လူနဲ့ မျောက်

ဒီနေ့ သတင်းတစ်ခုမှာ စိတ်ပညာရှင်အများစုက အသေစွဲလက်ခံထားတဲ့ အယူအဆတစ်ခုကို ပြန်ပြောင်းသတ်မှတ်စရာ သတင်းတစ်ခုထွက်လာပါတယ်။ စိတ်ဝင်စားစရာမိုလို့ မျှဝေလိုက်ပါတယ်။

အများက လက်ခံထားကြတဲ့အတိုင်း လူဆိုတာ မျောက်က ဖြစ်တာတဲ့။ ဒါပေမဲ့ မျောက်ဘ၀ကနေ လူဘ၀အထိ မျိုးရိုးဗီဇ အဆင့်ဆင့် ပြောင်းလဲဖို့က ရာစုနှစ်များစွာ ကြာပါတယ်။ အဲဒီကြားကာလရဲ့ အတိုင်းအတာအရ အသိဥာဏ်၊ ခံစားချက်အဆင့်၊ ဆင်ခြင်တွေးခေါ်နိုင်မှုဆိုတာလည်း အများကြီးကွာတာပေါ့။

မျောက်ဟာ မျောက်သဘာဝရှင်သန်တယ်။ ပတ်ဝန်းကျင်သဘာဝကို လိုက်ပြီး အလိုက်သင့်နေထိုင်တတ်တယ်။ အပေါင်းအသင်းနဲ့ အုပ်စုလိုက်နေတတ်တယ်။ အများလုပ်တာကို အတုယူတတ်တယ်။ တီထွင်ဥာဏ် အဆင့်နိမ့်သေးပေမဲ့ စူးစမ်းချင်စိတ်ရှိတယ်။ မိခင်စိတ်လည်း ရှိတယ်။ ဒါပေမဲ့ အချင်းချင်း ခံစားနားလည်ပေးနိုင်မှုဆိုတဲ့ အဆင့်မှာ အများကြီး နှောင့်နှေးပါတယ်။ တချို့က “မျောက်မျိုးစိတ်ဘ၀မှာ ခံစားနားလည်ပေးတတ်မှု မရှိသေးဘူး”လို့တောင် ဆိုပါတယ်။ အဆင်မြင့်မျိုးစိတ်ရှိတယ်လို့ဆိုတဲ့ ချန်ပန်ဇီ မျောက်ဝံတွေလည်းပဲ “လူတွေလို အပြန်အလှန်ခံစားပေးလောက်အောင် မမြင့်သေးဘူး”လို့ အခုထိ သတ်မှတ်ထားခဲ့ပါတယ်။

ဥပမာဆိုပါတော့ လူက တခါတခါ ကိုယ့်အတွက် အကျိုးအမြတ်မရမှန်း သိပေမဲ့ သူများကို ပျော်ရွှင်စေလိုတဲ့စိတ်တစ်ခုတည်းနဲ့ ကူညီပေးတတ်တယ်။ မျောက်ကတော့ အဲလိုနားလည်မပေးတတ်ဘူး။ ဌက်ပျောသီးကျွေးပြီး ခိုင်းရင်တော့ တစ်မျိုးပေါ့။ ဒါတောင် သူ့သခင်ခိုင်းတာမှ လုပ်ပေးတာပါ။ သူမသိတဲ့ တခြားမျောက်တစ်ကောင်ဆိုရင် ရှောင်ပြေးမှာ သေချာတာပေါ့။ လူက လမ်းမှာ အခြားလူတစ်ယောက်က ဒုက္ခရောက်နေရင် ကိုယ်နဲ့မသိပေမဲ့ အကူအညီပေးတတ်တယ်။ မျောက်ကတော့ အဲလိုမလုပ်တတ်ဘူး။ အဲဒီလို လူနဲ့မျောက် လုံးဝကွာခြားတဲ့အချက်က “တခြားသူရဲ့စိတ်ကို နားလည်ပေးတတ်ခြင်း။ တဖက်လူက ဖွင့်မပြောပေမဲ့ တဖက်လူနေရာကနေ ပြန်စဉ်းစားပေးတတ်ခြင်း”ပဲ ဖြစ်ပါတယ်။

အဲဒါက အခုအထိ လက်ခံထားတဲ့ အယူအဆဖြစ်ပါတယ်။ ဒါပေမဲ့ ဒီကနေ့ ကြေငြာတဲ့သတင်းကတော့ ချန်ပန်ဇီမျောက်ဝံတွေဟာ ကိုယ့်အတွက် မရမှန်းသိပေမဲ့ သူတပါးကို ကူညီပေးတတ်ပါတယ်ဆိုတာပါပဲ။ တိုကျိုတက္ကသိုလ်နဲ့ ကျိုတိုတက္ကသိုလ်နှစ်ခုက ပူးပေါင်းလုပ်တဲ့ သုတေသနတစ်ခုက ကြေငြာတဲ့ သတင်းဖြစ်ပါတယ်။

သုတေသနမှာ ချန်ပန်ဇီ နှစ်ကောင်ကို ကပ်လျက်မှာတခန်းစီထားပြီး တခန်းနဲ့တခန်းကို သံဇကာခြားထားပါတယ်။ သူတိုနှစ်ကောင်ရဲ့ အခန်းရှေ့မှာ ကော်ရစ်ဒါရှိပါတယ်။ တစ်ကောင်ရဲ့ရှေ့က ကော်ရစ်ဒါမှာ ဖျော်ရည်ပုလင်းလေးကို မမှီတမှီချပေးပြီး အခြားတစ်ကောင်ရဲ့ရှေ့က ကော်ရစ်ဒါမှာ တံချူတုတ်ကောက်လေးကို သူ့လက်တကမ်းမှာ ချပေးလိုက်ပါတယ်။

