ဘလော့ဂ်အကြောင်း

မနေ့က စာလေးတစ်ကြောင်းတင်လိုက်တာနဲ့ ဒီနေ့ တစ်ခ်ပေးတဲ့သူတွေ ရှိလာပြီ.ဟားဟားဟား။ အမြင်ကပ်ကပ်နှင့် အကုန်လုံးမှာ တစ်ခ်ပေးသွားတယ်ထင်ပါရဲ့။ ဘယ်လိုပဲ ဖြစ်ဖြစ် ကျေးဇူးတင်ပါတယ်။တော်တော်ချစ်ဖို့ကောင်းတာပဲ.။..

သြော် စကားမစပ် (တကယ်က တမင်တကာစကားစပ်ပြီးတော့) ကိုယ့်ဘလောဂ် အကြောင်း (ဟာသ?) ပြောရဦးမယ်။

ဘလော့စရေးတုန်းက ရည်ရွယ်ချက်က မြန်မာစာမရိုက်တတ်လို့ မြန်မာလို့ လက်ကွက်လေ့ကျင့်ရန် ဖြစ်ပါတယ်။ တော်တော် ကြီးမားတဲ့ ရည်ရွယ်ချက်ပါ။ မြန်မာပြည်ကို reportတင်တုန်းက မြန်မာလို ရိုက်တင်ရဖို့ ဖြစ်လာတယ်။ မရိုက်တတ်တော့ လက်ကွက်စာရွက်ကြီးကို ကြည့်ပြီး တစ်လုံးချင်းရိုက်ရတာကိုး။

ဒါနဲ့ပဲ တနေ့ကို နည်းနည်း နည်းနည်းမြန်မာလို့ လက်ကွက်လေ့ကျင့်တော့မယ်လို့ ဆုံးဖြတ်ပြီး စလုပ်ခဲ့တယ်.။ ဒါပေမဲ့ အဓိပ္ပါယ်မရှိ လျှောက်ရိုက်နေရတော့ ပျင်းလာတယ်။ အဓိပ္ပါယ်ရှိတာလေးတွေ ရေးဖို့ကြံတော့လည်း ကိုယ်ရေးတာလေး သူများကို ပြချင်လာပြန်ရော.။ဒါနဲ့ပဲ ဘလော့ စရေးဖြစ်သွားတာပါ။

ဘလော့ စလည်းရေးရော အမျိုးသားက ကန့်ကွက်တယ်။ စာတွေနဲ့ အချိန်မလောက်ရတဲ့ အထဲ ဘလော့ရေးရင် နားချိန်ရမှာ မဟုတ်ဘူး။ စာကြည့်လို့ သူကို ဂရုမစိုက်နိုင်တာ ခွင့်လွတ်ပေမဲ့၊ ဘလော့ရေးရင်တော့ ခွင့်မလွတ်ဘူး.လို့ ဆူပါတော့တယ်။ နောက်တစ်ခုက ဘလော့က အင်တာနက်မှာ လူတကာကြည့်တာ၊ တချို့က ပေါက်ကရတွေရေးတာ။ ရှုပ်ရှုပ်ရှပ်ရှပ်တွေမိုလို့ မရေးပါနဲ့လို့ပြောပါလေရော။

ဒါပေမဲ့ လုပ်ချင်ရင် ဇွတ်လုပ်တတ်တဲ့ အကျင့်ကြောင့် ဂတိ သုံးခုပေးပြီးစခဲ့ပါတယ်။ သူရှိနေချိန် ဘလော့မရေးဘူး (စာကြည့်တယ်၊ သူမရှိမှ ဘလော့ရေးတယ်. :P) ဆိုတာရယ်။ ပေါက်ကရ ရေးမယ့်သူမရှိအောင် ကိုယ့်သူငယ်ချင်းလေးတွေ ကိုပဲ ဖိတ်မယ် ဆိုတာရယ်၊ ကိုယ့်အကြောင်းထက် စာအကြောင်း၊ ဗဟုသုတ ရစရာလေးတွေပဲ ရေးမယ်ဆိုတာကို ပါ ဂတိပြုခဲ့ရပါတယ်။

အဲဒီနောက်တော့ ကိုယ်ဘလော့ရဲ့ ပထမဆုံး စာဖတ်ပရိတ်သတ်က သူဖြစ်လာပါတယ်။။ စည်းရုံးရေးကောင်းတယ်မို့လား၊ :D (အခုသူနဲ့က တနေရာဆီဖြစ်နေပြီး သူ့ခင်မျာ အင်တာနက်သုံးချိန်မရတော့ မအားပေးနိုင်ရှာဘူး၊ အားအပေးဆုံး စာဖတ်ပရိတ်သတ်တစ်ယောက် ရော့သွေားတာပေါ့။ :( )

