လွမ်းတဲ့ဖီလင်

ရှုပ်နေတဲ့ အလုပ်တွေ နည်းနည်းရှင်းသွားပြီဆိုတော့ ဒီနေ့တော့ အေးအေးဆေးဆေး အာလူးဖုတ်ချင်စိတ် ပေါက်တယ်။ တရင်းတနှီးပေါ့.. လက်ဖက်ရည်ဆိုင် ထောင့်တစ်ထောင့်မှာ သီချင်းအေးအေးလေး နားထောင်ရင်း စကားပြောသလိုမျိုးလေး...။

တမျိုးပဲ...။ အခုတလော အလုပ်တအားများတာကြောင့်လား.. စိတ်က မလန်းဘူး..။ ကော်ဖီတစ်ခွက်နဲ့ အမောဖြေလည်း မပြေဘူး..။ ခဏနားပြီး ထိုင်ငိုင်နေတိုင်း အရင်က အကြောင်းတွေ ပြန်ပြန်တွေးမိတယ်။ အရင်ကဆိုတာက ဟိုး.. ဘလော့စရေးတဲ့အချိန်တွေကိုပါ။

အဲဒီတုန်းက ပြောရရင် ဘလော့ရေးတဲ့ ရည်ရွယ်ချက်က မြန်မာစာရိုက်လေ့ကျင့်ချင်လို့လေ..။ မြန်မာစာကို လက်ကွက် မမှတ်မိလို့ မြန်မာစာလုံးလက်ကွက် ဇယားကို နံရံမှာကပ်လို့ လက်ညှိးနဲ့ တချက်ချင်း ရိုက်ခဲ့တာ။ ပြောရရင် အင်္ဂလိပ်လိုလည်း သိပ်မြန်မြန် မရိုက်နိုင်ခဲ့ပါဘူး...။

ဒီလိုနဲ့ စိတ်ထဲရှိရာလေးတွေ၊ နေ့စဉ်ကြုံသမျှတွေကို လျှောက်ရေးခဲ့တာပေါ့..။ အဲဒီတုန်းက အဓိက အားပေးသူ သူငယ်ချင်းလေး အနည်းအကျဉ်းရှိခဲ့တယ်။ သူတို့အားပေးပုံကို ပြန်ပြောရရင် ငယ်ငယ်တုန်းက လသာသာမှာ စကားဝိုင်းပြောသလိုမျိုးပါ..။

အညာက လသာညတို့ မြိုဆိုရင် ကွက်ပျစ်လို့ခေါ်တဲ့ ၀ါးစင်လေးတွေ အိမ်ရှေ့မှာ ရှိတာများတယ်။ ညဘက်လသာသာဆိုရင် အိမ်နားက နီးစပ်ရာ ကွက်ပျစ်မှာ လူကြီးက လူကြီးတစ်ဖွဲ့၊ ကလေးက ကလေးတစ်ဖွဲ့ စုပြီး စကားဝိုင်းဖွဲ့ကြတယ်။ (တကယ်တော့ ကလေးတွေက လသာသာမှာ မောနေအောင် အရင်ကစားကြတာပါ။ ကစားလို့ မောတော့မှ ကွက်ပျစ်ပေါ်မှာ စုပြီး ပါလာတဲ့မုန့်စား၊ ဆက်စကားပြောတာမျိုးပေါ့) ။ လူကြီးတွေက ရပ်ကြောင်းရွာကြောင်း၊ ရှေးဟောင်းနှောင်းဖြစ်ပြောရင် ကလေးအဖွဲ့တွေက မေးလေးထောက်လို့ သွားနားထောင်တဲ့အခါ ထောင်၊ မထောင်ချင်ရင် ကိုယ့်ဘာသာအစုလိုက် စကားပြောကြတယ်။

လူကြီးစကားဝိုင်းက အပြန်အလှန်ဆွေးနွေးလိုက် ငြင်းလိုက်ခုန်လိုက်နဲ့ ဆူညံနေသလို ကလေးဝိုင်းကလည်း ဆူညံနေခဲ့တယ်။ ကလေးတွေ စကားဝိုင်းဆူတာ လူကြီးတွေဆူတာနဲ့တော့ မတူဘူးပေါ့..။ ဆူရတာက ပြောသူများပြီး နားထောင်သူမရှိလို့ ကိုယ့်စကားကို ကျန်တဲ့သူ နားထောင်အောင် အော်ပြောနေကြလို့လေ။

