Friday, October 30, 2009

အမြဲ..တမ်း အမြဲတမ်း

အဲလ်ဖီအကြောင်း ပြောပြချင်တာ နားထောင်မလားဟင်။ အဲလ်ဖီက ဟောဒီကမ္ဘာကြီးမှာ ချစ်စရာအကောင်းဆုံး ခွေးလေးပေါ့။

ကျွန်တော်ကို မွေးတုန်းက အဲလ်ဖီလည်း ခွေးပေါက်လေးအဖြစ် အိမ်ကို ရောက်လာခဲ့ပြီး ကျွန်တော်နဲ့ အတူတူ ကြီးပြင်းလာခဲ့တယ်။ ဒါပေမဲ့ အဲလ်ဖီက ကျွန်တော်ထက် ပိုထွားမြန်တယ်။ ကျွန်တော်က သူဘေးမှာနေပြီး နွေးနေတဲ့ သူဗိုက်ကို ခေါင်းအုံးအမှတ်နဲ့ အိပ်ရာတာကို ပျော်တယ်။ ပြီးရင် အတူတူအိပ်ပျော်သွားလေ့ရှိတယ်။ အိပ်မက်ထဲတောင် ကျွန်တော်တို့နှစ်ယောက်က အတူတူပဲ။
ကျွန်တော့်အစ်ကိုနဲ့ အစ်မကလည်း အဲလ်ဖ် ကို အရမ်းချစ်တယ်ဗျ။ ဒါပေမဲ့ အဲလ်ဖီက သူတို့အဲလ်ဖီမဟုတ်ဘူး။ ကျွန်တော့ရဲ့အဲလ်ဖီ ပဲ..လေ။
အဲလ်ဖီ နဲ့ ကျွန်တော်က နေ့ရောညရော မခွဲဘူး အမြဲတူတူကစားလေ့ရှိတယ်။
အဲလ်ဖီ ကလေ ရှဉ်လေးတွေကို လိုက်တမ်းကစားရတာကို သိပ်ပျော်ပုံရတယ်။ နောက်ပြီး မေမေ့ရဲ့ ပန်းခင်းကို သူ့ခြေထောက်တွေနဲ့ယက်ရတာကို သဘောကျသူဗျ။

အဲလိုလုပ်တတ်လို့ အိမ်သားအားလုံးက သူ့ကိုဆူကြတယ်။ ဆူပေမဲ့ သူတို့အားလုံး အဲလ်ဖီကိုချစ်ကြတယ်။ သူတို့ကလေ အဲလ်ဖီ ကို ချစ်ရဲ့သားနဲ့ ချစ်တယ်လို့ သိပ်မပြောကြဘူး။ ချစ်ရင်လည်း ချစ်တယ်လို့ ပြောလို့ရရဲ့သားနဲ့ ဘယ်သူမှ အဲလ်ဖီကို အရေးလုပ်မပြောကြဘူး။ သူတို့ပြောရင် ကျွန်တော့်အဲလ်ဖီ က ပြန်မပြောလည်း နားလည်တယ်လို့ ထင်ပါတယ်။

ဒီလိုနဲ့ ကျွန်တော်အရပ်က တဖြည်းဖြည်းရှည်လာချိန်မှာ သူကပို ၀ ၀လာတယ်။ နောက်ပြီး သူက အသက်ကြီးလာလို့ထင်တယ် အိပ်တဲ့အချိန်က ပိုများလာတယ်။ လမ်းလျှောက်လည်း မထွက်ချင်သလိုပဲ ဖြစ်လာတယ်။ ကျွန်တော်က သူနေမကောင်းမှာကို စိတ်ပူမိတယ်။

ကျွန်တော်တို့က သူ့ကို တိရစ္ဆာန်ဆရာဝန်ဆီ သွားပြတော့ အဲလ်ဖီကအသက်ကြီးလို့ နေမကောင်းတာမိုလို့ ကုစရာဆေးက မရှိဘူးတဲ့။