နောက်တော့ သူငယ်ချင်းနှစ်ယောက်ကို လင့်ခ်ပေးခဲ့တယ်။ ငါရေးထားတာလေးတွေ ဖတ်ကြည့်ပါဦးဆိုတဲ့ ရည်ရွယ်ချက်နဲ့ ပါ။ တစ်ယောက်က ချက်ချင်းလက်ခံခဲ့တယ်။နောက်လည်း ကိုယ်ရေးတဲ့ ပို့စ်တွေကို e-mail နှင့် forwarding လုပ်ပေးပါတယ်..။ သူကျေးဇူးကြောင့် ကိုယ်စာရေးတော်တာ သူများတွေသိခွင့်ရသွားတာပါ။ (တော်သလားလို့ပါ:D) ကျေးဇူးပါ သူငယ်ချင်း..။

နောက် တစ်ယောက်ကတော့ ”လသာည”ဆိုတာ ဘူသူလဲ ဆိုပြီး ချက်ချင်းလက်မခံဘူးရယ်။ ဒါပေမဲ့ ကိုယ်မှန်းသိတော့ လက်ခံခဲ့ပါတယ်.။ နားငြီးလို့ထင်ပါရဲ့၊ ဟားဟား။ ဒီဘလော့ရဲ့ ဒီဇိုင်းတော်တော်များများက သူကျေးဇူးပါ။ သူက ဘလော့လုပ်နည်း အဖိုးတန် လင်ခ်တွေ သူရှာပေးတာပါ။ ကျေးဇူးပါ ညီမလေး..။ (သူပေးသမျှ ကိုယ်ကလိုက်မလုပ်နိုင်တော့ ဘလော့ဒီဇိုင်းက ဒီအတိုင်း အရိုးကျဲကျဲ နဲ့ ကဗျာမဆန်လှပါဘူး၊ ဒါကတော့ ကိုယ်ညံ့တာပါ...။ )

နောက်တယောက် ..ဘလော့ရေးတော့ သူသိမှာ တော်တော်စိုးရိမ်ခဲ့တာ၊ ဒါတောင် သူက သိဖြစ်အောင်သိသွားတယ်.။ ကြောက်တာက တခြားမဟုတ်ဘူး။ သူက အရယ်သန်လို့။ ကိုယ်ဘာလုပ်လုပ် ရယ်တော့တာပဲ..။ ဥပမာလသာည တဲ့ ဟားဟားဟား ဆိုတာမျိုး ပေါ့။ ရယ်တယ်.ရယ်တယ်.သူကို ဒီဘလော့ရဲ့ အရယ်တော်(အ၀ယ်တော်မဟုတ်ဘူး) အဖြစ် ခန့်ထားရတယ်..။ ဒါပေမဲ့ သူမရှိရင်လည်း ပွဲမစည်ဘူးဆိုတော့လည်း သူရယ်တာကို လက်ခံနေရတာပေါလေ။ သူက ရယ်ချင်ရယ်၊ မရယ်ချင်ငိုတဲ့သူပါ။ အင်း..ငိုတာထက်စာရင် ရယ်တာက တော်သေးတာပေါ့နော့။။ သူက ဒီဘလော့ရဲ့ မြန်မာစာဆရာမပါ.။ လသာည..ဘာဖြစ်လို့ “ဘူး”ကို “ဖူး”လို့ ရေးတာလဲဆိုလို့ အမြန်ဆုံး ပြန်ပြင်နိုင်ခဲ့ရတာ သူကျေးဇူးပါ။

အဲဒီနောက် သူငယ်ချင်း၃ယောက်ကို ထပ်ဖိတ်တယ်။ မိဆိုးလေး က ချက်ချင်း လာလည်သွားတယ်.။ တော်တော်ချစ်ဖို့ကောင်းပါတယ်။ နေ့တိုင်းလာသလို လာတိုင်းနှုတ်ဆက်တယ်။ ပျင်းပြီး အထီးကျန်သလိုဖြစ်နေပေမဲ့ c-boxထဲက စာတွေဖတ်ပြီး ကိုယ်အိမ်ကို အလည်လာပြောနေသလို ခံစားရတယ်.။ အိစံကိုရောပါ..တကယ် ကျေးဇူးတင်တယ်။ (နောက် c-boxမရေးပေမဲ့ လာလည်တဲ့ သူငယ်ချင်း အကုန်လုံးကို ကျေးဇူးတင်ပါတယ်။)

