ဟီရိုရှီးမားနဲ့ အိုင်စတိုင်း

နာမည်ကြီး ရူပဗေဒ ပညာရှင် အိုင်စတိုင်းက သူမသေခင် ၅လအလိုမှာ “ကျွန်တော့်ဘ၀ရဲ့ အကြီးမားဆုံးသော မဟာအမှားက သမ္မတ ရုစဗဲ့ကို ပေးတဲ့စာမှာ လက်မှတ်ထိုးမိသွားတာပါပဲဗျာ” လို့ ကြေကြေကွဲကွဲ ပြောသွားခဲ့တယ်။

သူကြေကွဲနေခဲ့တာကတော့ သူဟာ လူသားတွေအတွက် အကျိုးပြု ရူပဗေဒ သီအိုရီတွေကို တီထွင့်ခဲ့သူ၊ စစ်ကို မလိုလားသူလို့ သူ့ကိုယ်သူ သတ်မှတ်ထားပေမယ့်၊ လူသတ်လက်နက် အနုမြူဗုံးကို တီထွင်ရာမှာလည်း သူဟာ ပါဝင်ပတ်သက်နေခဲ့လို့ပဲ ဖြစ်ပါတယ်။

အိုင်စတိုင်းဟာ E=mc2ဆိုတဲ့ Relativity Theory ကို လေ့လာသိရှိခဲ့ပြီးနောက် သေးငယ်တဲ့အရာတွေကနေ ကြီးမားတဲ့ စွမ်းအင်တွေကို ရရှိနိုင်တယ်ဆိုတာကို သတိထားမိခဲ့တယ်။
ဒုတိယကမ္ဘာစစ်အတွင်း နေ့တနေ့မှာ သူ့ဆီကို သူလိုရူပဗေဒ ပညာရှင်ဖြစ်တဲ့ Leo Szilard ရောက်လာခဲ့တယ်။ အဲဒါဟာ ကမ္ဘာကို တုန်လှုပ်ခြောက်ခြားသွားစေမယ့် ဟီရိုရှီးမားနဲ့ နာဂဆဂီကို ပြာကျစေခဲ့တဲ့ အနုမြူဗုံးတစ်ခုကို တီထွင်ဖို့ အစပဲ ဖြစ်ခဲ့ပါတယ်။ Leo Szilardနဲ့ အိုင်စတိုင်းတို့ဟာ မလူးမလွန့်သာတဲ့ အခြေအနေများအရ အရေးပေါ်ဗုံးတစ်ခုကို တီထွင့်ပေးရဖို့ ဖြစ်လာခဲ့လို့ပါ။

ဓါတ်ပုံထဲကအတိုင်း အိုင်စတိုင်းနဲ့ နှစ်ဦးသား ဆွေးနွေးတိုင်ပင်ပြီးတော့ သမ္မတ ရူစဗဲ့ဆီ အနုမြူဗုံးတီထွင်ပေးနိုင်ကြောင်း စာရေးကြတယ်။ ရေးတာက Szilardဖြစ်ပေမယ့် အိုင်စတိုင်းက လက်မှတ်ထိုးပေးခဲ့တယ်..။ အောက်က ပုံက စာကတော့ အိုင်စတိုင်းရဲ့ လက်မှတ်နဲ့ စာပါ။
အဲဒီနောက် ဗုံးတီထွင်ဖို့ ဖော်မြူလာကို အိုင်စတိုင်းက ၂ရက်နဲ့ အပြီးရေးသားခဲ့တယ်။ ဗုံးရဲ့ ပေါက်ကွဲအားအပြင် ဓါတ်ငွေ့အဆိပ်တွေ ဘယ်လိုပျံနှံနိုင်ကြောင်းကိုပါ သတိပေးပြောဆိုတဲ့ အိုင်စတိုင်းကို ကျန်သူတွေက နောက်ပိုင်း မယုံကြည်တာမို့ ဗုံးတီထွင်တဲ့ ထိပ်တန်းလျိုဝှက်အဖွဲ့ထဲကနေ ဖယ်ရှားခဲ့တယ်လို့လည်း ဆိုကြတယ်။


အဲဒီနောက်တော့ အပေါ်က ပုံထဲကအတိုင်း စစ်ရေးခေါင်းဆောင်တွေ အနုမြူဗုံးကိစ္စတွေကို လျိုဝှက်ဆွေးနွေးခဲ့ကြတယ်။ ပထမတော့ ဂျာမဏီကို စမ်းသပ်ဗုံးကြဲဖို့ ဖြစ်ပေမယ့် နောက်ဆုံးမှာ ဂျပန်မှာ ကြဲဖို့ ဖြစ်လာခဲ့တယ်။


