဖို့ အတွက် မုံလာဥနီအုပ်ချုပ်ရေးအဖွဲ့အတွက် ယုန်တစ်ကောင်ကို ရှာကြဖို့ ဆုံးဖြတ်လိုက်ကြတယ်။

(စာရေးဆရာကြီး ဦးကံချွန်၏ ဟံသာဝတီသတင်းစာ (၂၇-၆-၇၂)ပါ ဆောင်းပါးမှ ကောက်နှုတ်ချက်)

………………………………………..

စာရေးဆရာကြီး ဦးကံချွန်ဟာ ကျွန်မအလွန်လေးစားရတဲ့ ဆရာကြီးတစ်ဦးပါ။ ကျွန်မ မမွေးခင်ကရေးခဲ့တဲ့ ဆရာကြီးရဲ့ ဆောင်းပါးကို အခုမှ စာအုပ်အဟောင်းဆိုင်မှ ရှာဖွေတွေ့ရှိခဲ့ပါတယ်။ ဖတ်ပြီး အရမ်းကို သဘောကျမိပါတယ်။ ဆောင်းပါးထဲမှာပါတဲ့ ပုံပြင်ကို ပိုသဘောကျမိတာမို့ မဖတ်ဖူးတဲ့ သူငယ်ချင်းများအတွက် ရည်ရွယ်ပြီး မျှဝေတာပါ။

လသာည