ငယ်သူမို့ မသိတတ်ခဲ့ပါ.။

ခေါင်းစဉ်လေးကြည့်ပြီး လသာညတစ်ယောက် ငယ်ငယ်က အချစ်ဦးအကြောင်း အတွေးနယ်ချဲ့နေပြီ လို့ အထင်ကြီးသွားမှာစိုးလို.. မြန်မြန်ဖြေရှင်းချက်ပေးပါရစေ..။ လသာည အကြောင်းမဟုတ်ပါဘူး။ ဗဟုသုတလေးပါလို့..။ ဘာအကြောင်းပဲပါပါ ဗဟုသုတလေး အဖြစ်သာဖတ်ပါရန် ကြိုတင် တင်ပြ အရေးဆိုပါတယ်နော်.။ :D

ဒီလိုပါ..။ ဂျပန်နိုင်ငံ ၀န်ကြီးဌာနက ဒီနှစ်-၂၀၀၉မှာ ထုတ်ပြန်တဲ့ ယခုခေတ်ဆယ်ကျော်သက်ကလေးတွေရဲ့ ပြဿနာပါ.။

ပထမဆုံးပြဿနာက အခုခေတ်ကလေးတွေက ထမင်းကို တနေ့ကို ၃နပ်စားပါဆိုတာ မစားဘူးတဲ့လေ။
တချို့ က ညက အိပ်ရေးပျက်တော့ မနက်ကို နေဖင်ထိုးအောင် အိပ်တယ်။ မနက်ကျတော့ ကျောင်းနောက်ကျမှ စိုးလို့ အချိန်လုပြေးရတော့ မနက်စာ စားချိန်မရတော့ဘူး။ တချို့ကျတော့ ၀ိတ်လျော့တဲ့အနေနဲ့ မနက်စာတနပ် လျှော့တယ်တဲ့.။

တကယ်တော့ မနက်စာဆိုတာ မစားမဖြစ်စားရမယ့် အစာပါ။ မနေ့ကစားခဲ့တာက မနက်စောစောတင် ဟိုအခန်းလေးမှာ သွားစွန့်လိုက်ရင် ကုန်သွားရော၊ ဒီတော့ တနေ့လုံး အလုပ်လုပ်ဖို့အတွက်က အစာစားရမယ်လေ။ လောင်စာဆီထည့်မှ အင်ဂျင်က လည်မှာဆိုတာ ဒီကလေးတွေက မသိကြဘူး။ အဲတော့ ဘာဖြစ်သလဲဆိုတော့ ကျောင်းမှာ အလကားနေ စိတ်တိုစိတ်ဆတ်ဖြစ်တယ်။ စာထဲမှာ အာရုံစူးစိုက်လို့ မရဘူး။ ကလေးပီပီ လှုပ်ရှားပြေးလွှားကစားတဲ့အခါလည်း အဖိုးကြီးတွေလို မောပန်းနေတတ်တာပေါ့။

ဒုတိယပြဿနာက အားနည်းတဲ့လူကို အုပ်စုလိုက် ဗိုလ်ကျတဲ့ ပြဿနာပါ။ ဒီတော့ ဘာဖြစ်သလဲဆိုတော့ အဲဒီကလေးက စိတ်ဆင်းရဲတာမခံနိုင်လွန်းတော့ ကျောင်းမတက်ပဲ ကျောင်းတက်ရမှာ ကြောက်တဲ့သူ၊ အိမ်ထဲကအိမ်ပြင် မထွက်သူရဲတဲ့သူဖြစ်သွားတယ်။ အဲလိုကလေးတွေဟာ လွန်ခဲ့တဲ့ ၁၀နှစ် အတွင်း ၃ဆတက်လာခဲ့တယ်။ အခုဆိုရင် ကျောင်းသားနှစ်ဆယ်မှာ ၁ယောက်နှုန်းက ကျောင်းမတက်ပဲ အိမ်တွင်းပုန်းတွေဖြစ်နေတယ်တဲ့..။

ဟုတ်တယ်.. လူကြီးတွေ စိတ်ပူလာကြပြီပေါ့။ ဒီပုံစံအတိုင်းဆို တနှစ်ထက်တနှစ် အိမ်တွင်းပုန်း ကျောင်းသားတွေ ပိုများလာမယ့် ပြဿနာက ဂျပန်နိုင်ငံကို ခြိမ်းခြောက်နေလေရဲ့။ အိမ်တွင်းပုန်းတာက တော်ပါသေးတယ်၊ စိတ်ညစ်ပြီး ကိုယ့်ကိုယ်ကို သတ်သေသွားတာမျိုး ကလည်း ရှိနေတော့ ဒီအရွယ်ကလေးတွေ အခုလို အချင်းချင်း အနိုင်ကျင့်တဲ့စိတ် ပျောက်အောင် ဘယ်လိုလုပ်ရမလဲဆိုတာ ဂျပန်တွေ ခေါင်းမီးတောက်နေလေရဲ့~။

