စာအုပ်များတယ်ပြောလို့ အထင်မကြီးသွားလိုက်နဲ့ဦးနော်။ ၀ယ်တဲ့ စာအုပ်တိုင်းကို သေချာမဖတ်ဖြစ်ပါဘူး။ စာအုပ်တိုင်းကို ညက်ညက်ကြေအောင် သေသေချာချာ ဖတ်ချင်တယ်။ ဒါပေမဲ့ အဲလောက်အချိန်မရသလို၊ ဖတ်ထားတာလေးကလည်း မေ့မေ့သွားတယ်။ ဖတ်တဲ့ စာကတခေါက်နဲ့ စွဲနေအောင် သိမသွားတဲ့ အခါကျတော့ ဖတ်ပြီးသားကိုပဲ သိချင်ရင် နောက်တခေါက်ပြန်ဖတ်နေရတယ်။ ကိုယ်မှတ်ဥာဏ်ကို အားကိုမရပါဘူး။ IQက ၁၀၀ တောင် ပြည့်မှပြည့်သေးရဲ့လားမသိဘူးနော်။ (:--;)
ဒါနဲ့ ဒီနေ့တွေးဖြစ်တယ်။ ၀ယ်ထားတဲ့ စာအုပ်တွေကို မှတ်ဥာဏ်ထဲကို downloadလုပ်လို့ရရင် ကောင်းမယ်လို့။ ပြီးရင်သက်ဆိုင်ရာ အခန်းကဏ္ဍအလိုက် installလုပ်ပစ်မယ်။ ကျောင်းစာကဏ္ဍ၊ ဘာသာစကားကဏ္ဍ၊ ဗဟုသုတဏ္ဍ စသည်ဖြင့်.. ။ ဒါဆို နေ့တိုင်း စာကျက်ရတဲ့ ဒုက္ခက လွတ်သွားမှာ သေချာတယ်။ နော မကောင်းဘူးလား? (\(^^)/)
ဦးနှောက်ကြီး ပျက်စီးမသွားသေးသရွှေ့ ဒီစာတွေ မမေ့တော့ဘူးပေါ့။ မမေ့ရုံမကဘူး။ အဲဒီစာတွေက တဆင့် တီထွင်ပြီး တခြားအကြောင်းအရာ အသစ်တွေတောင် ရှာဖွေတွေ့ချင်တွေ့နေဦးမှာ။:P
အဲလိုဖြစ်ချင်တာလို့ ပြောပြတာပါ။ ဒါပေမဲ့ ..
Victor Weiskopf ဆိုတဲ့လူက သူရဲ့ Privilege of being a Physicist ဆိုတဲ့ စာထဲမှာ ပြောတယ်။ လူတွေရဲ့ ဦးနှောက်ထဲကို အသိဥာဏ်တွေ ထိုးထည့်ပေးရုံနဲ့ လူတွေက အလိုလို တတ်မြောက်မသွားဘူးတဲ့။ သူပြောချင်တာက ရလာတဲ့ အသိပညာဟာ မှတ်ဥာဏ်ထဲမှာ ရောက်ချင်ရောက်သွားမယ်။ ဒီလို သတင်းအချက်အလက်တွေ ထိုးထည့်ပေးရုံနဲ့ ဆင်ခြင်ဥာဏ်ရမသွားဘူးလို့ Victor Weiskopf ပြောချင်တာနေမယ်နော်။
သူ့စကားကို စဉ်းစားကြည့်တယ်။ ဒီလိုထင်ပါရဲ့ ။ ဥပမာ လူတစ်ယောက်ကို သတင်းအချက်အလက်တွေ အတင်းထည့်ပေးတယ်ဆိုပါစို့။ ဒါပေမဲ့ သူ့ဦးနှောက်က လက်မခံချင်ဘူးဆိုရင် ဘယ်လောက်ထည့်ထည့် ဘယ်လိုinstallလုပ်လုပ် လက်မခံဘူး။ ဦးနှောက်ကမေ့ခြင်းဆိုတဲ့ တုန့်ပြန်မှုကို ပဲ ပေးလိမ့်မယ်။ သူကိုယ်တိုင်က လိုချင်မှသာ သင်ယူမှုတစ်ခု အထမြောက်တယ်။ ဒါပဲ သူပြောချင်တာ။
အင်း.. ကိုယ်သိသလောက်တော့ လူ့မှတ်ဥာဏ်ရဲ့ အားသာချက်က အကြောင်းအရာ ဘယ်လောက်ထည့်ထည့် ထည့်လို့ရတယ်။ ကွန်ပျူတာလို့ သတ်မှတ်ချက်တော့ မရှိပါဘူးဆိုတာပါ။ ဒါပေမဲ့ သင်ယူသူက လိုချင်တယ် စိတ်ဝင်စားတယ်ဆိုတာတောင် လူသားရဲ့ မှတ်ဥာဏ်က နည်းနည်းချင်းပဲ လက်ခံနိုင်တာချည်းကို။ ပြီးတော့လည်း တချို့ အကြောင်းအရာတွေကို မကြာခဏ ပြန်မနွေးပေးရင် သူက unconscious mind ထဲက မေ့ခြင်းဆိုတဲ့ fileထဲကို သွင်းပစ်မှာ သေချာပါတယ်။ (kim peekလို လူမျိုးကတော့ ချွင်းချက်ပေါ့လေ။)
လသာညက စာကို စိတ်ဝင်စားစွာတော့ ဖတ်မယ်။ ဒါပေမဲ့ စာတခါဖတ်တိုင်း မှတ်ဥာဏ်က အများကြီး မှတ်မိနေချင်တယ်။ (မှတ်ဥာဏ်က တကြိမ်ကို 1GBလောက် လက်ခံနိုင်ရင် သိပ်ကောင်းမှာပဲလို့ ဟားဟား)။ ပြီးရင် ဖတ်ပြီးသားစာအသိတွေကို ဘယ်တော့မှ (ဖြစ်နိုင်ရင် ကိုယ်မသေမချင်း) မမေ့စေချင်ဘူး။ ဒါပေမဲ့ ကိုယ်က deleteလုပ်ချင်တဲ့ အကြောင်းအရာတွေ (ဥပမာ ဆရာက ကိုယ်စာမရလို့ ရိုက်ခဲ့ ဆူခဲ့တာမျိုး၊ကိုယ်ချစ်တဲ့ အစ်မက ယောကျာ်းရလို့ ကိုယ့်ကို ပစ်သွားလို့ ငိုခဲ့ရတာမျိုး)ကျတော့ ရက်တွေလတွေ မဆိုင်းပဲ ချက်ချင်း deleteလုပ်ပစ်လိုက်ချင်တယ်။
အဲဒီလို မှတ်ဥာဏ်ထဲကို စာတွေ download လုပ် installလုပ်လို့ ရမယ့် software လေးများရှိတယ်လို့ သတင်းကြားခဲ့ရင် အမြန်ပြောကြပါဗျို့။ မြန်မြန် download လုပ်ပစ်လိုက်မယ်။..ဟင်း...တနေ့တာ အမောများ ပြေပျောက်ပါစေ။
လသာည ဖြစ်ပါသည်။
ကိုယ်ကိုယ်လေ့လာနေဆဲ မှတ်ဥာဏ်အကြောင်း ဗဟုသုတတွေကို တော့ နောင်ကြုံရင် ပြောပြချင်ပါသေးတယ်။
No comments:
Post a Comment