“အဲလ်ဖီ က အသက်ကြီးပြီ ကလေးရယ်”တဲ့ ဆရာဝန်ဦးဦးက ပြောတယ်။ ကျွန်တော်စိတ်မကောင်းဘူးဗျာ.။

သိပ်မကြာခင်မှာပဲ အဲလ်ဖီက လှေကားထစ်ကလေးတွေကိုတောင် မတက်နိုင်တော့ဘူး။ အဲလ်ဖီက နေမကောင်းပေမဲ့ ကျွန်တော့်အိပ်ခန်းထဲမှာပဲ လာအိပ်ပေးပါတယ်။ ကျွန်တော်က အိစက်တဲ့ခေါင်းအုံးလေးတွေ ခင်းပေးပြီး အိပ်ခါနီးတိုင်း သူ့ကို ပြောဖြစ်တယ်။

“ အဲလ်ဖီ .. ငါလေ မင်းကို အမြဲ..တမ်း အမြဲတမ်းချစ်နေမှာနော်”

ကျွန်တော်ပြောတာကို အဲလ်ဖီက သေသေချာချာ နားလည်နေသလိုပဲ။တနေ့မနက်အစောကြီးမှာတော့ အိပ်ရာကနိုးနိုးချင်း အဲလ်ဖီကို ကြည့်လိုက်တော့ အဲလ်ဖီက သေနေတာကို တွေ့ရတယ်. ။ ကျွန်တော်တို့အိပ်ပျော်နေတုန်း သူသေသွားတာပါ။

ကျွန်တော်တို့အားလုံးက သူ့ကိုပန်းခြံထဲမှာပဲ မြေတူးပြီး မြုပ်လိုက်တယ်။ အားလုံးငိုရင်း အဲလ်ဖီကို ဖြေဖို့လိုက်ကြတယ်။

သူတို့ဗျာ..အစ်ကိုနဲ့အစ်မပေါ့ အဲလ်ဖီကို ချစ်ရဲ့သားနဲ့ ချစ်တယ်လို့ မပြောလိုက်ကြဘူး။ အခု သူတို့ဝမ်းနည်းနေကြတယ်။ ကျွန်တော်လည်း ၀မ်းနည်းနေပေမဲ့ ကျေနပ်တယ်။ ဘာဖြစ်လို့လည်းဆိုတော့ နေ့တိုင်း “အဲလ်ဖီ၊ ငါ မင်းကို အမြဲ..တမ်း အမြဲတမ်း ချစ်နေမှာနော်”လို့ ကျွန်တော့်ရင်ထဲမှာ ရှိတာကို ပြောဖြစ်တယ်လေ။

အိမ်နားက ကောင်မလေးက ကျွန်တော့်ကို ခွေးပေါက်စလေးတစ်ကောင်ပေးမယ်လို့ ပြောတယ်။ တကယ်တော့ အဲလ်ဖီက ကျွန်တော်ကတခြားခွေးတစ်ကောင်ကို ချစ်လည်း ခွင့်လွှတ်မယ့်သူပါ။ ဒါပေမဲ့ ကျွန်တော်က ခွေးပေါက်စလေးကို မယူပဲ “နေပါစေ”လို့ ပြောလိုက်တယ်။ ပြီးတော့ အဲလ်ဖီအိပ်ရာခြင်းတောင်းလေးကို ပေးလိုက်တယ်။ ကျွန်တော့်ထက်စာရင် အဲဒီကောင်မလေးရဲ့ ခွေးပေါက်စလေးတွေအတွက် အရေးကြီးတယ်မို့လား။

နောင်တချိန် ကျွန်တော်ကြီးလာရင် တခြားတိရစ္တာန်လေးတွေ မွေးချင်မွေးဦးမှာပါ။ အဲဒီအခါကျရင်လည်း သူတို့တွေကို ကျွန်တော်ချစ်ရင် ချစ်တယ်လို့ ကျွန်တော်က ပြောဦးမှာပဲ။

“ငါ မင်းကို အမြဲ..တမ်း၊ အမြဲတမ်းချစ်နေမှာနော်”လို့..။ သူတို့တွေနဲ့မခွဲခွာခင် ကျွန်တော်ချစ်တာကို သိသွားစေချင်တယ်...