တတိယပြဿနာကတော့ websiteတွေကနေ အတင်းပြောတဲ့ ပြဿနာပါ။ ဒီမှာ ကွန်ပျူတာကလည်း ပေါမှပေါဆိုတော့ အလယ်တန်းကျောင်းသားတွေကို website လုပ်နည်း သင်ပေးကြတယ်။ အုပ်စုလိုက်၊ အတန်းလိုက်၊ ကျောင်းလိုက် websiteတွေမှာ အဖွဲဝင်ပေးခိုင်းထားတယ်။ ရည်ရွယ်ချက်က ကျောင်းစာနဲ့ ပြင်ပဗဟုသုတတွေ၊ ကျောင်းလုပ်ငန်းစဉ်တွေကို ညွှန်ကြားဖို့နဲ့ တစ်ဦးချင်းစီရဲ့ အကြံဥာဏ်ယူဖို့ပါ။

ရည်ရွယ်ချက်ကောင်းသော်လည်း websiteရဲ့ ကြော်ငြာသင်ပုန်းလိုနေရာမျိုးမှာ တစ်ယောက်ရဲ့ အတွင်းရေးကို တစ်ယောက်က မကောင်းကြောင်းရေးတင်တတ်တဲ့ ကလေးက ရှိပြန်ရော။တစ်ခုခုတင်လိုက်တာနဲ့ အဲဒါဟာ တကျောင်းလုံးက ကျောင်းသားတွေက ဖတ်ပြီးသားဖြစ်သွားတာက ပြဿနာပါ။

ရေးသူနာမည်က မပေါ်ဘူးဆိုတော့ ဘယ်သူရေးမှန်း မသိရဘူး။ ကာယကံရှင်က တကယ် ဘာမှ မလုပ်ပေမဲ့လည်း အမြင်ကပ်ပုဒ်မ နဲ့ ရေးလိုက်တာမျိုးလည်း ခံရတတ်တယ်။ ကာယကံရှင်က ဖြေရှင်းချိန်မရခင် နောက်ထပ် websiteတွေ၊ နောက်ထပ် ဘလော့တွေ ကနေပြီး နေရာတော်တော်များများကို ပျံနှံသွားပြီ ဖြစ်ပါတယ်။

အဲဒီ အင်တာနက်ကတဆင့် အတင်းပြောခြင်းကို ခံယူရတဲ့ ကလေးဟာ စိတ်ဓါတ်မခိုင်မာရင် စိတ်ဆင်းရဲမှုဒဏ်ကြောင့် ကိုယ့်ကိုယ်ကို သတ်သေဖို့ကြိုးစားတော့တာပေါ့။ ဒါမှမဟုတ် ကျောင်းကိုမသွားပဲ အိမ်တွင်းပုန်းဖြစ်သွားပြီပေါ့..။ သနားစရာ အရမ်းကောင်းပါတယ်။

နောက်ထပ်ပြဿနာက sex ပြဿနာ..။ (ဗဟုသုတလေးအဖြစ်ဖတ်ဖို့ပါ :) ဘာလဲဆိုတော့ ကျောင်းသူလေးတွေ ဗိုက်ကြီးတဲ့ပြဿနာပါ။ အရေအတွက်က တနှစ်ထက်တနှစ်များလာပါတယ်။ ဒီမှာက sex educationဆိုတာ ရှိတယ်။ အထက်တန်း ကျောင်းသား/ကျောင်းသူတွေကို သင်ပေးတာပါ။ အဲဒီစာသင်ချိန်မှာ ယောက်ျားလေး၊ မိန်းခလေး သီးသန့် ခွဲပြီး အဲဒါကို ပညာပေးသတဲ့။ ခန္တာဗေဒ အကြောင်းကစပြီး အဲဒီအချိန် ကွန်ဒုံးကို ဘယ်လိုသုံးရတယ်။ ဘာဆေးတွေကို ဘယ်နှုန်းထားနဲ့ ဘယ်အချိန်မှာ စားရတယ်။ နောက်....။ အများကြီး တော်တော်ကြီး စုံတယ်တဲ့..