ဖျော်ရည်ပုလင်းရှေ့က ချန်ပန်ဇီဟာ သူလက်နဲ့ ဖျော်ရည်ကို လှမ်းယူဖို့ မမှီပါဘူး။ တံချူကလည်း မရှိဘူးဖြစ်နေချိန် တဖက်က မျောက်က သူ့ရှေ့က တံချူကို ယူပြီး လှမ်းပေးလိုက်ပါတယ်။ အဲဒါကို ယူပြီး ဖျော်ရည်ကို သောက်လို့ရသွားပါတယ်။ တဖက်က ချန်ပန်ဇီဟာ ဖျော်ရည်ပုလင်းကို သူပါသောက်ရမယ်ထင်လို့ ယူပေးတာလားလို့ သံသယ၀င်တာမို့ နောက်ထပ်စမ်းသပ်ကြည့်ခဲ့ပါတယ်။ နောက်ထပ်လည်း သူက ကူညီတာကို တွေ့ရပါတယ်။ ဒီအချက်က ချန်ပန်ဇီမျောက်တွေဟာလည်း “ အခြားသူရဲ့စိတ်ကို နားလည်ဖတ်ရှုနိုင်စွမ်း ရှိတယ်။ ကိုယ့်အတွက် ဘာမှမရနိုင်ဘူးဆိုတာ သိပေမဲ့ အခြားသူအဆင်ပြေဖို့ ကူညီပေးလိုစိတ်ရှိခြင်းဆိုတဲ့ အဆင့်မြင့်ဆင်ခြင်ဥာဏ်ရှိတယ်ဆိုတာကို လက်ခံသိရှိသွားပါတယ်။

စိတ်ဝင်စားသူများ ဒီနေရာလေးမှာ ဗွီဒီယိုလေးရှိပါတယ်။ သွားရောက်ကြည့်ရှုနိုင်ပါတယ်..။ ကူညီနေတဲ့ မျောက်ဝံကလေးတွေရဲ့ ပုံစံလေးက အရမ်းကို ချစ်စရာကောင်းပါတယ်။ နောက်ထပ်လည်း တခြား ချန်ပန်ဇီများနဲ့ စမ်းသပ်ရာမှာလည်း ၇၅% ကူညီချင်စိတ်ရှိတယ်လို့ ဆိုသွားပါတယ်။ မိဘချန်ပန်ဇီနဲ့ ကလေးချန်ပန်ဇီ အတွဲတွေကို စမ်းသပ်ရာမှာ ၉၀% ကူညီပေးလိုစိတ်ရှိတယ်လို့ ဆိုပါတယ်။ ဒါကြောင့် ဒီခံစားချက်ဟာ “လူသားတွေမှာမြင်ရတဲ့ အပြန်အလှန်ကူညီတတ်တဲ့societyကို (ချန်ပန်ဇီနွယ်တွေမှာ)ဖန်တီးဖို့ အစပဲ ဖြစ်လိမ့်မယ်လို့ ယူဆရပါတယ်”လို့ သုတေသနအဖွဲ့က ကြေငြာလိုက်ပါတယ်။

Reference။ ။ ANNသတင်းဌာန(၁၄.၁၀.၂၀၀၉)

သူငယ်ချင်းတို့ရော မှတ်ထားဦးနော်။ မျောက်ဝံတွေတောင် သူများစိတ်ကို နားလည်ခံစားပေးတတ်တယ်တဲ့။ နေ့စဉ်ဘ၀တွေထဲမှာ ပုံမှန်အားဖြင့် အများနားလည်ပေးနိုင်တဲ့ကိစ္စတစ်ခုကို နားလည်မပေးနိုင်တတ်တာတွေကို တွေ့တဲ့အခါ ထိုသူတွေဟာ မျောက်ဝံဘ၀ထက် စောတဲ့ မျိုးစိတ်ကို ဆက်လက်ပိုင်ဆိုင်ထားဆဲ ဖြစ်နေလို့နေလိမ့်မယ်လို့ သဘောထားကြီးစွာ ခွင့်လွှတ်ပေးလိုက်ပါ။ ( ရယ်စရာ နောက်တာနော်။ Human Evolution ကို သိပ်မသိပါ။ ဟုတ်မဟုတ် လသာညလည်း သိဘူး ဟားဟား)

လသာည ... ဖြစ်ပါတယ်။

အခုတလော အခြေအနေတစ်ခုကြောင့် ဘလော့ရေးတာလေး နားဦးမယ်လို့ ဆုံးဖြတ်ထားတယ်။ (ဒါပေမဲ့ အခုရေးလိုက်ပြန်ပြီ။ အသစ်မတင်နိုင်ပေမဲ့ လာလည်အားပေးတဲ့ သူငယ်ချင်းလေးတွေကို မြင်တဲ့အခါ အလိုလို အားနာသလိုဖြစ်ပြီး စာကရေးမိနေတယ် အဟီး) ဒီတခါတကယ် နည်းနည်း နားဦးမယ်နော်..။ အားလုံးကို ကျေးဇူးတင်ချစ်ခင် နောက်ပြီး အားနာစွာဖြင့်...

လသာည..ပါ။