တကယ်တော့ ကျွန်တော်တို့တွေက အမြဲတမ်း ကိုယ့်အနားကရှိနေသူတွေကို သိပ်ပြီးဂရုမစိုက်ကြဘူး။ ချစ်တယ်လို့ သိပ်မပြောကြဘူး။ ရင်ထဲကနေပြောကြည့်စမ်းပါ “ချစ်တယ်”လို့လေ။ ကြားရသူတိုင်း အရမ်းကို နွေးထွေးကြည်နှုးဖွယ်ရာ စကားလေးနှစ်လုံးပါ။ အခုတော့ ဝေးသွားမှ၊ သေသွားမှ၊ ၀မ်းနည်းစိတ်မကောင်းဖြစ်ကြတယ်။ အဲဒီအချိန်ကျ ဒီစကားတွေက ပြောဖို့ အချိန်နှောင်းနေပြီမို့လား.............

အခုလည်း တို့တတွေဟာ တိုက်ဆိုင်စွာ ဒီအချိန်ဒီနေရာမှာ လာတွေ့ကြတယ်နော်။ အကြောင်းအမျိုးမျိုးနဲ့ တချိန်ချိန်မှာ မဖြစ်မနေ ခွဲခွာကြရဦးမယ်.. ။ မခွဲခွာခင် ပြောခွင့်ပေးပါ.. သူငယ်ချင်း.။

“လသာညရဲ့ သူငယ်ချင်းအားလုံးဟာ လသာညအတွက်တော့ အရေးပါသူတွေချည်းပါ. အားလုံးကို အမြဲချစ်ခင်လေးစားပါတယ်” လို့.....

လသာည ဖြစ်ပါတယ်။
မှတ်ချက်။ ။ ဂျပန်နိုင်ငံက မူလတန်းကျောင်းသုံးစာအုပ် ပထမတန်းက ずうっと、ずっと、だいすきだよ!ကို ဘာသာပြန်တာဖြစ်ပါတယ်။

18 comments:

လသာည said...

ဒီနေ့ မူလတန်းကျောင်းတစ်ကျောင်းကို သွားပြီး စာသင်တာကို သွားလေ့လာမိတယ်။ ပထမတန်းဆိုတော့ ၆ နှစ်အရွယ်ကလေးငယ်လေးတွေကို သင်ပေးနေတာဖြစ်ပြီး ဘာသာရပ်က ဂျပန်စာ 国語ဖြစ်ပါတယ်။ တိုက်ဆိုင်စွာ ဒီပုံပြင်လေးကို ဖတ်နေတဲ့ ဆရာမက စာသင်ကောင်း ပုံပြင်လေးကလည်း ကောင်းဆိုတော့ ဆရာတွေရော ကလေးတွေပါ မျက်ရည်လေးတွေလည်လို့..လေ။ ကလေးတွေကို ကြည့်ပြီး ကိုယ်တောင် ၀မ်းနည်းမိသွားတယ်။

ဒီပုံပြင်ကို သင်ကြားရခြင်း ရည်ရွယ်ချက်ထဲမှာ အရေးကြီးဆုံး ရွယ်ရည်ချက်က ခပ်ငယ်ငယ်ဒီအရွယ်ထဲက ကိုယ့်ဘ၀ရဲ့အရေးကြီးဆုံးအရာများ (မိဘ၊ မောင်နှမ၊ သူငယ်ချင်းမိတ်ဆွေအပါအ၀င် )တွေကို ချစ်တတ်အောင် ရင်ထဲကစကားကို ပြောတတ်အောင် သင်ကြားပေးနေပါတယ်တဲ့.. ။

သိင်္ဂါကျော် said...