ဂျပန်မှာ ဗုံးကြဲဖို့မြို့တွေကို ရွေးကြတဲ့အခါ ကျိုတို၊ နိဂတ၊ ရာမဂုချိ၊ ခုမမိုတို၊ ဖူကူအိုကာ၊ နာဂိုယာ၊ ယိုကိုဟားမား၊ တိုကျိုဘေး စတဲ့ မြို့ပေါင်းများစွာ ရွေးခဲ့ပေမယ့် နောက်ဆုံးတော့ ဟီရိုရှီးမားနဲ့ နာဂဆကီကို ကြဲဖြစ်ခဲ့တယ်။
အဲဒီမြို့တွေကို ကြဲဖြစ်သွားရတဲ့ အကြောင်းရင်းများစွာထဲမှာ အဲဒီအချိန် ရာသီဥတု သာယာနေခဲ့တဲ့အချက်လည်းပါဝင်ခဲ့တယ်။ ဒါဟာ ၎င်းမြို့သူမြို့သားတွေ ရဲ့ အသက်တွေ မိနစ်ပိုင်းအတွင်း ပြာကျစေအောင် ကံဆိုးခဲ့တာလည်း ဖြစ်ပါတယ်။
၁၉၄၅ သြဂုတ်လ ၆ ရက်နေ့ ဗုံးမကြဲခင် ဟီရိုးရှီးမားမြို့က နေရောင်ရဲ့အလင်းအောက်မှာ သာယာနေခဲ့တယ်။ ပုံကို ပုံဖော်ပြသရရင် အပေါ်က ပုံအတိုင်း ရှိနေခဲ့တယ်..ဗုံးကြဲပြီးပြီးချင်းက ခဏလေးက ဟီရိုးရှီးမား မြို့သူမြို့သားတွေရဲ့ ကံဆိုးမူ.ကတော့ တကယ့်ကို ပြာအတိ.။
ဗုံးရဲ့ ပေါက်ကွဲအပူချိန်က 7200 ကနေ 1000 ဒီဂရီဖာရင်ဟိုက်တောင် ရှိတယ်။ ဗုံးကြဲပြီးပြီးချင်း မြို့တ၀က်ကျော်ကျော်က လူတွေ ပွဲချင်းပြီး သေဆုံးသွားတယ်။
နောက်ပိုင်းမှာလည်း ဓါတ်ငွေ့အဆိပ်သင့်ပြီး သေဆုံးသူ၊ ဗုံးဒဏ်ရာကြောင့် သေဆုံးသူများတွေနဲ့ ဗုံးကြဲပြီးနောက်နှစ်လအတွင်း တစ်သိန်းခြောက်သောင်းကျော်ရှိခဲ့တယ်။ ကလေးတွေလည်း ပါတာပေါ့...။ မိခင်တစ်ဦးက သူ့ကလေးကို မီးလောင်ပြင်မှာ လိုက်ရှာချိန်မှာ သူ့ကလေးရဲ့ခေါင်းကို ရေဘ၀ဲတစ်ကောင်လို့ အပိုင်းပိုင်းအစိတ်စိတ်တွေ့ရတယ်ဆိုတဲ့ ရင်ကွဲစရာ အဖြစ်အပျက်တွေကလည်း မနည်းပါဘူး..။

ဘယ်သူတွေက ဘာကြောင့် အနုမြူဗုံးကို တီထွင်ရသလဲ၊ ဘာကြောင့် ဂျပန်ဟာ ဗုံးကြဲခံရသလဲ။ ဘယ်သူက ဗုံးကြဲဖို့ အမိန့်ချသလဲ၊ ဘယ်လိုအကျိုးဆက်တွေရသလဲ..ဆိုတဲ့ အကြောင်းတွေကို စစ်အတွင်းက အနုမြူဗုံးဒဏ်ခံရတဲ့ ဟီရိုရှီးမားမြို့က ပြတိုက်မှာ အများကြီး ရေးသားပြသထားတယ်။

ဂျပန်ရောက်ကတဲက အဲဒီနေရာကိုတော့ မဖြစ်ဖြစ်အောင် သွားလေ့လာချင်တဲ့ ဆန္ဒတစ်ခု အမြဲရှိခဲ့ပေမယ့် မရောက်ဖြစ်ခဲ့ဘူး။ ပြီးခဲ့တဲ့ အပတ်ကတော့ ကိစ္စတစ်ခုနဲ့ အဲဒီမြို့ကို ရောက်တုန်း ပြတိုက်ကို ရောက်အောင်သွားခဲ့ပါတယ်။