ကိုယ်က ဘလော့ကို စဖွင့် ပြီဆိုရင် ကိုယ်စာလေးတွေ ကိုယ်သူငယ်ချင်းတွေ လာဖတ်ရဲ့လားသိချင်တော့ လူဘယ်နှစ်ယောက်လာလဲဆိုတာ စစ်ရတာ အမော၊ ဘယ်သူလာတယ်ဆိုတာ မသိရပေမဲ့ လာတဲ့အကြိမ်တော့ မြင်ရတယ်လေ။ အရေအတွက်များတော့ သူငယ်ချင်းတွေ တော်တော်လာတာပဲလို့ ၀မ်းသာမလို့ ရှိတုန်း၊ တစ်ယောက်က ပြောတယ်၊ ဘလော့လာတဲ့အရေအတွက်များရတာ သူက အကြိမ်ကြိမ် ဖွင့်လိုက်ပိတ်လိုက်လုပ်နေလို့ပါ...တဲ..:D။

မသိဘူးလေ၊ ကိုယ်ရေးတာလေးတွေ တော်တော်ဆွဲဆောင်မှုရှိနေလို့ လူတော်တော်များများလာနေသလားရယ် လို့ ကိုယ်ကိုကိုယ် အထင်ကြီးသွားမိလို့ပါဟားဟား။ အင်း..သူကိုယ်တိုင်ကလည်း ကိုယ်ကို ခင်လို့တာ လာရတယ် ရေးတဲ့ဘလော့အကြောင်းကိုက သိပ်စိတ်ဝင်စားပုံ မပေါ်ဘူးရယ်။ c-boxမှာ အရုပ်နဲ့ ဆော့ပြီး ပြန်ရော။ တော်တော်အားပေးတယ်။

ရပါတယ်၊ရှိပါစေတော့.။ ဘယ်လိုပဲဖြစ်ဖြစ် လာနေတာကိုပဲ ကျေးဇူးတင်လှပါပြီ။ ( တဆင့်တက်ပြီး request -ကလေးက) ဖြစ်နိုင်ရင် လာလည်ကြောင်းနှုတ်ဆက်သွားပါနော်.။ ဒါမှမဟုတ်ကွန်မန့်ရေးပေးချင်မဲ့ နာမည်ရေးရမှာ ရှက်ရင် ပို့စ်အောက်မှာ anonymous နဲ့ ရေးနော်။ ဒါမှမဟုတ် reactionအကွက်လေးထဲမှာ တစ်ခ် လုပ်ပေးလည်းရတယ်။ (နည်းနည်းလူလည်ကျပြီး ကောင်းတာချည်းပဲရေးထားတယ်။ ခွင့်လွတ်..)
(reactionအကွက်လေးကို ပြန်ဖြုတ်လိုက်တယ်။ မအားတဲ့သူတွေကို အားနာလို့းဝ)

ဒီစာလေးတင်တာ အကြောင်းရှိပါတယ်။ စိတ်ဝင်စားစရာကောင်းတဲ့ psy testလေးတွေရလို့ ဘာသာပြန်ပြီး အတူတူ စမ်းလုပ်ကြည့်ချင်စိတ်ပေါက်နေလို့ပါ။ ဒါနဲ့ ကိုယ်ဘလော့ကို လူဘယ်နှစ်ယောက်လာသလဲ၊ psyအကြောင်း စိတ်ဝင်စားရဲ့လား သိချင်တာနှင့် ရေးလိုက်တာပါ..။ တလွဲမတွေးပါနဲ့. :D ...။

အဲဒီpsy testကဂျပန်လို ရေးထားတာပါ။ စာလေးတွေက တော်တော်ကိုကောင်းတယ်။ အခုနည်းနည်း ဖတ်ထားလိုက်ရင် နောင်ဆို သူငယ်ချင်းတွေကို ဗေဒင်လိုလို အကြားအမြင်လိုလို ဟောစားလို့ရတယ်ရော။ ဒါက incentiveပေးတာပါ။ :D

ဂျပန်လိုကနေ ဘာသာပြန်ရမှာဆိုတော့ တပတ်တစ်ခုလောက်ပဲ ရေးဖြစ်မယ်ထင်တယ်။ သူငယ်ချင်းအားလုံး မအားတဲ့ကြားထဲက အချိန်ပေးပြီး လာတာ တကယ်ကို (တကယ့်ကို) ကျေးဇူးတင်ပါတယ်။

လသာည ဖြစ်ပါသည်.။