ကောင်းလိုက်တဲ့ ပုံပြင်ကလေးနော်...
ကိုယ့် ရဲ့ မိဘ မောင်နှမ သူငယ်ချင်း အချင်းချင်း ချစ်ရင် ချစ်တယ် လို့ ဟန်မဆောင်ပဲ ပြောနိုင်ဖို့ လိုတာပေါ့နော်။

kiki said...

ဟေးး ချစ်တယ် ချစ်တယ်..အားလုံးကို ချစ်တယ် ။။
သူငယ်ချင်းတို့ ရေ ..
လူ့ ဘဝ တိုတိုလေးမှာ လူတိုင်း လူတိုင်း၊ မနာလို ဝန်တိုခြင်းကင်းစွာ နဲ့  ချစ်ခင်စွာ နေနိုင်ကြရင် အကောင်းဆုံးပါပဲ လေ ။

မိုးအိမ့်ဖြူ said...

ယူသွားပြီ နော် မကြီး ရေ အီးမေးလ်နဲ့ သူငယ်ချင်းတွေကို ဖြန့်လိုက်ဥိးမယ်...။ ကောင်းတယ်ဗျာ တော်တော်လေးကောင်းတယ်...။ အရင်တုန်းက ကျွန်တော့် ငယ်ဘဝလေးကို ပြန်သတိရတယ်ဗျာ..။ ကျွန်တော်အတွက် ရည်ရွယ်ရေးထား သလိုပဲဗျာ...။ ကျွန်တော် အတော်လေး ၀မ်းနည်းမိတယ် သတိလည်းရတယ်ဗျာ....။ တကယ်ကို ကျေးဇူးပါပဲဗျာ :'( ...။

rose of sharon said...

ဒို့လဲ ဒို့သူငယ်ချင်းလေး လသာညကို ချစ်ခင်လေးစားပါတယ်

မယ့်ကိုး said...

စာလေးက တကယ်ပဲ ရင်ထဲရောက်တယ် မ ။ မယ်လည်း မမလသာညကို မိုးလောက်ကြီးချစ်တယ်... =)

ZarChyLwin said...

မညရေ ရင်ထဲကျန်ခဲ့အောင်ပါပဲ
......

မင်းအိမ်ဖြူ Minn Eain Phyu said...

အခုချိန်ကစပြီး တွေ့သမျှ အနားမှာ ရှိတဲ့ သူငယ်ချင်းမလေးတွေကို ပြောတော့မယ် နင့်ကို ငါချစ်တယ်လို့ ဟီဟိ
ပြသနာတက်ရင် လသာည ဘလော့ကို ဖတ်ပါလို့ ညွှန်းမယ်

ဟာဟ

ပျော်ရွှင်ပါစေ

မင်းအိမ်ဖြူ

မိုးသီတာ said...

အဓိက ပြောစေချင်သူကို ပေးဖတ်ပြီးပြီလား လသာညရဲ့။ :D :D :D ကျပ်ပြီး လစ်ပြီ။

pps said...

လသာညရေ...ပုံလေးကြိုက်လို့ ..ခိုးသွားပြီ....နော်......
watashimo zu-tto zutto dasukidayo...( inu wo.....heheheehheeee)

အိစံ said...

မိုးသီတာရေ လသာည တို့ က ပေးဖတ်စရာမလိုဘူးလေ ずっとずっと..こころのなかでတဲ့ ..

Anonymous said...

မှန်တာပေါ့နော်။ဒါကြောင့် လက်ရှိဘ၀မှာ အပြန်အလှန် ချစ်လို့ ရတဲ့အချိန်မှာ အကြင်နာတွေ အပြည့်အ၀ပေးပြီး ချစ်သွားကြတာ အကောင်းဆုံးပေါ့။ အားလုံးကို ချစ်ခင်လျှက်...လသာညကိုလဲ ချစ်လျှက်ပါလို့ ပြောရင်းနဲ့ ...

ထား

မိဆိုးလေး said...

