လှိုင်းအသွင်ဖြင့် မှတ်ဥာဏ်စွမ်းရည်

ဂျပန်ကို သိပ်မကြာခင်လေးကမှ ရောက်လာတဲ့ သူငယ်ချင်းတစ်ယောက်က မနေ့ကပြောတယ်။ ဂျပန်စာကို ဂျပန်ကို ရောက်မှ စသင်ရတာဆိုတော့ စသင်ခါစက တော်တော်ပျော်ဖို့ကောင်းတယ်တဲ့။ ခဏလေးနဲ့ စာရတယ်။ အခုကျတော့ ကြည့်နေရင်းကနေ စာကမှတ်လို့မရဘူးဖြစ်နေလို့၊ စိတ်တအားညစ်တာပဲ လို့ ပြောတယ်။ ကိုယ်ချင်းစာပါတယ်။ မြန်မာပြည်မှာ အင်္ဂလိပ်စာသာ လေ့လာခဲ့ရပြီး၊ သဒ္ဒါလုံးဝမတူတဲ့ ဘာသာစကားအသစ်တစ်ခုကို ရုပ်တရက် အသက်ကြီးမှ စသင်ရရင် ဒီလိုပဲဖြစ်တတ်ပါတယ်။ (အသက် ၂၅ကျော်တာကို အသက်ကြီးတယ်လို့တော့ မဆိုလိုပါဘူး။ ၁၅နှစ်ထက်စာရင်တော့ အသက်ကြီးတာပေါ့။ ဂလိုပြောချင်တာ ခွင့်လွှတ် :D )

စာကို အဆက်မပြတ်သင်ယူတာ အချိန်နည်းနည်း ကြာလာရင် မှတ်ဥာဏ်စွမ်းရည် လျော့ကျလာတာ သဘာဝပါ။ စိတ်မပူပါနဲ့။ ဇွဲမလျော့ပဲ ဆက်ကြည့်သွားပါလို့ အားပေးချင်ပါတယ်။ တချိန်ကျရင် သူ့အလိုအလို မှတ်ဥာဏ်စွမ်းရည်က နဂိုနှုန်းအတိုင်း ပြန်တက်လာတာ သေချာပေါက်တွေ့ရပါလိမ့်မယ်။ ဟုတ်တယ် ကိုယ်တွေ့ ။ ဒီတော့ စိတ်မညစ်ရအောင် မှတ်ဥာဏ်အကြောင်း ကိုယ်တွေ့နဲ့ စာတွေ့ ပြောပြဦးမယ်။

မှတ်ဥာဏ်မှာ အမျိုးအစား အမျိုးမျိုးရှိပါတယ်။မှတ်ဥာဏ်ဆိုတဲ့ ပို့စ်မှာ ရေးဖူးတယ်။ ဒီတခါက မှတ်ဥာဏ်စွမ်းရည်က လှိုင်းတွေလိုပဲ အနိမ့်အမြင့်နဲ့ ပြောင်းလဲတတ်တယ်ဆိုတာလေးကို ဖြည့်စွက် ပြောပြချင်လို့ ။

ဥပမာ ကလေးတစ်ယောက်ကို ဘာသာစကားတစ်ခု(အင်္ဂလိပ်စာဆိုပါတော့) စသင်တဲ့အခါ သူမသိသေးတဲ့ ဝေါဟာရ အသစ်အဆန်းတွေကို တနေ့ကို အလုံး ၂၀ ကျက်ခိုင်းကြည့်လိုက်။ စကားလုံးမှတ်မိနိုင်မှုကို နေ့စဉ် စာမေးပွဲစစ်ပြီး ရမှတ်ကို မှတ်ထား။ ပထမပိုင်း တက်တက်ကြွကြွနဲ့ စာတအားကျက်လို့ အမှတ်တွေအရမ်းကောင်းနေတာတွေ့ရလိမ်မယ်။ သူကစာကျက်လို့ အရှိန်ရနေတော့ စကားလုံး၂၀ ထက်တောင် ပိုကြည့်ချင်ကြည်နေဦးမယ်။