ပြတိုက်က ဓါတ်ပုံတွေက မြင်ရသူကို ကြောက်စရာ ကြေကွဲံဝမ်းနည်းစရာတွေနဲ့ ပြည့်နေခဲ့တယ်..။ ဓါတ်ပုံတွေကြည့်ပြီး နှလုံးကမကောင်းတော့ မျက်ရည်က အလွဲတကူဝဲလာတာမို့ မြန်မြန်ပြန်ထွက်ခဲ့တယ်။ လက်နှစ်ချောင်းကတော့ ဓါတ်ပုံရိုက်တိုင်း ထောင်နေကျ အကျင့်ပါနေလို့ ဖြုတ်မရခဲ့ဘူးး)

ဒါက အသက်နှစ်နှစ်အရွယ်မှာ အနုမြူဗုံးဒဏ်ကြောင့် အဆိပ်သင့်ခဲ့ရတဲ့ Sadakoဆို့တဲ့ ကလေးငယ်မလေးက ကျောင်းတက်ရင်း သေဆုံးသွားတော့ သူ့သူငယ်ချင်းတွေက အမှတ်တရ စိုက်ထူခဲ့တဲ့ ကျောက်တိုင်ဖြစ်ပါတယ်။

ဆာဆကိ ဆဒါ့ကိုကို ၁၉၄၃ မှာ မွေးပြီး ၁၉၄၅ (သူမ အသက် နှစ်နှစ်မှာ) အနုမြုအဆိပ်သင့်သွားတယ်။ ဒါပေမယ့် အရိပ်လက္ခဏာ မပြတော့ မသိခဲ့ရဘူး။ ၁၉၅၄မှာ သြဂုတ်လ နောက်ပိုင်းမှ အဆိပ်သင့်တဲ့ ရောဂါလက္ခဏာက စပြတယ်။ ၁၉၅၅ မှာ သေဆုံးသွားတယ်..။ သေတော့ အသက် ၁၂နှစ်။ မူလတန်း-ခြောက်တန်းကျောင်းသူ ပေါ့နော်။ (ဂျပန်က မူလတန်းက ခြောက်တန်းအထိ ရှိတယ် )

ဆဒါ့ကိုလေး ဆေးရုံတက်နေချိန်တွေမှာ သူ့မရောဂါမြန်မြန်သက်သာ မြန်မြန်နေကောင်းလာဖို့ စက္ကူ ကြိုးကြာဌက်ပေါင်းများစွာ သူကိုယ်တိုင် ချိုးပြီး ဆုတောင်းခဲ့ရှာပါတယ်။ ဒါပေမယ့် နောက်၅လအကြာ ဆေးရုံပေါ်မှာပဲ သူမ သေဆုံးသွားခဲ့တယ်။ကျောက်တိုင်အတွက် ဂျပန်တနိုင်ငံလုံးက အခြေခံပညာကျောင်းပေါင်း ၃၂၀၀ က ကလေးတွေက ထည့်လှူပြီး ဆောက်ခဲ့တာ ဖြစ်ပါတယ်။ နောက်နောင် ဒီလိုအဖြစ်မျိုးတွေ မတွေ့ကြုံရပဲ ငြိမ်းချမ်းတဲ့ ကမ္ဘာလေးတစ်ခုတည်ဆောက်ကြပါစို့လို့ ကလေးတွေက ရေးသားခဲ့ကြတယ်။နောက်ပိုင်းတော့ Sadako အပါအ၀င် သေဆုံးသွားတဲ့ ကလေးငယ်အားလုံးကို ရည်စူးတဲ့ Children's Peace Monument အဖြစ် သတ်မှတ် စိုက်ထူခဲ့တယ်လို့ ဆိုပါတယ်။


သေဆုံးသွားတဲ့ ဆဒါကိုနဲ့တကွ အားလုံးအတွက် အေးချမ်းတဲ့ ဘ၀ကို ရရှိစေဖို့ စက္ကူ ကြိုးကြာဌက်ပေါင်း တစ်ထောင်ကျော် ချိုးပြီး အမှတ်တရ ဆုတောင်းကြတယ်။ သူတို့အားလုံး ဆင်းရဲဒုက္ခအပေါင်းကနေ လွတ်မြောက် ငြိမ်းချမ်းပါစေ.. လူသားအားလုံး ငြိမ်းချမ်းပါစေ..

ပန်းကလေးတိုင်း လန်းပါစေ.......

ဟီရိုရှီးမား အမှတ်တရပါ...။ (အနုမြူပုံနဲ့ အိုင်စတိုင်းပုံစသည်တို့ကို ပြတိုက်ကနေ ကိုယ်တိုင်ရိုက်ယူခဲ့ပါတယ်။ ဓါတ်ပုံပေါ်ကို ကလစ်နှိပ်လို့ အကြီးချဲ့ကြည့်လို့ ရပါတယ်)
လသာည ဖြစ်ပါတယ်။