အဲဒါကြောင့် သိအောင်အမြဲ ဖုန်းဆက်ပြောတာကို..။သူတို့ ပဲ နေ့ တိုင်းဆက်တယ်တဲ့.။သူပဲအညိုးညိုး..ဟွန်း။:P

လသာည said...

ကွန်မန့်လေးများအားလုံးကို ကျေးဇူးတင်ပါတယ်။ ဂျပန်လို ずーっと、ずっと、だいすきだよ(zutto,zutto, daisuki dayo) ရဲ့အဓိပ္ပါယ်က I will always love you!ဆိုတဲ့ အဓိပ္ပါယ်ဖြစ်ပြီး အခုမှ မူရင်းကို လိုက်ရှာမိတော့ အင်္ဂလိပ်လို ရှိတာတွေ့ရပါတယ်။
မူရင်း “I'll always love you”by Hans Wilhelm ဖြစ်ပါတယ်။

အားလုံးပဲနော် ကိုယ့်ဘ၀ရဲ့ အရေးပါသူတိုင်းကို နေ့တိုင်းပြောဖြစ်အောင်ပြောနိုင်ကြပါစေလို့..။ ဖုန်းခကုန်တာတော့ တတ်နိုင်ဘူးနော်။ :P လသာညကတော့ နေတိုင်းပြောဖြစ်တယ် “စာရိုက်နေတယ် မအားဘူးကွ”လို့။။ :P

မြတ်နိုး said...

I know well before I read ur post.
But..time is out .
:(

Now I try to use...

By the way,

Where can I find Japanese primary text book???

မြတ်နိုး said...

ဒီပုံပြင်ကို သင်ကြားရခြင်း ရည်ရွယ်ချက်ထဲမှာ အရေးကြီးဆုံး ရွယ်ရည်ချက်က ခပ်ငယ်ငယ်ဒီအရွယ်ထဲက ကိုယ့်ဘ၀ရဲ့အရေးကြီးဆုံးအရာများ (မိဘ၊ မောင်နှမ၊ သူငယ်ချင်းမိတ်ဆွေအပါအ၀င် )တွေကို ချစ်တတ်အောင် ရင်ထဲကစကားကို ပြောတတ်အောင် သင်ကြားပေးနေပါတယ်တဲ့..

right..

လသာည said...

မိုမိဂျိရေ.. primary text bookတွေက 0yenနဲ့ ကျောင်းသားတွေကို ဝေတာလေ။ အဲဒါ ကျောင်းတစ်ကျောင်းကို သွားလေ့လာရင်းနဲ့ ကျောင်းအုပ်ကိုrequestလုပ်ရင် (နိုင်ငံခြားကျောင်းသားဖြစ်လို့)သူက လက်ဆောင် တစ်အုပ်တစ်လေ ပြန်ပေးတတ်တယ်။
အများစုကို ဖတ်ချင်ရင် တက္ကသိုလ်စာကြည့်တိုက်တွေမှာ textbooks ဆိုပြီးရေးထားတဲ့ စာအုပ်စင်တွေမှာရှိတယ်ကွ။ (မူလတန်းကနေ တက္ကသိုလ်အထိ)။ ဌားရင် ၂ ပတ်ဌားခွင့်ရှိတယ်။ ကလေးဖတ်စာတွေက ရောင်စုံပုံလေးတွေနဲ့ ဂျပန်စာလည်း လွယ်လွယ်လေးတွေ ရေးထားတော့ ဖတ်ရတာ တော်တော်စိတ်ဝင်စားဖို့ကောင်းတယ်။
သိပ္ပံစာအုပ်တွေဆိုရင် မြန်မာပြည်တောင်သယ်ပေးချင်စိတ်ပေါက်တယ်။

Anonymous said...

Hellο there! Would yоu minԁ
if Ӏ ѕhare уour blοg with my fаcebоok gгoup?
There's a lot of people that I think would really appreciate your content. Please let me know. Thank you

Here is my site: Bauchmuskelübungen **