အဲဒီမှာ ဘာပြဿနာပေါ်လာလဲဆိုတော့ ဗိုက်ကြီးသူတွေထဲမှာ အလယ်တန်းကျောင်းသူတွေ များလာခဲ့တယ်။ လူကြီးတွေ မျက်လုံးပြူးသွားတာပေါ့။ အကြောင်းရင်းကို စစ်လိုက်တော့ sex educationကို အထက်တန်းကျောင်းသား/ကျောင်းသူပဲ သင်ပေးပြီး အလယ်တန်းကျောင်းသား/ကျောင်းသူကို သင်မပေးပဲထားတာမို့ သူတို့က အလယ်တန်းကျောင်းသားဘ၀ဆိုရင် ဗိုက်မကြီးဘူးလို့ ထင်လိုပါတဲ့ .. :D) သြော်.ဖြစ်ရပုံ..။ ငယ်သူဆိုတော့လည်း ဘယ်သိမလဲလေ။ သင်ပေး. အဲ ပြောပြမှ သိမှာပေါ့.. ။

အခု sex education ကို ဘယ်အတန်းက စတင်သင့်သလဲဆိုတာကို ဂျပန်တွေ ခေါင်းခဲနေလေရဲ့..။ sexအကြောင်း သူတို့ဘာသာ ဘာမှမသိပဲနေတာကို သင်လိုက်ခါမှ လက်တွေ့စမ်းချင်စိတ်ပေါက်သွားရင် ပိုမဆိုးပေဘူးလား..လို့လည်း တွေးတော စိတ်ညစ်နေကြပါသတဲ့။ (သူငယ်ချင်း မင်းကော ဘယ်လိုထင်လဲ?)

နောက်ထပ်လည်း ပြသနာတွေ အများကြီးရှိသေးတယ်..။ (မှတ်ချက်.. ဂျပန်လိုရေးထားတဲ့ ဘူးသီးငပေါင်းကြော်ကို ဖတ်ရတာ နည်းနည်း မျက်စိညောင်းသွားပြီမိုလို့ ဒီပြဿနာလေးလောက်ကိုပဲ တင်လိုက်ပါတယ်။ ဂျပန်လို ကျွမ်းကျင်သူများ အနေနဲ့ ဂျပန်နိုင်ငံ ပညာရေးဝန်ကြီးဌာန (monbukagakushoရဲ့ ၂၀၀၉ ခုနစ် ထုတ်ပြန်ချက်တွေမှာ 青年期の問題ー2009နဲ့ ရှာရင် အများကြီးရှိပါတယ်။ စိတ်ဝင်စားရင် ဖတ်ကြည့်လိုက်နော်.။))

အင်း... တိုးတက်တဲ့နိုင်ငံမှာလည်း တိုးတက်မှုအလျှောက် တဖက်က ထိန်းချုပ်မရတဲ့ ပြသနာတွေက ရှိနေတာပါပဲ..။ ထားလိုက်ပါလေ.. ပြီးပြည့်စုံတယ်ဆိုတာ ဘယ်နေရမှာမှ မရှိနိုင်တာကြီးကိုး နော..။

သြော်... လသာည၏ ချစ်သူငယ်ချင်းဆယ်ကျော်သက်လေးများ (ဟုတ်တယ်လေ ၁၀နှစ်ကျော်သူအားလုံး) သို့ မှာကြားချင်တာလေးရှိပါတယ်။ .

၁) မနက်စာထမင်းကို ၀ အောင်စားကြပါ။ ပြီးမှ ကျန်တာဆက်လုပ်ကြပါ။

၂) သူများ၏ အုပ်စုလိုက် အနိုင်ကျင့်ခံရတယ်လို့ ထင်ရင်လည်း အိမ်တွင်းပုန်းကြောက်မနေပါနဲ့၊ ကိုယ့်ကိုယ်ကိုလည်း သေကြောင်းမကြံကျပါနဲ့။ :P ။ သတ္တိရှိရှိ ရင်ဆိုင်ကြပါ။ တစ်ယောက်တည်း ဖြစ်နေရင်လည်း မကြောက်ပါနဲ့။ လသာညကို လာပြောပါ။ (ဦးအောင် ထွက်ပြေးမလို့ ဟားဟား)

၃) အင်တာနက်ကနေ အတင်းတုတ်ခံရရင်လည်း အတင်းတုတ်တဲ့ websiteရဲ့ ကြော်ငြာသင်ပုန်းကို မကြည့်ဖြစ်အောင် နေကြပါ။ မမြင်ရရင် မသိတော့ စိတ်ချမ်းသာတယ်မဟုတ်လား။

၎) အဲ.. နောက်ဆုံးတစ်ခုကိုလည်း... သေသေချာချာလေ့လာကြပါ။ ကိုယ်ဘာသာ သေချာမှသာ.. ဟိုဒင်းကြပါ..လို့..

မတောက်တခေါက် ဖတ်မိတဲ့ ဗဟုသုတလေးနဲ့ ... ဆရာလုပ်လိုက်ရပါတယ် ..။

ပြီးစ်...။

လသာည ပါ။