တစ်ယောက်ယောက်က ကျောင်းကဆရာမအကြောင်း၊ သူ့အိမ်အကြောင်း၊ သရဲအကြောင်း ဒါမှမဟုတ် လူကြီးဝိုင်းက စကားကို ပြန်ပြောတဲ့အခါမျိုးမှာ ကျန်တစ်ယောက်ကလည်း သူပြောချင်တာကို ၀င်ပြောနေတတ်တာမျိုး။ တခါတခါ စကားတွေက ဆက်စပ်မှုမရှိဘူး..။ပြောတဲ့ အကြောင်းအရာကလည်း ဟိုရောက်ဒီရောက်။ နားထောင်ချင်တဲ့သူက နားထောင်၊ ကွက်ပျစ်ပေါ်မှာ လှဲရင်း အိပ်ပျော်တဲ့သူက အိပ်ပျော်သွားရော..။ ဒါပေမယ့် ပျော်စရာ ကောင်းတယ်။ ကလေးတွေစကားဝိုင်းက ငြင်းခုန်ရန်ဖြစ်လည်း ခဏပဲ..။ တစ်ယောက်နဲ့ တစ်ယောက် အတေးအမှတ်၊ အကောက်အချိတ် မရှိဘူး။ အချိန်တန် လည်ပင်းဖက် ကစားကြတာပါပဲ..။

အဲလိုမျိုးပဲ အဲဒီသူငယ်ချင်းတွေနဲ့ ဒီဘလော့မှာ စကားဝိုင်းဖွဲ့ခဲ့တယ်။ သူတို့က ကိုယ်ရေးတာကို ဖတ်ပေမယ့် တခါတခါမှ ကွန်မန့်ဆိုတာ ကြားရတယ်။ များသောအားဖြင့်တော့ စီဘောက်မှာ သူ့အကြောင်းကိုယ့်အကြောင်းပြော ပြီး တန်းပြန်ကြလို့ တခါတခါ အော်ရတယ်။ “ဟေ့ကောင်တွေ ငါ့ပိုစ်လေးတော့ ဖတ်ပြီး ကွန့်မန့်ပေးပါဦး”လို့ (“ဟေ့ကောင်” ဆိုတာက တအားချစ်တဲ့သူတွေမို့ တမင်ခေါ်တာပါ။) ဒါပေမယ့် သိနေပါတယ်။ ကိုယ်ဘယ်လိုပြောပြော ကိုယ့်ကို အားပေးစကားကလွဲရင် သူတို့ ပြောကြလိမ့်မယ် မဟုတ်ဖူးဆိုတာ..။ သူတို့က ကိုယ့်ဘလော့ထက် ကိုယ့်ကိုချစ်လို့ အားပေးသူတွေပါ။

တခါတော့ သူတို့က ကိုယ့်ကို မြှောက်ပေးတယ် အဲ... တောင်းဆိုလာခဲ့တယ်။ အဲဒါက “စိတ်ပညာ”အကြောင်းတွေ ရေးပါလား။ စိတ်ပညာအကြောင်း ရေးတာ ဖတ်ကောင်းတယ်တဲ့။ ဟိုဟိုဒီဒီ လျှောက်ရေးတာထက် စာရင် သူတို့စိတ်ဝင်စားတာလေး ရေးချင်စိတ်ပေါက်သွားတယ်။ ဒါနဲ့ ကိုယ်သိတာလေးတွေကို ရေးဖြစ်သွားတယ်ဆိုပါတော့..။ စိတ်ပညာဆိုတဲ့ ခေါင်းစဉ်တွေနဲ့...။ (စကားမစပ် လသာညက ပညာရေးစိတ်ပညာကို လေ့လာနေတဲ့ ကျောင်းသူပါ)..။

တကယ်တော့ ကျောင်းမှာလည်း ဒီအကြောင်း၊ ဘလော့မှာလည်း ဒီအကြောင်းဆိုရင် လူက ကျောင်းစာထဲက မထွက်သလို ခံစားရတာရော၊ ကျောင်းစာထဲကအတိုင်း ရေးရင် သူတို့လည်း ပျင်းသွားမယ်လို့ တွေးမိရောနဲ့၊ ရေးတဲ့အခါ စကားပြောသလို ဟိုး.. ကလေးဘ၀က လသာသာ ကွက်ပျစ်ပေါ်မှာ စကားပြောသလို ပြောပုံမျိုးနဲ့ ပြောဖြစ်တယ်။ သူငယ်ချင်းတွေကို ဦးတည်ရေးတာဆိုတော့ နောက်ဆုံးမှာ ဒီလိုဖြစ်တတ်တယ်တဲ့၊ အဲလိုမလုပ်ကြနဲ့နော်လို့ နောက်ပြောင်သလိုလို အတည်လိုလိုနဲ့ ဆရာကြီးလုပ်ပြီး အဆုံးသတ်ဖြစ်တယ်။ (ဆရာကြီးလေသံနဲ့ ...း)) ။ သူတို့က တခြားမေဂျာမှာ (ပြောရရင်) အားလုံးက လသာညထက်အတန်းကြီးသူတွေဖြစ်ပေမယ့် လသာညရဲ့ ဆရာကြီးလေသံကို စိတ်မဆိုးခဲ့ဘူးရယ်..။ အရမ်းကို ချစ်ဖို့ ကောင်းတဲ့သူတွေပါ။ သူတို့ကို ချစ်လွန်းလို့ နာမည်တောင် ပေးထားသေးတယ်.. မူလလက်ဟောင်း သူငယ်ချင်းများလို့..း))