ရက်နည်းနည်းကြာလာရင် သူအမှတ်လျော့သွားတာတွေ့ရလိမ့်မယ်။ သွားမဆူပါနဲ့။ သူမကျက်လို့ မဟုတ်ပါဘူး။ ယခင်အတိုင်း စာကျက်ချိန်တူနေပေမဲ့ ဦးနှောက်ရဲ့ မှတ်ဥာဏ်စွမ်းရည်က လျော့နည်းလာလို့ပါ။ (ဘာကြောင့်လျော့နည်းတာလဲဆိုတဲ့ အကြောင်းရင်းက အမျိုးမျိုးရှိပါတယ်။ နောင်ကြုံရင် ရေးပါဦးမယ်။)

ဒါပေမဲ့ ကလေးကို အားပေးပြီး ဆက်သင်သွားလိုက်တဲ့အခါ အချိန်အတိုင်းအတာတစ်ခုအတွင်းမှာ မှတ်အား ပြန်ကောင်းလာတွေ့ရလိမ့်မယ်။ နောက်နည်းနည်းကြာလာရင် ပြန်လျော့သွားပြန်လိမ့်မယ်။ စာကြည့်ချိန်စသည်ကို ကိန်းသေထား၊ သူ့ရဲ့ မှတ်ဥာဏ်ကို ကိုယ်စားပြုတဲ့ နေစဉ်စစ်ဆေးတဲ့ စာမေးပွဲရမှတ်နှင့် အချိန်ကို ဂရပ်ဆွဲကြည့်ရင် မှတ်ဥာဏ်ရဲ့ အနိမ့်အမြင့်လှိုင်းတွေကိုတွေ့ရလိမ့်မယ်။

အဲဒါကလေးကိုပြောတာ။ လူကြီးလည်းအတူတူပဲ။ မှတ်ဥာဏ်စွမ်းရည် ရဲ့ လှိုင်းအတက်အကျ အချိန်ပဲကွာတာ။ အသက်ကြီးလေ လှိုင်းအတက်အကျ ကျဲလေတော့ ရှိမှာပေါ့။ ဦးနှောက်ရဲ့သဘာဝ၊ မှတ်ဥာဏ်(ဥာဏ်ရည်) စတဲ့ သတ်မှတ်ချက်တွေ၊ Alfred Binet ရဲ့ IQ test နှင့် Francis Galtonရဲ့ multiple intelligence အယူအဆတွေ အကြောင်းကတော့ လူတော်တော်များသိပြီးသားမိုလို့ မပြောတော့ဘူးနော်။ စာအကြောင်းတွေပြောရတာ ပျင်းစရာမဟုတ်လား။

လောကကြီးက ဆန်းကြယ်ပါတယ်။ ပြောင်းလဲတတ်တဲ့သဘောတရားကို ဖော်ပြရရင် ပြင်ပသဘာဝအပြင် ကိုယ်ရင်ထဲက နှစ်သက်ခြင်း၊ မနှစ်သက်ခြင်းကတောင် ကိုယ့်မသိစိတ်ကြောင့် ပြောင်းလဲတတ်သေးတာ မဟုတ်လား။ ကိုယ်ခင်တွယ်တဲ့ အရာဝတ္ထု၊ သက်ရှိ/သက်မဲ့တွေအပေါ် လှိုင်းတွေလိုပဲ နှစ်သက်ခြင်း ဒီဂရီ ပြောင်းလဲတတ်ကြောင်း နှစ်သက်ခြင်း နှင့် မနှစ်သက်ခြင်း မှာ ပြောဖူးတယ်လေ။ ဒီတော့လည်း ကိုယ်ထိန်းချုပ်လို့မရတဲ့ သဘာဝကြီးကို ထိန်းချုပ်လို့မရမဲ့အတူတူ စိတ်ညစ်နေမယ့်အစား သူ့သဘာဝကို သိအောင်ကြိုးစားပြီး ကိုယ်ရည်မှန်းချက် ပန်းတိုင်ဆီကို ရှေ့ဆက်ချီတက်ကြပါစို့။ (ဟားဟား ပို့စ်အဆုံးသတ်က ဟောပြောပွဲ နိဂုံးလိုလို၊ ဘာလိုလို :D)

ပျော်ရွှင်ပါစေ

လသာညဖြစ်ပါသည်