(ဒါနဲ့ ကြားဖြတ်ပြီး သတိရလို့ ပြောရရင် လသာညရဲ့ “စိတ်ပညာ”ဆိုတဲ့ ခေါင်းစဉ်ပါ ပိုစ်တွေကို တခြားနေရာတွေမှာ ဖော်ပြထားတာကို တွေ့ရတယ်။ အခုလို လသာညဆီကနေ ကူးယူပြီး တခြားသူတွေကို ပြန်ပြီး ဆက်လက်မျှဝေပေးသူတွေကို ကျေးဇူးအများကြီး တင်မိပါတယ်။ စိတ်လည်း လုံးဝမဆိုးပါဘူး..။ ကိုယ်ကလည်း ကိုယ်သိတာလေးကို တခြားသူတွေကို မျှဝေချင်စိတ်ရှိပါတယ်။ တစ်ခုပဲ.. သူတို့ကို တောင်းပန်ချင်တာ ရှိတယ်။ ရေးထားတာ အားလုံးဟာ ကိုးကားလောက်အောင် မခိုင်လုံဘူးဆိုတဲ့အချက်ပါ.။ ဘာဖြစ်လို့လည်းဆိုတော့ လသာညဟာ စာသင်သား၊ ကျောင်းသားပဲ ရှိသေးတယ်။ ပညာပြည့်ဝသူ မဟုတ်သေးဘူးရယ်..။ အမှားရှိနိုင်တယ်လေ။ ဒါကြောင့် ဆက်လေ့လာချင်ရင် ပိုစ်အောက်က referenceတွေကို ဆက်လက်ဖတ်ပါလို့..ပြောချင်တာပါပဲ။

နောက်ပြီး ရေးသူ လသာည လို့ ဖော်ပြပေးပါလို့လည်း အနှုးအညွှတ် တောင်းပန်ချင်သေးတယ်။ ပို့စ်မှာ အမှားရှိရင် ရေးသူ လသာညကိုယ်တိုင်က အရေးမှားတာမို့လို့ အမှားကို လသာညက တာဝန်ယူလို့ ရအောင်လို့ပါ နော်။ လသာညက ကိုယ်ရေးတယ်ဆိုတာကို ဖတ်သူ သိစေချင်တာနဲ့ ပိုစ်တိုင်းအောက်မှာ “လသာည ဖြစ်ပါတယ်”လို့ ရေးတတ်တာကို ကူးသူက အဲဒီစာကြောင်းလေး တမင်ချန်ထားခဲ့တယ် အံ့ဖွယ့်းD.။ ဒါနဲ့ပဲ အခု ပိုစ်ထဲမှာပါ “လသာညက”လို့ ထည့်ရေးဖြစ်သွားတယ်။ အဲဒါတော့ အလုပ်ရှုပ်ခံပြီး မဖျက်ဘူးထင်တာပဲ.. :)

ဆောရီး..။ စကားက ဟိုရောက်ဒီရောက်ရယ်..။ ဒါကြောင့် ပြောသားပဲ..။ အေးအေးဆေးဆေး အာလူးဖုတ်တာလို့ ..။ ပြန်ကောက်မှ စကားက ဘယ်ရောက်သွားပြီလဲ..။ အော်.. အရင်တုန်းက အကြောင်းလေးကို ပြန်လွမ်းလွမ်းဆွတ်ဆွတ်ပြောနေတာ..။ ဟုတ်တယ်... အတိတ်ဆိုတာ အတိတ်ပဲဆိုတော့ လွမ်းလွမ်းဆွေးဆွေးပဲ ပြောနိုင်တော့တယ်..။ အင်း.. ဒါနဲ့ လွမ်းရတဲ့ဖီလင်က တခါတခါ လူကို နှုးညံ့စေတယ်ဆို.. ။ မဖြစ်နိုင်ဘူး.. လွမ်းစိတ်က လူကို စိတ်ဓါတ်ကျစေတယ်လို့ပဲ သတ်မှတ်တယ်။ လူက ရင့်ကျက်သင့်ပြီလို့ တွေးနေပေမယ့် စိတ်က ကလေးစကားဝိုင်းကိုပဲ လွမ်းလွမ်းနေခဲ့တယ်။ ဒါပေမယ့် အဲဒါတွေက ..အတိတ်မှာ တကယ်ကျန်ခဲ့ပြီ ..။ မရနိုင်တော့ဘူး..။ ဒီတော့ ကော်ဖီတစ်ခွက်နဲ့ လွမ်းတဲ့ဖီလင်ကို အဆုံးသတ်တာပဲ ကောင်းတယ် မဟုတ်လား..နော် သူငယ်ချင်း ။



နားထောင်ပေးသွားတဲ့ သူငယ်ချင်းကို ကျေးဇူးတင်ပါတယ်..။ ကော်ဖီလေး သောက်သွားပါဦး.။ ကော်ဖီတောင် အေးသွားပြီလား သိဘူး..ဆောရီး......။

လသာည ( ၃- ၆- ၂၀၁၀)